اهلا وسهلا البنت اذا حبت...!
تدري إذا البنت عشقت وش ممكن يصير؟!
يوووه...
لوتدري وش عشق البنات..؟؟!!
موت وحياة..
وأشياء أبد ماتنوصف..
تبي تعرف البنت إذا جربت الهوى؟!
تنثر لها دمعة حلوه..
تشبه لحبات المطر..
بس دافيه حييييل..!
وتشتري لها شمعة لونها وردي..
وتفرح إذا هي تحترق..
وتجلس بغرفتها كثيير ..
تصحى
وتنام
ودايم كسل..
تضحك شوي..
وتبكي شوي..
وتقول أحيانا كلام..
هي نفسها ماتفهمه ..!
وتشتري لها دفتر جديد..
وتكتب عليه بعض الطلاسم والحروف والباقي كلة شخمطه ..!
وتغير العطر القديم...
وتكره ملابسها القديمة
وتموت بالليمون..والشاهي الخفيف
وتقرى شعر كلة غزل وتقول ..!
يوووه.. الله على عشق البنات ياحليلهم
مره يحبون الهوى وإذا دخلوه ضاعوا ومادلوا الطريق
أمش على شط الهوى وشوف البنات
هذي غرقانة..!
وهذي تصيح..!
والثالثة تمشي وتطيح ..!
وبحر الهوى مايرحم أحد..
يموت في قتل البنات
تقوووول
حبيبي!!!..
تدري بشي..
أنا بصراحة خايفة..
أخاف يوم تتركني على حال الطريق
وترحل بعيييد ..!!!
وتصبح مثل باقي الرجال ماتفهم قلوب البنات.
وتقوووول
تدري وش يصير..!؟!
والله لأموت من القهر وآخذ عزا كل البنات!
وأكتب رسالة للقمر
وأقوله ..!
لاتنخدع من الرجال.
مهماوصفوك
ومهماتغنوا في بهاك..!
باكر يخلونك تموووت من القهر
مثل البنات ..!
وهذي إلى كل شآب متلاعب بمشاعر البنات ..!
lيامدعين الحب يااصحاب الاشناب
ياأهل الغدر والكذب وطبوع(ن) دنية
لاتحسبون الحب كلمات بكتاب
وألا أغاني وتنهدى للبنية
ماعندكم للحب معنى ولا أسباب
في مهزلتكم مالقى له هويـة
خذتو المشاعر تسلية كأنها ألعاب
وخنتوا العذارى والقلوب البريــة
وين الوفا والتضحية بين الاحباب
والصدق وينه مابقى له بقيـــــة
ياللي تقول إنك من الحب منصاب
مظلوم وجروحك في المحبة دميــة
وقف مع نفسك واكشف لها حساب
واسأل احاسيسك إذا هي وفيـة
لاتدعي الاخلاص وتلوم الاصحاب
وأنت الذي اذنبت وغيرك ضحيـة
دام الهوى كاذب والخل كذاب
ماللعتب داعي وبنسى القضيـة
مع كامل احترامي للأحاسيس والمشاعر المرهفه الصادقه
ستروووبري
__________________
موضوع: ماذا يحدث للبنت اذا احبت 
الخميس مايو 01, 2008 9:15 am
