المتمرد على كرسي الاعتراف

شمس

مراحب هلا فيكي

كيفك يا عسل ؟؟
مشتاقتلك كتير أنا

الحمد لله
وانا مشتاقة اكتر والله

يلآ نبدأ الأسئلة ::

علي بركة الله نبدا

*أسئلتي ...

بسم الله يلا

-مـاهـي اصعـب كلمـه ممكـن تقـوليها لأي شخـص..؟؟

اكرهك

-مـاهي مشكـله العصـر فـي نظـرك..؟؟

الصراعات المستمرة والظلم

-مـاهـو الشـيء الـذي يطـاردك فـي كـل مكـان و انـت تهـرب منـه..؟؟

التفكير المستمر في كل شي بصير معي

-هـل تمنيـت المـوت يـوماً و متـى..؟؟

اها تمنيت

متي بصراحة كل يوم

-مـاهـي طـريقـه التـر تعبـر فيهـا عـن غضبـك..؟؟

بصرخ فيهم شوي و كتييييييييييير

-مـاهـو دافعـك فـي الحيـاه..؟؟

اني اعيش حياتي بسعادة وراحة

واني اكمل ماجستير واتوظف

-مـاذا تفعـلي لـو قـال شخـص انـي اكرهـك..؟؟

عادي بطنشو وما بهتم لانو ما بعنيني

ازا ما حبني ما بهمني ازا كرهني

-أنـتي قـوية اذاً مـن الشخـص الـذي تضعـفي امامـه..؟؟

امي وابوي

-مـن اكثـر شخـص يخـاف عليـك ـ و اكثـر شخـص تخـافي منـه..؟؟

اكتر شخص بخاف علي اهلي

برضو اكتر ناس بخاف منهم اهلي


-مالشـيء الـذي يفرحك وما الشيء الذي يبكيكِ..؟؟

الشئ الذي يفرحني فرحة اللي حولي واكتر شي بفرحني لما اكون انا سبب فرحتهم

الشئ الذي يبكيني الفراق


موفقة يا عسل

ويسعدك


تحياآآآآتي

اهلا وسهلا فيكي في اي وقت

المتمرد كتب:

صباح الخير يا شمس

انا كتبت الاسئلة

بس بدي موافقتك على انو انا انزل الاسئلة

لانو عندي اسئلة جريئة جدا جدا جدا

وما بدي انزل بلا ما تزعلي

يعني عندك الجرأة لتجاوبي على اسئلتي ولا لاء

وكمان ما بدي سؤال ما تجاوبي وتحكي ما بعرف لازم تعرفي ولازم تكون جربتي

اعطيني الاوكي

اوك تفضل

مابزعل

ازا كنت مجربة بجاوب مش مجربة ما بجاوب لانو ما رح يكون عندي اجابة

اكيد حبيبتي انين الصمت

بتشرفي باي وقت و باي تعليق

لاني بحب المشاركة وخاصة معك

صباح الخير

صباح النور

كيفك شمس ... ان شاء الله منيحة ...

الحمد لله منيحة



نبدا الاسئلة ... على بركة الله ...

علي بركة الله



ـ طولك .. وزنك .. لون عينيكيـ ؟؟

165 سم

53 كغم


عسلي



ـ امام المرآة وقفتي ... فيك خمس صفات سيئة او اقل من خمسة ... واشرتي
بأصبعك لنفسك بالمرآة وقولتي لنفسك ... الصفات هاي لازم اشيلها من نفسي ...
ممكن تذكري هاي الصفات ؟؟

انا مابتعجب علي خلقة الله

بس لوبدي اقول مش عاجبني وبدي اشيلها

الطول
اكون اطول


ـ التاريخ يذكر الملوك ولا يذكر الجنود ... من وجه نظرك لماذا ؟؟ ( ما بدي الرد كلمتين ... بدي وجهة نظر انسانة مخلصه جامعة )

الملوك هم اللي يذكروا لاني الملك هو اللي بسيرالمعركة و اللي بسير

الجنود اما الجنود كتار لو راح واحد منهم مش حيأتر كتير

بس لو راح الملك حتضيع المسيرة كلها هواللي بفكر في الكل و بحمل

هم الكل اما الجندي بفكر بحالو بس

ـ يسقط الرجال مثل اوراق الخريف ... ولكن اسمائهم تظل موجودة ومحفورة في صفحات الكتب

... شو رأيك بهاي المقولة ... مع ذكر اشخاص انت قريتي عنهم ماتوا بطريقة بسيطة ... ؟؟؟

