شباب غزة ورحلة العذاب

مرات نفسي اطلع بالشارع واصرخ مثل المجنون لحالي .. أتوحدوا ، البلد صار وضعها بخوف ، الكل ضايع ، الكل بفكر ، الكل بحلم والكل يتيم ،

أنا عن نفسي مش متشائم أو عابس على الدنيا .. لا .. الموضوع باختصار إني بتألم على اللي بصير ، ومين ما بتألم من الشعب الفلسطيني على الانقسام الموجود اللي مكسر أيدينا ومخلي الكل يشمت فينا ،إلا الطابور الخامس والمستفردين والاحتلال وناس بهمها البلد تخرب .
في غزة .. وين ما تروح بتسمع هالسؤال ، كيف شايف البلد ؟ تقول يعني الأفندي مش عارف !، أنا بدي أقولك كيف شايف البلد اليوم وبكره وبعده .. مجنونة ورخيصة وصارت على الكل بتهون ، وللأسف الوطنية والمبادئ والأخلاق والمحبة الحقيقية ذهبت بنزهة متخفية بستار الابتسامة الصفراء ، ذهبت ولن تعود كالسابق فلكل شيء سن محدد ، للشباب والشيخوخة ، والان هي في حالة الإنعاش هذا إذا لم تمت أصلا .
اااخ بس .. مبارح وكل يوم بسمع حلم واحد بتردد في وسط الشعب وخصوصا الشباب منهم ألا وهو ، موضوع الهجرة واخذ الجنسية والسفر وبعض الأحلام الوردية الممزوجة بطعم الأنانية والنسيان والتنكر من الذات الفلسطينية ، كون الفلسطيني اليوم مطارد في داخل بلده وخارج بلده ومضاف إلى القوائم السوداء في العالم ، لان الذي يدافع عن أرضه وعرضه ومقدساته أصبح إرهابيا يهدد الكيان العالمي والوجود الكوني على اصح التعبير ، لان الإجراءات التي تتخذ في حق اي مواطن فلسطيني يريد السفر للعلاج لا ترتقي لمستوى العناية بالحيوانات ، فما بالك بالذي يفكر بالهجرة اليوم ، يا حبيبي يا فلسطيني يا شريف اصحى ، لأنه إذا بدك تهاجر على أمريكا راح تلاقى كلاب بوليسية بتفتشك ، وإذا بدك تطلع بس من معبر رفح شوف الاهانة والبهدلة وقلة القيمة ، وإذا بدك تروح على اى دولة أوروبية راح يدخلوك على جهاز ببان كل عورتك وللعلم هذه الأمور ما بتصير إلا مع الفلسطيني ، حتى الدول العربية القديرة بتتعامل مع الجنسية الفلسطينية على انها خطر على الدولة وأحيانا يتم وضع مراقبة او كتابة تعهد .
صحيح الأوضاع مترهلة ومنكمشة إلا انه مش لازم ننسى انه أساس معاناة الشعب الفلسطيني أولا وأخيرا هو الاحتلال ، وانه كل اللي بصير للشعب هو من ضمن المخططات والتكتيكات الصهيونية لنفي القضية ولضرب البنية الأساسية ألا وهي العزيمة والإرادة لدى الشباب ، لأنهم يعلمون يقين العلم أن الأجيال القادمة والعامل الديمغرافي هو الخطر الحقيقي لنهاية عربدتهم على أرضنا السليبة ، وان الحصار وتقطيع الطرق وفصل الضفة عن غزة وتفكيك المناطق بالداخل ودمجها لهو خير دليل على عملية المحو التاريخي لدي الشباب الذي تسعي اليه دولة الاحتلال على المدى البعيد.
ومن هنا أدعو جميع الشباب والآباء وجميع الشرفاء في هذا الوطن للتمسك بالأرض وحق العودة وعدم التخاذل والبخل على فلسطين واقصد هنا الشباب الذين بحاجة ماسة للمساعدة ولمد يد العون لهم ، فهناك طلاب متميزون ولكن لا يجد لقمة العيش فيضطر للجلوس في البيت والانتظار .. انتظار ماذا ؟ لا اعلم .. لعله الحظ أو ان تتغير الأوضاع ، وارجو من جميع الأخوة عدم تكرار بعض الكلمات الانهزامية مثل : البلد راحت ، ما في وحدة وطنية كلها كذب بكذب ، وان ننتبه لمضمون تلك الكلمات جيدا وان نعزز الروح والهوية الفلسطينية بطريقة تدعو للفخر والعزة والثبات .

بعين الله اخ احمد

هذا هو حال الجميع

مشكوور اخ احمد على هذا الكلام الخارج من القلب

وهدا الكلام خارج من كل قلب فلسطيني حي وله ضمير

تحياتي الك لهذه المشاعر

شكرا اخي كاتم الاحزان

على ما خطى قلمك من ردك على موضوعي
وبتمنالك التوفيق من كل قلبي
وربنا يوفقك يارب
تحياتي الك

بعين الله
ويارب يرجع الشعب
متل ما كان
للمئاومه وبس
وربنا يبعد عنا الانئسام
ونرجع شعب
واحد متل ما كنا
يعطيك العافيه احمد
ويسلمو علي الموضوع
المعبر عن احاسيس صادئه
تجاه وطنا الغالي

ديالا
مع التحيه

مشكور كاتم
ولسه المعاناة ما خلصت
لسه الي جاي اعظم
يسلمو اناملك

هيا هيك الدنيا مكتوب علينا نعيش طول عمرنا بحرب خارجيه وحرب داخليه وهيا الي بتألم الواحد أكتر والنكبه 2008الي بنعيشها اصعب نكبه مرت على الشعب موفق احمد الخالدي

بيعين الله
يااحمد
هذا حال البلد والله مابيسر لاعدو ولا صديق
بيعين الله

كلام سليم

بس بدي انصحك نصيحة

لاتسهر كتير

وتعد النجوم

لوبدك فعلا روح البحر

وكب الهموم وارميهم في البحر

وعيش حياتك زي ما هيا

اتقلم على الوضع

تحياتي

وفاء انسان

موضوع بجد واقعى
والشعب الفلسطينى عايشوا
بس شو بدنا نعمل الحصار فى الداخل والخارج صار
بعين الله
مشكور
تقبل مرورى

» يلا يا شباب فوتوا وجاوبوني بصراحة *الصبايا يقولوا رأيهم بالاجابات*... يلا يا شباب
» حركة شباب 6 أبريل تعلن الإنسحاب الكامل والنهائي من إئتلاف شباب الثورة بمصر
» قمّة العذاب .... أن تعشق من ليس لك..~
» تدري شـــو العذاب ..؟؟
» عالم العذاب " فانت ورقة من هذا الكتاب "