كل الاعضاء ..بتمنى منكم تعطوني رايكم .....

انا حابة اطرح عليكم قصة صحبتي وتحكولي شو رايكم فيها

بتمنى ما حد يبخل علينا بالرد ورايه بالموضوع

ورجاء كتير كبير ما حد ياخد الموضوع بضحك او مسخرة

هالبنت كانت طالعة من علاقة حب فاشلة ...

بعد هيك تعرفت ع شاب وقف معها كتير ساعدها

حسسها بامان كان يسمعلها دايما ينصحها شو تعمل

كان يحكيلها مستحيل اتركك وانتي بهيك وضع

ما رح اسيبك لحتى انتي ترتاحي او تطلبي مني ابعد عنك

وازا طلبتي رح اضل اطمن عليكي واسال عنك دايما

بعد كام شهر نشات علاقة حب بيناتهم

حبوا بعض كتيييير والبنت تعلقت فيه بشكل هي ما كانت متوقعاه

كانو يخططو لحياتهم مع بعض

طلبت منه ييجي يتقدملها رسمي

حكالها انو لسه مش مستعد لييجي ويتقدملها رسمي

لساتو بدو يكون حاله ويرتب اموره

حكتلو مستعدة استناك العمر كلو

كان يحكيلها بحياتي ما رح اتخلي عنك

اول ما حبوا بعض حكتلو

اوعى تكون بتلعب فيا انا طالعة من تجربة صعبة ومش حتحمل تأذيني

حكالها ازا ... كان بيتسلى فأنا مستحيل اتسلى

فجاة بدا يتغير ما عاد يسال عنها زي اول

هي الي تسال عنه وكان يرد ويحكيلها انو تعبان مش قادر

عندو ظروف مشغول .......

زودها كتييير

مع انه كان قبل ما يفوت يوم الا ويسال عنها

يطمن عليها

بيوم قررت البنت تحط حد للموضوع فراحت وبعتتلو مسج وسالتو حكتلو انت بدك ياني اطلع من حياتك

بس مش لاقي عزر ولهيك بتتهرب مني

ازا كنت بدك ياني اطلع من حياتك راح اطلع

بس لا تتركني معلقة فيك هيك

بعتلها مسج احنا حكايتنا وهم كبير وما بدي اعزبك معي

انصدمت البنت ما استوعبت يلي صار

صارت تبعتلو مسجات تسالو ليش هيك عمل

ما بيرد

ترن عليه يفصل بوجهها

لدرجة هالبنت حاولت تنتحر وبردو ما فرقت معه

المشكلة البنت مش شاكة ولو واحد بالمية

انو كان يتسلى فيها

واثقة فيه اكتر من حالها

والي أأكد هالشي انو صحبتها حكت معه وصوته كان تعبان كتيير

البنت طلبت منه انه يحكيلها انتهينا بس بصوته

لتتاكد انو فعلا هو هيك بدو

بس ما رد عليها



سؤالي للشباب:

هلأ شو السبب الي خلى هاد الشب يعمل هيك

يا ترى زهق

ولا كان بيتسلى

ولا فعلا مش حاب يظلم البنت معه

ولا في اسباب تانية

يعني انتو شباب وبتعرفو لبعض

وسؤالي للبنات :

لو كنتو مكان هالبنت شو رح تعملو

رح تنسوا

ولا حتضلو تحاولو تعرفو شو السبب

ولا شو رح تعملو

واي استفسار تاني انا جاهزة

وبستنى اسمع ارائكم بهيك موضوع

واسفة طولت عليكم

انا براى انه كان بيتسلى معها اصلا كل الشباب هيك بيحبوا يتسلوا كتير


ومش فاضين لهيك حاجات بس شاطرين يعلقوا ويتركوا

أنا ما بعتقد أنو كان بيتسلة لأنو يلي بيتسلى بيبين من أول العلاقة يمكن هوه مو حابب يظلم البنت أو انو ما بيقدر يتزوجها لظروف خاصة الله أعلم شو ظروف الناس

انا لو كنت مكانها

خلص واحد مابدو اياني ومو معبرني شو بدي فيه اخرب حياتي ميشانو يلي ببعيني برخيص ببيعوا وما بسأل عنو حتى لو كنت بحبو وما بقدر أتخيل حياتي بدونو والبنت منا لازم يكوون عندها كرامة وتكون كرامتها فوق كل شي حتى لازم تكون كرمتها أهم من سعادتها

خلص هوه حكالها انسيني تنساه هوه هيك بده

ليش تقعد تعيط وتهري في حالها على انسان بدو اياها تنساه

وانا ما بقدر اظلم الشب الله أعلم بظروفه

بس البنت لازم خلص ما تحاول انها تتصل عليه تتقل شوي وتحس بكرامتها وبعدين لو ربنا كاتب الها انو هالشب هيكون من نصيبها هتاخدو غصب عن الكل

هاي وجهة نظري الخاصة

تحياتي

انثى في زمن الرجال

الحلا كله

بتشكركم كتير

وكل الاحترام لرايكم