القرايب عقارب

حليمة ولك حليمة ولك هيييييي حليمة...

نعم نعم هظاني جيت مالك يا زلمه لميت الجيران والبلد وانت تنادي وبعدين هو هيك الي بنادي على مرته؟ ألف مرة قلتلك ناديني حلوم!...

يحلي وبرك الهي، انتي طرشة مثل أهلك لو بعرفك هيك ما تجوزتك، وين باقية والي ساعة بنادي عليكي...

يا ابن الحلال كنت قاعدة بحط علف للجاجات، خير شو بدك؟...

خذي هاظ القميص حطيه عالغسيل وأعطيني مفرش الصلاه خليني أصلي الظهر وأحط راسي عالمخده بلقي غفيت ساعة زمن وارتحت منك، اه صحيح قوليلي يا بنت ابو الجاج شو صار مع اهلك بمشكلتهم مع دار ابو خالد عشان حد الأرض إلي بينهم و مختلفين عليه؟ هو أبوكي وإخوتك بدهم يموتوا ويوخذوا معهم مترين أرض! الله أكبر عليهم كل الناس بسيرتهم في البلد بدهم يتذبحوا عشان الارض! والله فظحونا...

ااااااااااااه قلتلي فظحوك أهلي! ليييش مين هم أهلي؟ مهو أبوي عمك! يعني بتحكي وشمتان بعمك وأولاد عمك بمشكلتهم إلي انت أساسها و رحت على ابو خالد وحرظته و عبيت راسه وقلتله انه أهلي بدهم يوكلوا أرظك، ااااااخ منك يا زلمه ااخ انا نفسي افهم شو بدك بأهلي الي هم دار عمك قبل ما أكون أنا مرتك! و داير وراهم وبتحكي عليهم بالفعل صدق إلي قال: "شو كبرك عنو وأنت ابن عمو!" بدل ما تساند قرايبك وتكون معهم واقف مثل سيف أبو حدين قاعد بتحكي عليهم مهو يا ابن الحلال: "ان بزقت لفوق برتجع البزقة عليك!" يعني انت مثل الي بحكي على حاله وبشمت الغريب فيه بالفعل: القرايب عقارب، و ريتني تجوزت غريب ولا أخذتك لانه الغريبة بتظل تقول "خميرة أهلي رطلين!" ومهما كان بتظل غريبة...

طب أسكتي أسكتي بلا زيادة حكي دايما تدافعي عن أهلك كأنهم ملائكة ناسية شو عملوا قبل عشر سنين بلاش بلاش أرجع أعيد القصة وأعطيني مفرش الصلاه أصلي أحسن من سماع لسانك المتبري منك!...

له له له ظل ردد بقصة ما إلها أساس وكلها كذب، أبوك إلي أطلعها على أهلي! على كل حال الله يسامحكم ، وخوذ هي مفرش الصلاه صلي والله ما أنا عارفه هو الله بقبل منك صلاه! صدق إلي قال: " صلاة الغولة ما هي مقبولة! " صلي صلي آخر إشي قرايبك الي بحملوك وبصلوا عليك!..

أخوكم

ههه

ناقر ونقير

حد حكالها توافق اصلا مش دايما بتزبط جواز الاقارب لانو احيانا بكون فى معايرة ببعض

يسلمو على القصة

هه

يسلموا على الموضوع

دمت بود عاشق الوردة الحزينة

» عقارب الزمن أم زمن العقارب ؟؟؟
» الفرق عقارب الزمنوزمن العقارب
» لماذا تطوف عقارب الساعة
» عقارب الزمن زعقارب الساعة
» مالفرق بين عقارب الزمن وزمن العقارب؟