يواسيني وانا الميت

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

مشكور علي الكلمات الرائعه
ولكنها حزينه
يعطيك العافيه
ويسلمو
بانتظار جديدك

مع التحيه
ديالا

ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني
مشكور احمد ع الكلمات الحزينة
موضوعك رائع
دمت بود

يعطيك العافية بجد على الكلمات الرائعة و الله يخليلك امك و يحفظلك اياها يارب و بجد انا ماقدرت و بكيت من الكلمات الاروع من رائعة

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني

يسلمو احمد
موضوع رائع
كلمات عذبه
تحياتي

شكرا الك كل من

ديالا
نظرة وداع
فلسطينية وافتخر
نغم الغرام
على مروركم الرائع
الذي انار صفحتي
وجعلها ترقص فرحا
ربي يوفق الجميع يارب
تحياتي الكم

حرووووف رسمتها قلوب الأحاسيس والمشاعر المتيمة بحب الأم0000

حروووووف نقشتها ألسنة أناس قدرت معنى أم000

تحياتــــــــــــي ليك خيو احمد على ما أبدع قلمك

دمت بود
0000000

» جًيٍتٍ بًقِهَوِتًيِ ضًيِفًوِنَيِ
» ياابي ليتك انت الميت؟
» لاتكن كالبحر الميت...
» من تصوري .. البحر الميت ~
» ((( مراحل الميت في القبر )))