قصة حزينة جدا عن شاب من غزة وفتاة من الضفة

بسم الله الرحمن الرحيم
ورحمه الله وبركاته

لقد تصفحت اليوم منتدي من المنتديات فوجد قصه موثره للغايه اثرت علي في معانيها وقيمه هده القصه فحبيت اني انقلها لكم لتعرفوا قمه الحب الحقيقي والصادق ومادا يفعل بالانسان هدا الحب

قبل سنتين من الان كان فى شب من غزه
اسمو (س) وبنت من الضفه اسمها(م)
هاد الشاب مسك جوالو وبدو يطلب صاحبو خالد يحكى معو على الجوال حط الرقم وبستنا صاحبو خالد يرد عليه تفاجئ الشب انو مو خالد يرد عليه عليه صوت كتير حنون كتير دافئ حس فيه من اول لحظه سكت الشب والفتاه بتحكى الو الو الو والشب ساكت مش قادر يحكى من جمال صوت الفتاه يلى سمعو ضل الشب ساكت لحظات والفتاه بتحكى الو مين معى ليش ما عم ترد اجاب الشب نعم مو عرفان شو يحكى كأنو مو عارف يحكى قالت الفتاه مين انت وشو بدك انت خيو نطق الشب وقال مو هاد جوال خالد حكت الفتاه لا مو خالد هاد جوالى الخاص حكالها الشب اوك ياختى انا اسف كنت طالب شب صاحبى بس انا تخربطت فى الرقم قالت الفتاه خلاص مو مشكله سكر الشب الجوال وهو مو قادر يسكر الجوال لانو اعجب بصوت البنت كتير طوال الليل يفكر بصوت هالبنت مع انو ماشافها ولا عرف مين هيه مع انو اعجب بصوتها طوال الليل مو عارف ينام من هيك صوت
تانى يوم حاول الشب يتصل بالرقم من تاانى فخجل الشب انو يتصل على البنت فى اليوم التالت اصر الشب انو يتصل على البنت لانو حب يسمع صوتها كمان مره فطلب الرقم ردت الفتاه بصوتها الجميل يلى شغل بال الشب ردت البنت بتحكى الو صمت الشب ماحكى شب ظلت البنت تحكى الو الو الو وشب ساكت حكت البنت ازا مابترد انا مطره اقفل الخط قال الشب نعم قالت مين انت قال انا بطلب صاحبى خالد قالت البنت مو خالد ومو جوال صاحبك خالد حكت البنت انا مطره اقفل الخط
فرح الشاب بسماع صوت البنت لانو كان من زمان نفسو يسمع هيك صوت ظل طوال الليل يقكر فى البنت هاى مو عارف ينام وهو يفكر فى البنت هاى
استنا الصبح يطلع لحتى يسمع صوت البنت هاى فقام الشب يتصل فردت البنت هاى ردت البنت الو الو الو الو والشب صامت فقال نعم قالت البنت مين انت ومين بدك حكالها فى اول اتصال كنت بدى خالد صاحبى وانا غلطت فى الرقم بس المره التانيه والتالته مابدى خالد كنت بدى اسمع صوتك انتى ردت البنت صوتى انا ليش خيى بدك تسمع صوتى انا قال الشب لانو بصراحه صوتك حلو ومو حلو وبس حسيت فى امان ودفئ وحنيه اجابت البنت الله يخليك هاد من زؤك انت حكى الشب انا ما بجاملك انا بحكى يلى حاسو سالها الشب شو اسمك حكتلو من وين انتى تفاجئ الشب انها بتحيلو من الضفه من (خ) تفاجئ تفاجئ كبير بلى سمعو انها مو من غزه
حكالها أديش عمرك حكتلو عمرى 17 سنه الشب حكى اسمو عمرو وسنو عمرو 22 سنه وهو من غزه بالتحديد من (ج) حكو مع بعض الشب رتاح للبنت والبنت كدالك ظل الشب كل يوم يتصل على البنت كل يوم
