هل تقبلين ايتها الفتاه ؟؟؟؟

تذكير بمساهمة فاتح الموضوع :

احلى مرحبا لاحلى واغلى اعضااء

هدا الموضوع من راسي بس حابب اشوف ارائكم فيه

نحن نعيش في زمان مليئ بالأحداث والجرائم
سوى مع عدوتنا اسرائيل

او بين فتح وحماس

ليس هدا موضوعنا

ولكن السؤال هنا

لكل البنات

لو كنتي تحبين شاباً لفتره طويلة من الوقت وكنتم

تعلمون انكم سوف تبقون لبعض وتعيشون مع بعض

ولكن هدا الشاب الذي تحبينه لا سمح الله

اصيب في قدميه من الاعداء

وإصابته ادت إلى قطع رجليه الاتنتين

فهل ستقبلينه جوزا لكِ ام انكِ تبتعدي عنه وتنسيه من حياتك ؟؟؟؟؟

وتطوي صفحات الحب التي عشتيها معه ؟؟؟؟؟

وتمزقي كل الزكريات وترمي بها في سلة المهملات ؟؟؟؟؟؟؟؟

أرجو من جميع البنات التفاعل في هدا الموضوع وابداء ارائهم

تحياتي

مشكورين لجميع اللي دلوا على الموضوع

وجميع اللي حكوا أرائهم

بس انا بدي احكي شغله

انه البنت بتختلف عن الشاب في هدا الاشي

يعني الشاب اكيد مابيرضى يتجوز بنت فقدت قدميها

لانه الشاب بيحتاج لقدمين البنت كتير

في كل اش بيحتاجهم يعني مين هيعملوا الاكل ومين هيغسل اله

ومين هيكوي ملابسه ومين ومين ومين ؟؟

يعني البنت بتختلف عن الشاب

ياريت يكون جوابي وصل لإلك اختي

اك ماشي اخي جوابك مقنع 00

بدي اضيف شغلة انا كمان00

هلحين انت حكيت انو الشب ما بيقدر يتجوز هيك صبية لانو بيحتاج لرجليها00

كمان الصبية ما بتقدر تتجوز هيك شب لانها كمان بتحتاج لرجليه00

متلا لو لسمح الله واحد من اولادها مرض بنص الليل وكانو عايشين بمنطقة مقطوعة وما عندهن تلفون00ومرض مرض شديد والمنطقة تاعتهم بتخوف شو بدها تسوي البنت بهاي اللحظة؟

مهوا جوزها ما بيمشي00يعني تطلع هيا في ابنها بنص الليل بلكي طلعلها شي حرامي00

وكمان لو فرضنا انها اتجوزتو00ونط على بيتهم بنص الليل حرامي مين بدو يروح يجري ورا الحرامي بردو تروح هيا تجري وراه00

طيب مين بدو يصرف عليهم ويعيشهم00وهوا ما بيقدر يمشي00اخي لازم ناخد بالاسباب00

الحب مش كل شيئ00

سدقني الحيات صعبة راح تكون ومش راح تمشي00

اخي هاد رئيي ارجو انك تتقبلو ونا ما الي دخل فصبايا التانيات كل واحد حر برئيو ونا بقتصر بحكيي عن نفسي وبس

انتي على فكرة بدك تعقديها بالمره

يعني الشاب اللي مقطوع رجليها

بده يسكن في صحرا

طبعا ماراح يسشكن في صحرا

وكمان في شي اسمه تليفون

وفي اشي اسمه سيارة

وفي اشي اسمه اسعاف

يعني مشكلة الشاب بسيطة بالنسبة لمشكلة البنت

ياريت تكوني فهمتي كلامي

وبالنسبة للمصروف عادي

بيشتغل سكرتير على كمبيوتر

يمكن كان في السلطة قبل مايفقد رجليه

يعني مش راح يتجوز وهوا مامعه فلوس

ومافي حدا يصرف عليه

اكيد راح يكون اله دخل

يعني كيف بده يتجوز من دون دخل

معك حق حتى ما بقدر يشتفل صح حبيته

يعني لازم تتحملي
مش اسمه حب

بس بكون انسان عاجز يا كاتم اصلا هو مش حيرضى يتزوجها بيتعرف ليش لانو اذا بحبها ما برضى انو يعزبها معه ويشيلها مرضه