اكيد المقولة حلوة كتير وصح لانو بجد في ناس بتعمل كتير ولما يموتو

بكون كتير حاجات وراهم وبتستمر لفترة طويلة

اشخاص مثل

فتحي الشقاقي

احمد ياسين

ياسر عرفات

واكيد ناس كتير



ـ الشرف ,,, الكبرياء


كلمتان لهما وزن ثقيل في حياة الانسان ... لو خيرتك انك تفقدي واحد فيهم وتحتفظي بواحد


تفقدي مين وتحتفظي بمين ؟؟؟ سؤال اجباري

اكيد بحتفظ بالشرف

وبفقد الكبرياء

شو بيسوي كبرياء الشخص بدون شرف


ـ لنفرض انك تزوجتي لنفرض وعيشي اللحظة ... تاني يوم بعد المغرب يعني تاني
ليلة بالزواج ... زوجك قلك انت طالقـ ... شو موقفك وقتها ... ؟؟؟ ... شمس
من خلال صفاتها الي بتحكي عنها وبتجاوب الاعضاء فيها ... شو بتعملي بجوزك
... على فكرة انت معروفة شو بتعملي من خلال الاجابات نشوف في تطابق ولا لاء
يا عصبية ؟؟؟

اكيد انو اللي بعرف شمس وبتعامل معها عمره ما بفكر يتركها او يطلقها مش تاني يوم لوبعد مية سنة

بس لو فرضا صار اللي بتحكيه اكيد رح اقوله طريق الوداود تودي ما تعاود وكل شي قضاء و قدر


ـ قبل ما تنامي ... اين يذهب بكـ خيالك وتفكيرك ... دربالك في فرق بين الاثنين ... جاوبي على كل واحد على حدا ؟؟؟

خيالي ما بتخيل

تفكيري بفكر في كل شي صار معي خلال يومي وشو ممكن حيصير معي تاني يوم

ـ قالوا ... يضرب الحب شو بيذل ... ؟؟؟ تعليقك

اها صح

لانو اللي بحب بتلاقيه ببدي يتنازل لحتي يرضي اللي بحبه حتي لو كان فيها مزلة الو
.... قالوا ... احلى ما في الحب عزابو ؟؟؟ تعليقك

لا العزاب بكل انواعه مش حلو

اكيد الحب حلو بالعزاب بس حيكون احلي بدون هالعزاب

قالوا ... الحب يذل يعل يرجع الشايب شاب .. يشيب الشاب ... ؟؟؟ تعليقك

يمكن هادا السؤال للشباب افضل

بس رايي انو بيزل وبعل بس حكاية يرجع ويشيب مش زابطة

ـ في اغنية حلوة كتير لكاظم الا هي انا وليلى ... بيقول فيها ... نفيت واستوطن الاغراب في وطني ودمروا كل اشيائي الحبيباتي ... ولا تحكي مو كتير بالاغاني شغلي خيالك شوي ؟؟؟

طيب شو بدك من هالسؤال

ـ مواصفات فارس احلام شمس ... جسمانية وعقلية ومستقبلية وتعليمية ودينية ورمانسية ؟؟؟

جسمانية طويل حلو طبعا مش حلاة بنات بس بالنسبة للشباب يكون حلو

عقلية متفهم عنده قدرة علي تحليل اللي بصير قدامه

مستقبلية يكون يفكر بمستقبلنا وحياتنا وما يقتصر في تفكيره بالمستقبل علي نفسه ولازم يفكر دايما انو يطور حاله

تعليمية طبعا لازم يكون متعلم
يعني اقل شي بكالوريوس


دينية اكيد ملتزم بعرف الله وبخاف منه

رومانسية لازم يكون رومانسي

ـ موضوع حلو نزلتوا سابين تاع الفرفشة ... ما بعرف مين سكرو او السبب في تسكيروا ... شو تعليقك انت على هالموضوع ؟؟؟

حلو ربنا يوفق

ـ انا من وجه نظري الملتقى هالايام ممل جدا ... زمان كان انشط بكتير ... ممكن تعطيني اسباب لو انت شايفه انو ممل ؟؟؟

انا ما بعرفه من زمان بس انا شايفة انو عادي
ولو فيه شوية ملل بكون انو الكل خايف يعمل شي يجي واحد يعلق عليه
وتصير قصة ومشكلة

ـ شو الي خلاكي تحكي عني غامض ... من 5 سنين وانا نفسي اعرف السبب ؟؟؟

لانك بتوهم اللي قدامك بشي وبالحكي بتحكي شي تاني

ـ معك دعوة لشخصين في مطعم الروتس ... من تختاري من بنات الملتقى ؟؟؟( شمس بدك تختاري بنت وحدة ويا ريت تكتبي اسمها وما تحكي نفسي اخد كل البنات بدون تعليق ورا اسم البنت )

