الحب حلال ام حرام؟؟؟؟؟؟

لحب حلال ام حرام !

"فتاة في مقتبل العمر، تنتظر مجيء فارس أحلامها، فاذا بها تجده أمامها..

رجل وسيم حلو اللسان والمعشر تقدم لها، فلقي القبول عندها وأهلها

أيضا.. تمت الخطبة دون عقد قران لأنها لم تكمل دراستها بعد، وعقد القران سيعطل مسيرتها الدراسية كما يرى كثير من الأهل في مجتمعاتنا..

طلب مخاطبتها هاتفيا في أثناء الخطبة ليتم التعارف بينهما بصورة أفضل.. وافق الأب على ساعة لا غير يتحدثان فيها كل اسبوع..

هكذا بدأ الأمر، لكن لم ينته هنا..
الساعة أصبحت ساعات،
واليوم أصبح كل الليالي..

أصبحت تنام على مكالماته التي يتبادلان فيها كلام الحب والغزل دون علم الأهل.

كانت تخاف انفضاح أمر مكالماتهما لدى والدها، أما عدا ذلك فليست ترى عيبا فيما تفعل..

هي تحبه، ولن تكون لسواه، وهو كذلك.. فأي عيب في تصريحهما بذلك؟"

هي قصة ليست غريبة عليكم/ـن،
فهي تتكرر أمامنا مرارا مع اختلاف في التفاصيل..

فكيف نحكم عليهما؟
أهما مخطئان ام لا؟
أيجوز لهما تبادل كلمات العشق ما داما سيصبحان زوجان يوما ما؟

ما هي الخطوط الحمراء في الحب والعشق؟

هل الحب حلال أم حرام؟
أنملك السيطرة على قلوبنا؟
أنذنب حين نعشق أحدهم؟

لست أبحث عن ردود مثالية هنا..
بل أبحث عن الحقائق التي قد يتعذر على بعضنا البوح بها أمام الآخرين..

بصراحة من اروع المواضيع
التى انا كنت حابب اني ناقش فيها
اولا:الحب مو حرام ولا هو عيب
تانيا:الحب الو قوانين ومبادىء
ثالتا:الي بيحب لازم يضحي
المهم
في هاي القصة
انا بعتقد
انها الفتاة غلطانة
حتى لو كان الي بتحكي معاه راح يصير زوجها المستقبلي
هيا ما بتضمن الظروف
او شو راح يصير
لازم على الاقل تحكي معاه
بموجب الساعة الي حددها ابوها لالها
وكلام الحب الي بيتبادلو تقلل منو
هيك افضل
والحب متل ما حكيت
لا هو حرام ولا عيب
بس اقل غلطة في الحب بتكلف الصبية او الصبى
اشياء غالية ما راح خوض في تفاصيلها
الحب الو قوانين ومبادىء
والحب لما يكون من طرف واحد
بيكون فاشل
ولازم الحب يكون فيه اخلاص
مو الواحد يلعب على اكتر من حبل
لان هاد ما بيكون حب
بيكون ضحك ولعب من الطرفين
والي بدوا يخوض تجربة الحب لازم يكون على قد المسئوليه الي اتكلف فيها
ولازم يكون مستعد الها على قدم وساق
والحب لما يحين معادوا ما بستازن لا الشب او الفتاة
ويروح يحكيلهم
بالله لو سمحتو في امكانية انكو تحبو
هوا يدخل على الانسان بدون مقدمات
ولا مبررات
وبدون جواز سفر
لانو هاد الشي مو بيدينا
خارج عن نطاق السيطرة
وخارج عن ارادتنا
ولازم الواحد يخلى الله نصب عنيه
في الحب
يسلمو كتير يا ام غدير
وانا اكيد طولت في الحكي
تحياتي
هناء

