كيف احتفل العالم بعـــــــــــــــــ2010ـــــــــــام

كيف احتفل العالم بعـــــــــــــــــ2010ـــــــــــام
جماعة..عملتلكن لفة أنا والبي بي سي على كم دولة بالعالم ...وجبنالكن كم صورة التقطت لحظة دخول العام الجديد برجلو اليمين على حياتنا..وهي نفس اللحظة يللي طفش العام الفائت بالأربعة ( ايدين ورجلين ) من حياتنا...قال ليش ياحزركن.؟؟!!!!!.لأنو داء خلقووو مننا..

ماعلينا وبلاطول سيرة وفلسفة..رح خليكن مع الصور..

في مدينة سيدني..وبما إنو عندن كميات كبيرة من الفتيش وضو الليل ..بس حسو عالعام الجديد وهو عم يتسحب عالساعة 12..جن جنانن وضوا مخن

( هالصورة بتشبه صورة القنابل الفوسفورية يللي نزلت على غزة..ياسبحان الله بس كلشي إلو شي )

من سيدني سدتك العافية ..طرنا مباشرة وبسرعة الضوء لمدينة طوكيو في اليابان..الجماعة شغل تكنولوجيا ياعمي..فأطلقوا مناطيد صغيرة بالهوا

أما بروسيا..وتحديدا بالساحة الحمراء ( انشالله مابتحمرلكن ....عين ) توافد الروس ومدري شو حاطين على روسن وبدت عليهن معالم البهجة والفرحة ( وشعبنا كل سنة جديدة بتزيد عندو القرحة )

من روسيا..روحنا شوي وصرنا بماليزيا واستقرينا بكوالالامبور ..وعلئنالكن بهالعجقة وناس جانة والعياذ بالله وتتراشق بالثلج الاصطناعي

رجعنا فتلنا شوي وطحشنا على هونج كونغ..وشفنالكن ظاهرة غريبة..الشعب كلو ايديه ورمانة...فكرناهن قاعدين عبساط الريح بالمقلوب..طلعوا لابسين قفازات مصممة خصيصا للاحتفال ( عندن القامة قصيرة والايد واصلة وطويلة..وعنا العين بصيرة والإيد كاشة وقصيرة )

أما ببرلين ...فبس وصلنا فكرنا في شي مظاهرة تنديدية واحتجاجية ..قلنا يكون قاطعين عنن المازوت وعم يتمقطعوا فيهن متل عنا؟؟ طلعوا الشباب الطيبة بيحتفلو بشكل جماعي ولاساءلين على مازوت ولا على بينزين ..مازوتن منن وفيهن

بالغلط كنا عأساس رايحين عفرنسا..شو لحشنا على أفغانستان مابعرف..يمكن الطيار كان حمصي معيد ..المهم تصوروا حتى بأفغانستان طلع في احتفالات..بس شرطكن مو الأفغانيين لأنو مساكين كان دوبن يدفنوا جثث ولادن يللي خلفتها قوات الناتو ..الاحتفال كان من الجنود المشأرئين ويللي شربوا نخبن على شرفنا

طلعنا بطيارة تابعة لقوات حلف شمال الاطلسي ( الناتو ) فشحطونا معاهن وحلفوا إلا يعزمونا على امريكا نشرب قنينة كولا ..

بس شو بدكن بالحكي هالامريكان مدري شو صاير لمخن..حدا بيحمل نقانق وهو عم يحتفل؟؟!!

وهنيك ياحبايب القلب لاحظنا ملاحظة كتير غريبة..
مو بس سرقوا مقدراتنا وتاريخنا وفرحنا وحياتنا..لك حتى إشارة النصر سرقوها

طبعا حردنا بس شفنا هالشوفة..واتدحكلنا باتجاه ألمانيا..أكلنا رعبة صميدعية ..فكرنا الطائرات الاسرائيلية عم تقصفن لأنو مشهد السما عندن كتير مألوف إلنا نحنا العرب

ركضنا متل المجانين نتخبا..فتنا بحارة طلعنا من حارة..فتنا بزاروبة طلعنا من زاروبة لقينا البرازيل بوشنا..أنا لأول وهلة فكرت عم يوزعو لحمة لأنو العجقة مو طبيعية..بس منظر بيششششششششششششششششل

المصورين يللي معانا تركوا الاحتفالات وصاروا يبصبصوا عالبرازيليات..فعقوبة إلهن شحطناهن مباشرة على هندوراس..لقينالكن هالبلد مخلوع رئيسها وصفيانة رجلين بلا راس ..ولقينا بابا النويل ضايع عندن مسكين ومتغيرة ملامحو

بيني وبينكن..داء خلقي من الشنططة بين هالدول الأوروبية والغربية والبعيدة..فقررت آخد أول ميكرو وبوشي على بيروت..ياعمي شعب بيرفه حالو..وشفتلكن سعد الحريري واقف عباب السينما..قال شو عم يقطع تنز..تزن..تزنكرتين يحضر فيلم سبايدر مان في لبنان

قلنا بما إنو صرنا قراب عالشام..نرجع نعايد الأهل والخلان..والشام مشهورة بزينتها بعيد راس السنة

كيف احتفل العالم بعـــــــــــــــــ2010ـــــــــــام 423396

كيف احتفل العالم بعـــــــــــــــــ2010ـــــــــــام 423396

ونحنا قاعدين وعم نحتفل..وصلتني صورة مكتوب تحتا..

( إياكم أن تنسوا )

غزة

غزة

غزة

حرام عليكم اللي بتعملووووووه

المرسل : ( طفل من غزة )

منقووووووول

ناس عايشة والناس محرومة لنا الله

بعين الله

ناس بتحتفل باعياد الميلاد
وناس بتحتفل بذكرى استشهاد
لكم ارق تحياتى
ابن الجنوب
عبوود

If a guiding world ..

Mhkour Altubik

والله ناس عايشة

لا حول ولا قوة الا بالله

هذا قدرنااااااااااا

الحمد لله .. دائما وابدااا

يسلمووو

» أغلى موبايلات العالم ..واغلى ارقام خط في العالم...ادخل ولحق حالك
» أجمل جمل فى العالم ........
» لو العالم بيد البنات‎
» اطول رجل في العالم
» اقصر بنت فى العالم