الصمت يقتلني


ـ شو رأيك بتوقيع المتمرد ؟؟؟

بصراحة وبدون زعل

مش كتير

ـ ما بتعتقدي انو توقيعك بيعمل فتنة في نفوس الشباب وبهذا السبب يمتنع الشاب الفلسطيني للنظر الي الفتاة الفلسطينية والنظر للفتاة الغربية .... شايفة صورتك شو عملت ههه ؟؟؟

لا ما بعتقد لانو النت مليان صور بنات والصورة مش لواحدة غربية


ـ كم صديق الك على الفيس بوك ... ؟؟؟ ( صديق ... تجمع الجنسين هالكلمة )

ما الي حساب عالفيس اصلا


ـ كم بنت تعرفت عليها من الملتقى وبتحكي معها على الاميل ونفس الشي شباب ؟؟

ولا واحدة

ـ كم بنت تقابلت انت وياها من الملتقى؟؟

ولا واحدة

ـ نفسك تقابلي مين من البنات ؟؟؟

الصمت يقتلني شموخ الاسلام خلود الحاج الملاك الحنون ملاك الروح
جريحة القدر كيفوك انين الصمت سابين

ـ بما انك بتحبي الشعر ... اكتبي كلمات من تأليفك لشخصية المتمرد ( ولتكن سطرين )

صح انا بحب الشعر بس ما بكتب

بحب اقراه واتمتع فيه بس ما جربت اكتبه

ـ اخير مظربك المفضل ( لأقدر احلل شخصيتك )

ماعندي مطربين مفضلين

تحياتي

اهلا وسهلا

المتمرد

مر من هنا

نورت المكان

هلا بالشمس الساطعة منورة والله حبيبتي

هلا حبيبتي منورة بوجودك

كيفك ياعمري وشو اخبارك؟؟ طمنيني عنك ياعسل؟؟

الحمدلله مبسوطة بشوفتك

تسلميلي يا عمري


اوك ياعسل نبدأ بالاسئلة ...

