سندريلا باللهجة الفلسطينية

لقيت قصة سندريللا مكتوبة باللهجة الفلسطينية وحبيت أنقلها لكم..

أترككم مع القصة..

لبست الفسطان وراحت جري عالقصر وشافها الأمير وحبها وركصو سوا وفجأة دكت

الساعة طنعش وجراي وصارت ترمح و ترمح ووكعت ببوجها عالدرج

راحت عالبيت واتمنت لو انو الساعة ما دكتش على الطنعش، بس شو تساوي

بحظها المشحر مثل حظ هاظا الشعب..

الأمير حط فردة البابوج على مخدة

المهم صار ينادي بالصوت على كل البنات عشان يقيسن البابوح، قاسن كل البنات إلا سندريلا

سندريلا نزلت على الساحة ومعها فردة البابوج، وحطتها على المخدة الي عليها

الفردة الثانية، ولما كربت عشان تقيسها ضربها الأمير كف، وحكالها: وين جاي ياما

حكتلو: يقطع وجهك ما أزنخك، مش شايفني بدي أقيس البابوج

حكالها: وحدة مثلك كيف بدها تكون فلكة القمر هديك

حكتلو: هسا بفرجيك وأحط على عينك

ولما اجت تقيسها، ما طلعت قد اجرها، لأنها كانت ورمانه من كثر الشغل، ويا حرام ما حدا صدكها، وانجنت المشحرة

ودارت في الشوارع، والأمير اتزوج غيرها

وحكى: لوينتا بدي أظل ادور عليها الله لا يردها هي الخسرانة ....

queen