قصيدة من اهل الجنوب الي الحبايب

((..ما أقسى من فراق الجنوب إلا فراق أهل الجنوب..))

وعيني اللي كل ماذعذع من الغربي هبوب..

........................ يحـــلالها لون الغروب اللي تذوب قبالها

ويا ويل حالي كل مايحلالها لون الغـــروب..

....................... تطــــريلي الريم اللعوب وسالفة ترحالها

و عز الله إني كل ماتطري لي الريم اللعوب...

..................... حرمت أمد إيدي على حاجه وأنا ما أقوى لها

من سافرت ريم الغلا صديت عن كل الدروب...

................. ماهو قصور بالعذارى بس ذيـــــك لحالها

من فارقتني ماخطف قلبي من الحور محبوب..

................. ولا لقيت الجادله اللي تستحق أحــيا لها

لأن القلوب إن ماوفت لأحبابها ماهي قلوب...

................ والعشره اللي ماترد الروح مانسعى لها

أما الوفااللي يستر الرجال من كل العيوب...

............... ولا الجفا اللي يستر عيوب العرب في رجالها

((..ما أقسى من فراق الجنوب إلا فراق أهل الجنوب..))

..........................ويلي على اللي كل ماتزعل تشد رحالها...

اللي مذيرها العتب لاشبت بصدري شبوب...

.......................... عييت أراضيها وهي عيت تطول بالها

كانت معي مثل النصيب يحدني من كل صوب...

......................... كانت دروبي من متاهات الظلل لظلالها

كانت هروبي لاشعرت إني بحاجه للهروب...

....................كانت سماي اللي لاضاقت علي ألجأ لها

ليه تحداني وأنا في كل الأحوال مغلوب...

.......................ليه حرمتني من قهـــــر عذالي وعذالها

ليه تجاهلني وأنا ماني جبان ولا كذوب....

.................... ليه أرخصت دمعي وأنا اللي مابكيت إلا لها

ماترحم اللي له سنه كنه على النار محطوب...

..................... ماهزها دمع الفقـــــــــيد اللي بكته أطلالها

ما خافت تهدم السنين اللي بنتنا طوب طوب...

..................... ما فكرت تشفق على حالي و ترحم حالها

قولوا لها لو ما تذوب أنا بخليها تذوب...

................قولوا لها لو ما عنت لي مستعد أعنا لها

إليا دمحت لي هالخطا بدمح لها كل الذنوب...

................. وإن جابت الحسنه معي تبشر بعشر أمثالها

أفرش لها صدري وطن وأجمع من ضلوعي شعوب...

......................وأرقى لها المكــــــانه اللي ما أحد يرقى لها

إن كاني مخطي فأنا ماني خلي من العيوب....

................... الذنــــــب يغفر والبشر تجزى بقدر أعمالها

البعد قاسي والفراق يضيق الصدر الرحوب...

......................... وأنا تعـــبت أدور الحيله وأرد أحتـــالها

قولوا لها ترجع ترى ماني على الحزن مغصوب...

..................... والا ترى نــــــــذر علي مهوب أشوى لها

أما تجنب هالهبال وتترك البعد وتتـــــــــــوب....

......................ولا بتبشر بالهبــــــال اللي مهوب هبــالها

كافي زعل ترى الظروف مقفله من كل صوب...

................... وأنا حمـــلت من الهموم أنواعها وأشــكالها

يكفيني إني كل ماهبت على صدري هبوب...

..........................تحن عيني للجنوب وتلــــتفت بلحالها

والمشكله إني كل ماحنت عيني للجنوب...

.................. تطري لي الريم اللعوب وسالفة ترحـــالها

وعز الله إني كل ماتطري لي الريم اللعوب...

..................حرمت أمد إيدي على حاجه وأنا ما أقوى لها

ملاحظه :

اذا البعد بينسيك .. غاليك .. خذ روحي معك .. وانسى وجودي ...

ارجو ... انها تكون عجبتكم ... وهي اصلا بتعجبكم .. Laughing

لاتحرموني من الردود ... وارائكم ..

اخوكم .... انا ...

هيروو

أخى هيروو

ياصاحب القلم الناطق

والصامت جدا

والحالم جدا

والواقعي جدا

كلمات زينت بقلمك

وقف قلمي لها احتراما وتقديرا

دمت متألق

يسلموا أخ هيرو عل القصيدة الروعه

مشكورررررررررررر علي مرورك يا تشارلي وحسون وانشاء الله اتكون نالت اعجابكم