فلسفه حمار

موضوع: فلسفه حمار الثلاثاء أغسطس 12, 2008 1:08 pm

عجبي عليك يابن آدم يا كبير الدار
قومت الدنيا وما قعدت لما قالو حمار
هو اسمي شتيمه ولا جنسي ده عار
خلقني ربي وخلقكولا حدش له خيار
ومهما زاد الحمل فوقي صابر ع المشوار
لا في يوم أقول اشمعنى اخويا واخد منه التار
ولا يوم ابص لرزق غيري واطق منه واغار
ولا ارفع في يوم عيني على جارتي واصون الجار
ولا مهر ادفع لحمارتي وشبكة وسوار
ولا شقة اجمع في تمنها ولا اجهز دار
ولا حرمة حامل تتوحم عايزة الكافيار
ولا بنت تخرج عن طوعي وتجيب العار
ولا ابن يدمن ويهلوس ويقع ينهار
عايش في حالي متهني وليه افكار؟
باكل وبشرب وبنهق ومافيش اسرار
وعندي ابن آدم يخدمني ليل ونهار
ان جعت يشتري برسيمي بأغلى الاسعار
وفي مرضي يقعد يعالجني ويدعي الستار
خادم امين من غير راتب ولا حتى ايجار
والحين عرفت يا بني آدم.........
مين فينا حمار؟!