اوك

الاسئلة : -
يلا نبدا

من هو كاتم او من هي كاتمة اسرارك .. ؟

امي

ماهو هدفك ؟

اني اكون مبسوطة


ماهي أمنيتك ؟

ربنا يرضي عني وامي وابوي يرضوعني

واكمل ماجستير واتوظف

ماهي رسالتك في هذه الحياة ولمن توجهها ؟

لا تترك مكان الا وتترك لك بصمة فيه

يعني الواحد يكون اجتماعي و يأتر في اللي حواليه

لكل الناس

ماهي التجربه التي تتمنين تكرارها ؟

ارجع للجامعة مرة تانية

ماهو أفضل مكان تذهبين إليه ؟

البحر

من هو توأم روحك ؟

امي و خواتي

ماهو اكثر شئ تخشينه ؟

المستقبل

مالذي يشعرك بأكثر قدر من الحرج ؟

ازا وقعت بلساني وما عرفت ادبر حالي

شخص تحتاجين لقربه الآن منك ؟؟

اللي بقدر يفهمني ويحس فيي اكيد بحتاجه يكون جنبي

متى تغضبين ؟

لما حدا يستفزني

باقة ورد لمن تهديها ؟وباقة شوك لمن تهديها ؟

باقة ورد :- للي بحبوني وللي بعزوني وللي بحترموني

باقة شوك :- ما بهديها لحدا


شخص لاترفضين له طلبا ؟

كل شخص عزيز عليي

بس طبعا حسب الطلب

أعظم شيء فقدته ؟وأعظم جرح دفنته ؟

مافقدت شي عظيم

صح الواحد اكيد بفقد حاجات بس مش بمعني العظمة

اسوأ خبر سمعته ؟

لما توفت بنت اختي

ولما استشهد ابن عمي

ماذا يمثل لك الموت ؟

فقدان جزء مني

دعوه صادقه من اعماق قلبك لمن تهديها ؟

ويسعدك ويحفظك ويناولك الخيروين ما كونت
لكل اعضاء الملتقي

* ما تعني لك هذه الكلمات*



الصدق : اني اقول اللي بصير بجد بدون تغيير


النفاق : اظهار الشخص لشئ غير اللي بداخله


الكبرياء: الكبرياء لله بعتني كمال الذات الالهية

والكبر لغير الله حرام


الفقر: مرض يقتل صاحبه من شدة التفكير


المغامرة: احلي شي بالحياة تغيير و تجربة جديدة فيها متعة

* احكيلنا عن طفولتك ؟؟؟؟

طفولتي والله مابتزكر منها كتير ومافيها شي مميز زي طفولة اي حدا

بس يمكن الشي المميز اني كنت دلوعة الدار وطبعا مازلت

ما هي صفات الصديقة الحقيقية بنظرك ؟؟؟؟

الاخلاص و الابتسامة الدايمة و وماتبخل علي حدا بشي

بتمنى اسئلتي يعجبوكي وما تكون فيها اي تقالة

اكيد عجبوني ومايها اي تقالة بالعكس كانت ممتعة


موفقة ياعسل

ويسعدك

حـــــبــــــــــــيــــــــــبتـــــى

كيفك

هل تجيدين الطبخ؟


اعرف انك تحبين والديك لكن من تحبين اكثر اباك ام امك ؟ ؟

أتحبين الكلام مع صديقاتك عن مغامراتك الغرامية ؟

هل تخافى العزلة والظلمه ؟

. أتحتاجين دائماً إلى مظاهر خارجية من العطف و الحب ؟

هل تهتمين كثيراً برأي الآخرين ؟

. أتحبين أن تكوني ( بين الجماعة ) ممن لا يُستغنى عنهم اقصد
ان تكوني دائما برفقة صديقاتك

هل لديكِ الكثير من ذكريات الطفولة ؟

أتؤمنين بالقضاء والقدر ؟

أتعتقدين أن بامكان المرأة أن تحقق ذاتها في الحياة المهنية ؟

. هل انت واثقه من نفسك 100% او 80% او 50% ؟

. أتحبين السفر دون مرافق من اهلك؟

_ماالذي يلفت انتباهكِ بسرعه في الشخص لكي تعجبى به ؟

تحياتى

موفئه حــبــــــــــيـــــــــبــــــتــى

مرحبا حـــــبــــــــــــيــــــــــبتـــــى

مرحبا حبيبتي منورة

كيفك

تمام الحمد لله

هل تجيدين الطبخ؟

اها اكيد

اعرف انك تحبين والديك لكن من تحبين اكثر اباك ام امك ؟ ؟

بصراحة الاتنين بحبهم اكتر من بعض بس لو مضطرة اختار

امــــــــــــــــــــــــــــــــــــي

أتحبين الكلام مع صديقاتك عن مغامراتك الغرامية ؟

انا ما الي مغامرات عاطفية

بس لو الي ما بحكي

لا انا ما بفضل حدا يعرف شي خاص فيي

هل تخافى العزلة والظلمه ؟

لا مابحبها

. أتحتاجين دائماً إلى مظاهر خارجية من العطف و الحب ؟

اها اكيد كل شخص بحتاجها بحياته

هل تهتمين كثيراً برأي الآخرين ؟

كتير لحد اني بفكر براي الاخرين بشكل كبير

. أتحبين أن تكوني ( بين الجماعة ) ممن لا يُستغنى عنهم اقصد
ان تكوني دائما برفقة صديقاتك

اها بحب اكون موجودة دايما

هل لديكِ الكثير من ذكريات الطفولة ؟

الي ذكريات بس مش كتيرة عادي يعني طفولة زي طفولة اي شخص


أتؤمنين بالقضاء والقدر ؟

طبعا انا مؤمنة فيه بكل امور حياتي

أتعتقدين أن بامكان المرأة أن تحقق ذاتها في الحياة المهنية ؟

طبعا امرأة او رجل اللي بدو يعمل شي ومصر عليه اكيد بعمله

اكيد بتحقق ذاتها

. هل انت واثقه من نفسك 100% او 80% او 50% ؟

بصراحة مش متأكدة يمكن 80 %

. أتحبين السفر دون مرافق من اهلك؟

لا طبعا لا وبعدين انا ما سافرت

_ماالذي يلفت انتباهكِ بسرعه في الشخص لكي تعجبى به ؟

اسلوبه وفكره وشخصيته

تحياتى

اهلا وسهلا فيكي حبيبتي

موفئه حــبــــــــــيـــــــــبــــــتــى

الله يوفقك ويسعدك ويحفظك

ما شاء الله عليك يا شموسة

اجابات رائعة من انسانة أروع وأجمل

انت شخصية رائعة بمعني الكلمة

وزووء وأخلاق وأدب

ربي يحفظك من كل شر

حبي واحترامي

اجاباتك روووووووووووعة ياأحلى شموسة بالدنيا