بس بدى احكيلك شى لو اتزوجته بعد هيك صار معه الحادث راح اضل معه وما راح اسيبه لو شو ما صار

هيا مش حكاية بعقدها او ببسطها بس انا بحط كل الاحتمالات 00

يعني متلا ما عندهن تلفون كيف بدهم يتصلو على الاسعاف00؟؟

الجيران اللي حواليهم بعاد متلا 00وما كان عندهن سيارة ؟

وبلكي ما كان بيعرف الشغل على الكمبيوتر وما بيعرف شي عن السكرتارية وبلكي ما كان بشرطة00بلكي كان طالب جامعة متلا وما كمل حتى تعليمو00؟؟

هع والله يعمو راسي وجعتني من كتر الحكي00

شوف احكيلك شغلة00ازا وافقت عليه وتمسكت فيو بايدي وسناني أهلي مية بلمية مش راح يوافقولي000اصلن هو الشب من حالو مش راح يتقدملي بتعرف ليش لانو بحبني واللي بحب بدو يشوف حبيبو مرتاح وسعيد00ويمكن هوا بيحكي في نفسو ازا اتجوزني يمكن ما اقدر اتحمل الوضع بلكي متلا هوا هيك حكى وبلكي حكى يمكن ما اقدر اسعدها السعادة اللي هيا تبيها00متلا يعني00

يعني لازم ناخد بالاسباب يعني00ومش معناتو هوا عاجز ما بيقدر يعيش امبلا بيقدر يعيش بس بس 000خلص بطلت اكمل هع00

الحب مش كل شيئ000

اااااااه على فكرة افهمت حكيك منيح 00يا ريت انتي كمان تفهم حكيي00

بس احكيلي انو فكرة الموضوع مش موجودة على ارض الواقع ماشي يا حج

00بي باي00

يعني طالب جامعه ومن دون وظيفة ورجليه مقطوعه وبده يتجوز

اكيد هيكون عنده دخل

اوك احتمالات على عيني وعلى راسي بس هيا مستحيلة

لانه الانسان ازا بده يسكن في منطقع بعيد

لازم يكون عنده وسيلة اتصال ميه بالميه

وازا البنت كانت بتحبه بجد لازم تتجوزه

بتعرفي ليش

لانه ازا ماتزوجته ماحدا راح يرضى فيه

بعد هيك ...........

لا ممكن يتزوج غيرها بس بجدلو بحبها بجد صدقت عاشقة ما بيعزبها في انه يتزوجها ويظلمها معو
بعدين انتو يا الشباب انانيين
مثلا لو اتزوج الشاب وطلعت لا سامح الله زوجتهما بتخلف تاني يوم بيتزوج وشو علشان الخلفة انا بحبك وبعزك بس بدي ولد ما تحرميني من البوة
وادا كان العالله بتضلها البنت معو لاخر يوم الها بالدنيا وبتحرم حالها من الامومة
بس بنرجع وب*ي كل جنس ادم اناااااااااااااااني
بيحب حالو وبيحب يشبع رغباتو وبس

اهاااااا حكيتلي لانو ما حدا راح يرضى فيو00لا مين حكالك يمكن تيجي وحدة احسن مني وترضى تتجوزو يمكن00

ومش معنات حكيي انو ما رضيت اتجوزو يعني انا لئيمة او خاينة او حتى غدارة او قاسية بلعكس00انا رفضت اتجوزو لانو لو اتجوزتو راح اتحسر عليه لما اشوفو بلمنزر هاد وهوا هيك رجليه مقطوعة00راح اتزكر كل زكرى حلوة قضيتها معو وهوا برجليه وراح اتزكر كديش هوا كان معي آدمي وكان بدو يسعدني وهوا واقف على رجليه00واللهم لا اعتراض على حكمك بس ما فيا اتحمل اشوفو بهاد المنزر يعني00

يا ريت تكون فهمت قصدي منيح 00ويا ريت تحكيلي انها مش حاصلة معنا هين بغزة على ارض الواقع00