الحب
ادا اانتا بيدك تخليه حرام

وانتا بيدك تخليه حلال

ادا كنت بنيه صافيه

فهو حلال

ادا كان

بنيه غير صافيه

فهو حرام


انا هيك رائيي

تحياتي

يسلمو عشقة ونسيت
ومشكور اختي هناء عالرد
وردك بجد عجبني كتير
تحياتي الك

اوك عماد
انا اكييد بايد احب وعمري ما حسيت انه حرام
شو فيها يعني لما وحدة تحب بس الاكيد انه الحب اله حدود
يعني في خط احمر للحب
وفي القصة الي قبل انا ما بلوم الخطيب والخطيبة في هيك قصة حقهم انهم يعرفو بعض اكتر
وبتعقد كتيييييير من الاهل الي بيقفو لبنتهم على الوحدة خصوصا وهي مخطوبة كمان
اما الحب الي هلا بيصبر عنا في الجامعة عمرو ما كان حب
اصلا احنا يالبنات المفروض لما نحب نفكر اكتر ببكرى يعني شو راح يصير بعد الحب
اقل شب نتلا انا عمري 21 ما احب واحد عمره 21 او 22
لا ابن 22 شو بايده يعمل اوك اتخرج بس كيف بدو يكمل حياته من وين بدو يتزوج
اانا بايد الحب الي بيكون على نور اكيد
والي بتحب بيتحى كل العالم كرمال حبيبها ومن الاخر عمرو ما كان حرااااااااااااااااااااااام

يسلمو عماد على المرور والراي الحلو

اميرة
انتي غلطانة حبيبتي
طالما هي مخطوبة لاله بتكون حلاله
يعني مسموح اله كل شي ما عاد شغلة وحدة
وبعدين شو الي خليها تقيلة مع مين مع زوجها ؟؟؟؟؟؟؟؟؟
سامحيني انا مش معك نهائي بهيك موضوع

ام غدير بدي افهمك شغلة
طالما ما انكتب كتابهم بتكون بالنسبة الو اجنبية يعني زيها زي غيرها من البنات
حتى لو كان مضمون يكونو لبعض
هيك الشرع بقول
على كل حال شكرا لتقبلك الحلو لرايي
اسفين عالازعاج

اااااااااااااااه
كيفك ام غدير
مشكوووووووووووووووورة على الفصة
انا بصراحة اويد وافق على كلام اميرة
لانه لايجوز ان تتكلم بنت مع شب بدون عقد زواج
لانتا في مجتمع اسلامي
يعني مش حلال عنا
الا ادا كانت مكتوب الكتاب
وهيك تصبح زوجته اما بدون هيك ما بيصير
وصحيح الحب احساس بس احنا لبيش ما نخلي احساسنا واقعي وعلى قدنا ونحلم صح
بس كمش في الحرام
وربنا قال انكحوا ما طاب
ولم يقل اخطبوا وتلكلموا على التلفون
كلام ما اله فيمه الا ادا تم العقد
وانا بعتقد انه الشب ما كان غرضه الزواج اطلاقا
تم ان وين الاب كاين اين مراقبة بنته
واول شي كيف يسمح الها بساعة
وهي التربية يا عم ولا صحيح

والحب اله حدود
وانا بصراحة ما برضى بالحب الا ادا كان فيه رابط او داعي اله
وههاي القصة ما فيها نتاكد من القسمة والنصيب لانه ما في شي يربطهم علشان تحكي معاه
وكل واحد بيعمل كما يريد
والعقاب يوم القيامة كما يشاء الله
والحب اللي ربنا فرضه هو حب في حدود الشريعة
مش في حدود الظل والظلام
والحب المقصود هو حبك لوطنك لامك لاخوتك ولاصحابك وكل شي ما الحرام
ومشكووووووووووووووووووووووووورة ام غدير
وبتمنى ما تزعلي من ردي
تقبلي مروري

لا عادي وردة كل انسان واله نمطه بالحياه واله رايه الخاص فيه
وهون اكيد في حرية راي وانا اكيد بتقبل هالشي
يسلمووووووووو وردة