فلسطيني ممنوع تعيش

بسم الله الرحمن الرحيم

الاخوات والاخوة

راقت لي هذه الكلمات فاحببت ان انقلها لكم باللهجة الفلسطينية العامية

فلسطيني ممنوع تعيش ..

قلولك إسكت متحكيش ..

أنت خلقت للتطلتيش ..

للحواجز للمصايب للتفتيش ..

كتبه ع جبينك ينداس ,,!!

من الضابط حتى الشاويش ..

فلسطيني وممنوع تثور ,

ومش مسموح تكون منصور ,

إياك تطالب بحقك .. أوعى بيوم تشوف النور
,
ممنوع تجدد هوية .. ممنوع تجدد باسبور ,

فلسطيني وبدك تتعلم .. هاي شغلة ضد الدستور
,
فلسطيني ولازم تتألم .. من دون ما يشوفك دكتور ,

فلسطيني وممنوع تتظلم ..

ولا يطلع بجناحك ريش ..

فلسطيني ممنوع تعيش ..

فلسطيني وإن فيه سفريات ..

إسمك بالأحمر مكتوب ,,

وع شباك مصلحة الجوازات ..

كتبه ع جبينك مطلوب ,,

لازم تتوقف ساعات ..

مذنب أو من دون ذنوب ,,

ويتوجهلك إتهامات ..

إنك سبب كل الحروب ,,

قال بسببك الحق مات ..

والعدل بوطنك مسلوب ,,

وكأنك سبب كل النكسات ..

وكل أزمات الشعوب ,,

وكأنه بسببك المحتل فات ..

ع الأقصى بلحظة الغروب ,,

وذبح صبيان وبنات ..

وعجز ع أمره مغلوب ,,

فلسطيني ممنوع تعيش ...

هذه دنيا بس للخفافيش ...

فبدك تشوف همنا هموم ,

تابع كل شي عنا قبل النوم ,

مذيع معصب وكله هموم ,

نبأ عاجل يا أهل الله ..

هدوا بيوت برام الله ..

حكامنا قاموا إسم الله ..

يتصلو في بوش يقوم ..

وبسيفه يحمي المظلوم ..

حكامنا اتصلو في كوفي عنان ..

قلولوا يا خينا الإسلام إنهان ..

إن كنلك فوتة ع الأمريكان ..

وإلك منا كم خزان ..

حكامنا اتصلو في مدير ومنشىء الملتقى احمد حمدان شيراك ..

قلولوا يا خينا ما النا سواك ..

إن كانلك فوتة ع توني بلير ..

بلكن تقنعه يقنع بابا ..

بلكن بابا يقنع موسكو ..

بلكن موسكو تقنع بوش ..

بلكن بوش بيقنع أولمرت ..

وتردوا الأقصى لصاحبه ,,

وتحموا الشعب الغلبان ..

نبأ عاجل يا أهل الله ..

حكامنا العوض ع الله ..

وحدتنا يا ناس أصبحت فضائيات ..

ألف دش فوق روسنا ضاوي ,,

شو يفيد البث الحي لشعب مات ..

وبألف تلفزيون شو ساوي ,,

قضيتنا أصبحت عربسات..

ونشيد الوطن أتحول غناوي ,,

وإذا مش عاجبك هالمحطة حول ع النايل سات ..

حتى تسمع للسيد مكاوي ,,

أصل الوطن أتحول محطات ..

وصارت كرامتنا فتاوي ,,

يا وطن مسجون جوا الشاشات ..

عم تبكي وصوتك بالفضا داوي ,,

أهلك من النيل حتى الفرات ..

مثلك مساجنين بس بقهاوي ,,

برغم كل هذه الكلمات والمواقف الا انني افتخر بلفلسطينيتي .....

مشكور اسلام علي الطر ح الرائع فلسطيني ممنوع تعيش 667243

~*¤ô§ô¤*~ضحية حب~*¤ô§ô¤*~

برغم كل هذه الكلمات والمواقف الا انني افتخر بلفلسطينيتي .....

يعطيكي الف الف عافيه كلام جميل جدا وكلمات رائعة

في انتظار جديدك

دمتي بود

بعين الله
مشكوووورة ااسلام

مشكورررةةةةةةةة كتير علي الكلمات الرائعة فعلا هاد هو واقع الفلسطيني وين ما رحنا للاسف

ضحية حب
انين القلب
ابو سمرة

رانيا
مروركم اضاء صفحتي
دمتم بود

مشكورة اسلام على طرحك
هاد اشى مش غريب علينا احنا مع الاسف بنعرف قديش الحكومات العربية وسياستها فى التعامل مع الفلسطينيين فى الخارج
حسبى الله ونعم الوكيل عليهم

فتحاوية
علي مرورك

» فلسطيني ممنوع تعيش
» فلسطيني ممنوع تعيش !!!
» انت فلسطيني ؟؟؟............... ممنوع تعيش
» فلسطيني ممنوع تعيش
» قلوبنا تعيش