وارق تحياتي

جرحـــــــ تانيـــــ

بس بجد انا عرضت الموضوع حتى اشوفارائكم

واللي فهمته من بعضكم

انه الواحد دايما يتمنى الموت

ولا يعيش وهو فاقد احد اعضااء جسمه

لانه ازا عاش وهو فاقد احد اعضااء جسمه

ماحدا راح يفضل معه

ازا حبيبته اتخلت عنه

وباعته على اول الطريق خلص

واختي ام غدير
انتي حكيتي
كل جنس ادم اناااااااااااااااني
بيحب حالو وبيحب يشبع رغباتو وبس

كله معقول هيك بس انا بعرف كتير ناس

خلفوا بعد فترة كبيرة من الزمن
ومااتجوز غيرها
وبعرف ناس كتيرة الا من زمان زمان متجوزه ومابتخلف
والسبب من المرأه

يعني كلامك بجد في منه

بس مو كل اصابعك واحد

ازا كان بحبها اكيد ماراح يتجوز عليها

مرحبا بالجميع

صحيح كل الحكى اللى نقال مزبوط وهى بظلها وجهة نظر وقدرة الانسان على تحمل هيك وضع

بس بدى اسأل الصبايا سؤال لو انتى كنت متزوجة ولا سمح الله زوجك تعرض لحادث وفقد رجليه شو رح يكون موقفك رح تطلبى الطلاق رح تكرهيه ولا رح تتحملى وترضى بنصيبك

طيب انا حكيتلك ازا انا وافقت وتمسكت فيو00والله اهلي وربي مش حيوافقو000

والله والله مش حيرضوها لبنتهم هيك بحكيلك هيك اهلي مش حيوافقو00

يعني انا ماني قاسية لهدرجة او خاينة او ببيعو على اول مفرق على رئيي تيتة نجوى كرم هع00

بس الرك على الأهل00

انا عارفة انت زهقت من حكيي صراحة انا كمان زهقت من حكيي ههههههه

تحيتي

بالعالله لو ازهقت كان مارديت وهربت ه

بس لازم تقتنعي

اسمعي انا مابدي احكي

جاوبي على سؤال احياائية

اك ماشي يعمو الحج راح جاوبك00

شوف يا سيدي00

لو سار معي هيك بعد الجيزة وربي وربي ما بتخلااااااا عنو ابدا مهما سار وبفدي بعمري وروحي وحياتي لانو حبيبي وابو اولادي00

كيف بدك اياني اتخلااا عن روحي بعدين بمووووت برا الشر عني هههههههه

والله هاد جوابي ما بقدر اتخلااا عنو وهوا محتاجني 00

بس قبل الجيزة اكيد اهلي مش حيوافقوني ومش حيرضو يدشروني اتجوزو00

افهمتني يا عمو الحج00

تحياتي الك

اوك طالما انك ما رح تتخلى عنه لانك بتحبيه

شو رح يفرق هالشى قبل الزواج او بعده

يعنى قبل الزواج لما هو صار بحاجتك اكتر من اى شى انك توقفى جنبه انتى رح تتخلى عنه

ولما الامر يكون مروض عليكى ( بعد الزواج ) رح ترضى بنصيبك

وشو هالنتاقض هاد يعنى لما يكون الاختيار بايدك ما بتقبلى ولما يكون مفروض عليكى بتقبلى

واكيد كل شى نصيب يعنى لو اله نصيب فيكى لو كان فاقد اكتر من رجليه رح تمشى الامور ويتم

الزواج وازا ما فى نصيب يمكن يكون نصيبه ببنت احسن ........

انا هى وجهة نظرى ..........

00انا حكيت من البداية لو انا تمسكت فيو وبدي اياه قبل الجيزة 00اهلي هما اللي راح يرفضو ومش راح يوافقو00

بس ازا سار نصيب وتجوزت وجوزي بعد الجيزة سار فيه هيك اكيد مش بتخلا عنو ابدا هيك سار قدري ونصيبي ونا راح ارضى 00

بس قبل الجيزة اهلي هما اللي راح يكونو العلة يعني مش راح يوافقو

تحيتي

سامحنى اختى عالتعبير

بس انا ما قصدتك انتى بكلامى

وهى بظلها وجهة نظر وكل واحد حر برأيه وانا بحترم رأيك ومش ضده

واسفة مرة تانية ازا ضايقتك بكلامى

انا عدلت المشاركات كأنه ناصار شي

يلا لازم نحترم بعض

مشكور على طرحك للموضوع

وانا بصراحة ازى كنت بحبو اكيد ما اتتتركو
لانو الحب تضحية
وكمتان ازى تركتو هدمر حياتتتو وانا ما بحب ادمر حياة حد
وتتقبل مرورى