والبنت كمان فى يوم البنت بتحكيلو انت شو بدك من الاخر بدك ظل تتصل فيه وانا اتصل فيك وبعدين حكالها يلى بدك ياه انتى انا مستعد حكتلو البنت بدك تعمل متل ما انا بدى حكى الشب الها اه حتى لو حكتيلى روح موت انا بدى موت مع انو الشب ما بعرف البنت كويس وما شافها مع هيك تعلق فيها حبها حب جنون لا يتخيل
فى يوم من الايام طلب الشب انو يشوف البنت حكتلو كيف حكالها على النت حكت البنت اوك متل مابدك شاف الشب البنت وبنت كمان شافتو اعجب فيها لانها حلوه كتير متل ماكان يتخيلها وكمان البنت اعجبها الشب زادو محبه فى بعض تعلق الشب فيها اكتر واكتر صار مو أدر يستغنى عن البنت الشب فكر شو بدو يعمل ليقابل البنت هو فى غزه وهيه فى الضفه شو بدو يعمل ؟
فى يوم اتصل الشب فى البنت حكالها انا بدى اجى على الضفه لشوفك واطلبك من اهلك البنت تفاجأت فى هيك كلام
حكت البنت انت بدك تيجى على الضفه وتشوفنى وتطلبنى حكى الشب اه ليش انتى عندك مانع مو انتى بتحبينى حكت البنت اه بحبك بس .............................
حكى الشب بس بس شو ؟
قالت البنت فى صوت حزين انا مالى لا اب ولا ام انا تربيت فى ملجئ حكالها شو يعنى انتى يتيمه ابوكى وامك ماتو من صغرك حكت البنت لا .............
ندهش الشب شو يعنى لا حكتلو الفتاه بكل خجل وبكل حزن انا بنت حرام تربيت فى ملجئ
حزن الشاب حزن شديد بسماع هالاخبار هاى سألها شاب كيف حكتلو البنت الئصه وهيه حزينه نسمع شو ئصة البنت هاى ؟
حكت البنت بكل حزن انا كنت عند اهلى او يلى كنت مفكراهم اهلى يلى تبنونى من الملجئ انا كنت بفكر انو انا بنتهم فى يوم امى يلى مفترض انها تكون امى تخانقت انا وياها تفاجئت انها بتحكيلى انتى بنت حرام مو بنتى احنا كنا ما نجيب اولاد وقمنا بتبنيكى من ملجئ الايتام انتى بنت حرام ليش حكت الام هيك للفتاه لانو ستغنت عنها بعد ما قامو بتبنيها خلفت المراه هاى اولاد وبنات عندها ولدين وبنت صار للبنت مالها لزمه وهيك عرفت البنت انها بنت حرام وعرفو اخوتها يلى مو اخوتها نها بنت حرام ونها من ملجئ قام الاخ الكبر يلى يبلغ من العمر 16 سنه فى الليل واهلو نيام بمحاوله اغتصاب الفتاه وهيه نايمه فقامت الفتاه بلهفه وقامت بخدش الشاب فصحيو اهل الشاب على صراخ الفتاه فقامت الام بطرد البنت من البيت يلى هيه فيها خرجت البنت مو عارفه لوين بدها تروح لجئت للمرأه يلى كانت تربيها فى الملجئ وقعدت عندها فى البيت تفاجئ الشب بهيك قصه
اتمنى نها من سكان غزه ليساعد هالبنت الضحيه
الشب ندهش من ئصة البنت المهم سكر الخط صار يتصل على البنت ماترد على الجوال ولانو كان جوالها مغلق كل يوم يتصل ما فى جواب بطل يسمع صوت البنت يلى كان صوتها يقرحو ويسعدو ياترى شو السبب ؟
يتصل ما فى صوت مافى شى الا سطوانت شركة جوال ... اللى هيه الكل بعرفها جوال الهاتف الدى تحاول الاتصال به مغلق حاليلا
قلق الشب على البنت ليش جوالها مغلق ليش ياترى ؟
صار الشب يفكر ليش البنت جوالها مغلق يمكن لانو انا عرفت حقيقتها والبنت الحزينه فكرت انى مابدى ياها على شان قصتها ولا شو ياترى ؟
افتكر الشب انو فى يوم من الايام السابقه انو البنت اتصلت عليه من جوال المربيه بتاعت البنت صار يدور فى المكالمات المستلمه على رقم المربيه ليسألها عن البنت ليش جوالها مغلق ؟
