سلام عليكم حابب اسئل عن شوي شغلات ضرورية
طبعا انا بما اني لسا سنة اولى شفنا العز والحمد لله
زبطونا في العلامات
والله هادي سياسة جامعة نظام جديد لتدمير العلامات يعني
بتجيب بالفصل الاول اكثر واحد يعني لو بدو يجيب كبيرها 75 زي ما بقولكو يعني لو بدك تضل ترفع من هان لسنة رابعة بتكون وصلت 85 يعني مش يعطيك متلا باول فصل 90
وقد ما تنزل بعد هيك يعني مش حيتأثر
ما علينا هاي نقطة
الشغلة الثانية اللي حابب استفسر عنها ( بلا مؤاخذة النظام الأهبل اللي بالزات في قسم الانجليزي )
يعني عمركو شفتو واحد بروح بسأل أو بستفسر عن شغلة يعني للي بكونو في القسم
بحكولك اعمل لحالك وسوي لحالك انتا
المهم
طبعا كنت ناوي اخلص ان شاء الله ب 3 سنين
بس الحين طموحي بدأ يقل شوية شوية بمزحش وفكرت احول عالاسلامية لفصل اللي فات من اللي بشوفو وبسمعو واكيد كلكو عارفين وبتشوفو زي في دكاترة مرتبين جدا وعلى كيفك بيكونو
بس الغالبية العظمى ....... بلاش نحكي
لانكو عارفين وهادي الحقيقة
طيب
المهم
انا كنت عاوز بس ازا في خطة او زي ما بسمع في باقي الجامعات بعطولك خطة او بقسمولك الخطة اللي معك على ثلاث سنين بحيث انو ما يكون في تعارضات او ما تكون مادة الها متطلب سابق وتكون مسكرة وتتأخر سنة او فصل مشان تأخذها
صحيح انا بس حابب اعرف كيف المعدلات في الجامعة للشباب والبنات
يعني هل في هوناك معدلات فوق 90 % ولا كيف
بصراحة اكثر دكتور مش مسامحه لليوم
( شوقي غنام ) لانو أعطانا مادة Grammar 1
وثلاث ارباع الشعبة سقطت من شباب سنة اولى كلهم
والباقيين عالحفة ووالله اثنين اللي بس جابو فوق 70
طبعا اسئلو وحدث ولا حرج من شباب سنة اولى تخصصهم انجلش
والله الواحد بحكي من القهر
ما علينا
بس بصراحة كمان بالنسبة لقصة النادي اللي بنسمع فيه في القسم عنا شو بالنسبة الو
انتو شوفو بعينيكو في الجامعة الاسلامية في يا عالم نشاطات واجتماعات اسبوعية للشباب والبنات وفي كمان مسابقات بتسير على مستوى بس احنا محدش مدور علينا
العتب مش علينا ولا عالدكاترة مع انو في بعضهم بايده يعمل ( الادراة نفسها )
القصة انو مش بقارن الجامعة الاسلامية او جامعة بجامعتنا متلا
لانو بصراحة حرام اللي بيصير هيك واكيد كل واحد اجاله دكتور و اعطاله خازوق ( علامة ) على كيف كيفه !!!
طبعا خلي المعدل يتزبط يلا
بعرف طولت عليكو بس لازم احكي من زمان
وهاي اول مشاركة الي معكو هان بالمنتدى
ان شاء الله نكون معكم دوم
تحياتي
MR.ALaa
Hack Forever
موضوع: VERY IMPORTANT 
الثلاثاء أبريل 12, 2011 11:43 pm