بسمة وفا

والله كلامك ميه مية

تسلمي على مرورك الحلووو

وعلى ردك الحلووو

تحياتي ا لك

اك ماشي يا اخي انت عدلت المنشاركة على عيني وراسي00

بس يا ريت يكون تاني مرة شوية احترام لاراء الناس وبلا تجريح يعني00

شو شيفاني عندها يعني جاية من الشارع00شو هاد

انا مدامي مقتنعة باشي مستحيل اتراجع عنو مهما سار00

يعني لو انا تمسكت فيو والله اهلي راح يرفضو 00يعني هما راح يشوفو الانسب لبنتهم لانو بتهمهم مصلحتها صاح ولا مش.؟

يعني اروح بالله عليك اتجوزو من ورا اهلي ويلا اخطفو واهج في برات البلد والله ما بسير هيك00

يمكن اهل البنات غيري عادي بوافقو انهن يتجوزنو بس انا اهلي غير مش حيوافقو 00لانهم متل محكيت الك بدورو على مصلحة البنت وراحتها قبل كل شيئ00وحتى لو فهمتهم اني راح اكون مرتاحة معو مش راح يقتنعو وراح يعملو اللي براسهم00يعني شو راح يكون موقفي وهما معارضين الجيزة ا شو اعمل يعني؟؟

بعدين يمكن الشب يحسبها في نفسو قبل ليتقدم ويخطبني يمكن يحكي انا هيك مرتاح وازا تجوزت البنت راح تسير مسؤولية والمسؤولية الاكبر انو لو جبنا اطفال يعني00هيك راح يحسبها هوا يمكن يحكي ما اقدر اسعدهم00بلكي هيك فكر00يعني حيحكي لساتو الموضوع علبر00وكلو احتمالات00

بس ازا سار نصيب واتجوزت انسان وسار معو هيك بعد الجيزة لسمح الله وبعد ما يكون عنا اطفال برضى بنصيبي وبقسمتي وما بتخلااا عنو00 اكيد القرار راح يكون بايدي يعني انا اللي بقرر يعني اهلي مش راح يقدرو يغصبوني اني اطلق منو لسمح الله مع انو اهلي ما بيعملوها ابدا والله بس بحط احتمال يعني00بس قبل الجيزة حاج تاني القرار بكون بايدهم هما00واكيد بكون الي رئيي بس كمان ما بقدر اعصي امرهم او اخرج عن طوعهم يعني هيك تقاليدنا وعاداتنا بتحكي00ولا انا غلطانة ؟

طولت بلحكي معلش00بس مدامي مقتنعة بشي مستحيل ما احكي رئيي 00

أرق تحياتي

امورواس

تسلمي على حضورك وعلى رأيك

نورتي موضوعي بنقاشك وبكلامك

تقبلي مني اجمل تحيه

يسلمووووووو أخي على الطرح المميز

بصراحة نعم راح اتخلا عنو
لانو لو البنت صار معها هيك أكيد هو راح يتركها

بتمنى ما تزعل منى أمورواس برنسز

انا مش قصدى اجرحك بالعالله هاد بيظله رأيك وانا بحترمه

بس يمكن التعبير خاننى وانا اعتذرت منك

وبعتذر منك تانى واسفة ازا ضايقتك

والقصة كلها قصة نقاش ورأى ورأيك على عينى وراسى

وما بقدر اقلك انه رأيك غلط او صح لانه مش من صلاحياتى

وكل انسان حر برأيه .............

كاتم بدى احكيلك شى اصلا لو هو بحبها عنجد راح هو يبعد عنها وما راح يرضى يتزوجها لانو ما بحب تكون متعزبة معه وشايف انو ظالمها وكمان اهلها حيكونو ضضدها فاكيد ازا بحبها ببعد من نفسه

» هل تقبلين برجل لاينجب
» اعطى رايك ايتها الفتاه؟ ما رايك بالفتاه التي لا تتحدث مع الشباب بالجامعة ؟؟
» هل تقبل ؟ هل تقبلين؟؟؟؟؟؟؟
» هل تقبل او تقبلين الزواج من سجين
» عجبا ايتها الدموع