وجد الشب رقم المربيه وفام بالاتصال فى المربيه فردت المربيه الو مين انت حكالها انو الشب يلى كان يحكى مع البنت يلى عندا
تفجئ الشب انو المربيه بتعرف فة ئصة الشب لانو كانت البنت تحكيلها كل شى سال الشب وين الفتاه ؟
ردت المربيه بكل حزن ودمعه على خدها والله الفتاه فى المشفى تفاجئ الشب المشى ليش خير شو فيها احكى كرمال الله حكت المربيه والله عندها مرض حكى الشب مرض مرض شو هاد ؟
ماقدرت المربيه تحكى لانو كان الحزن يملى قلبها على البنت المسكينه فردت المربيه الفتاه يلى كنت تحكى معها ويلى حبيتها وهيه كمان حبتك من كل قلبها عندها سرطان فى المخ ...........
حزن الشب حزن شديد قفل الخط من هان والحزن بطل يفارقو بالمره مابعرف ينام على هالبنت يلى حبها وقعد سنه كامله يحكى معها وحبها وحبتو بكل اخلاص
قرر الشب انو يسمع صوت الفتاه اتصل على المربيه وحكالها انو بدو يسمع صوت الفتاه حكتلو المربيه مابينفع اترجى الشاب المربيه حتى وافقة المربيه
راحت المربيه على المشفى يلى بيها الفتاه وقامت بالاتصال فى الشب وحكى الشب مع البنت سمع صوتها كانو روحو رجعت الو من جديد بس ؟
كان صوتها حزززززززززززززززززين وكااانت الفتاه تبكى على يلى صار الها من كل هالشى صار الشب يطمن فيها ويهديها مع انو الشب من جواتو حزين والدمعه عم تنزل من عيونو
قال الشب للفتاه انا بدى اجى على الضفه سألتو البنت كيف بدك تاجى على الضفه مع انو الوضع عندكو مو مستقر حكالها الشب انا راح اجى كيف مابعرف مع انو كان الوضع بجد هنا مو منيح لانو كان اول الانقلاب
حاول الشب كل مابجهدو حاول يروح لهدا وهدا بس على الفاضى بلا جدوى تفأجى فى صباح يوم الخميس فى تاريخ 16_3_2008 فى التحديد الساعه 9 صباحا فى رساله متكوب فيها
(انا المربيه (م) البنت الله عطاك عمرها وانت بدك منها دين كرت ابو 20 شيكل بدى ابعتهم الك على شان تسامحها وانشالله بتشوفها فى الجنه انشالله الله لانها كانت بنت مؤمنه بربها وبدينها ولاتحزن لانو هاى وصيه المرحومه وامانه عليك لاتبكى لانو انت عزيز على المرحومه كتير والله يعطيك احسن منها والله يعطيك بنت الحلال يلى بتستاهلك )
هاد المسج شفتو بعينى والله وقريتو
نكمل شاف الشب المسج وغمى عليه من هاد المسج وتم نقل الشب الى مستشفى الشفاء بغزه وكشفو الاطباء على الشب وجدو انو اجاه انهيار عصبى صدمه من هاد المسج


حزن الشاب حزن شديد لانو فقد اغلى انسانه عندو انسانه حبها قبل مايشوفها انسانه نظلمت فى الدنيا وندعى الله انها تكون من اهل الجنه باذن الله انشالله الله يرحمها ويرحمنا ويرحم جميع شهدائنا وموتانا يارب تحياتى لالكم جميعـآ

مشكورين علي المرور

قصة مؤثرة

مشكورين علي المرور الرائع

تحياتي لكم

مشكوره لمرورك

بسم الله الرحمن الرحيم

يسلموووو على الكلمات المؤثره التي تحيي القلب الميت "الله يديم الحب بين كل قلبين اختارهم القدر " و

الله يديم الحب بين قلبين محبين اختارهم القدر

مشكوووووووره علي لكلمات الرئاع
والف شكر لمرورك للمتصفح