خلع الزوجة حذاء زوجها ..مذلة ام تدليل ؟؟؟؟؟

خلع الزوجة حذاء زوجها .. مذلة أم تدليل ؟

.::.
-{- بسمـ الله الرحمن الرحيمـ -}-.

.
..|| ســــــــؤال ||..

خلع الزوجة حذاء زوجها .. مذلة أم تدليل ؟

يقول عليه الصلاة والسلام :.

..(( لو أمرت أحداً أن يسجد لأحد لأمرت أن تسجد لزوجها ))..

في الماضي الزوجات في معظمهن يقمن بفعل بعض الأمور لأزواجهن
كأن يخلعن حذاءه وجواربه
ويغسلن أقدامه
وبعض الأمور الأخرى التي لم تعد تحدث مع نساء الوقت الحالي
هل تقبلي أن تقومي بغسل قدمي زوجك أو خلع حذاءه ...ولماذا؟.

.
.. شدني جداا الموضوع وحبيت اشارككم مناقشته ..

بإنتظآر أرآئكم

خلع الزوجة حذاء زوجها ..مذلة ام تدليل ؟؟؟؟؟ 604676

خلع الزوجة حذاء زوجها ..مذلة ام تدليل ؟؟؟؟؟ 604676

إيام زمان بتختلف عنا الآن
يعني قبل كان موجود الاشي اللي انتي بتحكي عنه
بس بحياتنا يلبي عايشينها الان ما بعتقد إنو في زوجه هيك بتسوي مع زوجها
اترئوا شواي ...
يعني أنا عن نفسي ما بعملها لو شو ما كان
يمحلاني والله ونا نازله حد رجله تحت وأفكله حذاؤه
خخخ
لآ وكمان فوق هيك أغسل رجله
ليه بالله مين كاين اسم الله عليه
..
وهاي منو تكبر بس بنسبه الي بضلها مسأله كرامه وكبرياء
وفي حدود مش لازم الزوجه والزوج يتعدوها
يعني بضلها طبيعه بشريه
..
تحيتي

الناس ارااء

انا بختلف معك هون امورواس
انتى بتقولى كرامة وكبرياء
انا بدى اياكى تحطى حالك بهالموقف
انك اتزوجتى انسان بتحبيه كتير
وهالانسان حصله حادث او شي
خلاه يصير مقعد او اى شي يمنعه من انه
يقدر يخدم حاله
ساعتها شو بتعملى
بتتخلى عنه عشان الكبريا والكرامة
ولا بتشيليه بعيونك وساعتها ماراح اقلك
شو راح تعملى لانه راح تعملى اشياء اكبر
من قصة غسيل الرجلين
يعنى مافى كرامة بين الزلمة ومرتو
بكرة لما تتزوجى راح تعرفى هالشي
وانا من النوع الى بقدر تعب الرجال
واذا كان تعبان ومحتاج انى اشلحه الجزمة واغسله رجليه
مابقصر
لانه هو كمان راح يقدرلى هالشي ويردلى اياها لما احتاجه اكيد

وبرده بتضل هاى وجهة نظرى
تحياتى الك نرمين على موضوعك
والك امورواس على وجهك نظرك
تقبلو مرورى

هلآ يسعد مساكي حبوبه
منوره ..
ــــــــــــ
أوك أنا أحترم وجهت نظرك بس في شغله هونا بدنا نحكيها
مشان ما نخلط الأمرو في بعض
وجهت نظري كانت بتعبر عن شيء عام لما يكون الزوج بكامل صحته
ما فيه أي ديفشنتي وما بيعاني من أي مرض
هلآ إنو الزوجه تروحه تشحله الحذاء وتغسله رجله وأبصر شو
والزوج قادر إنو يعمل هاي الشغلات بايده ولحاله
انا اعتبرها إهانه للمرأه من ناحيتي أنا
لإنه هوا مانو متزوجها حتى تقعد تحت رجليه طول النهار
الزواج أسمى من أي شيء متل هيك
أوك انتي حكتحكيلي انو مروح تعبان من الشغل ومش قادر
ماشي كمان الزوجه طول نهارها شقيانه من طبيخ لغسيل لعجين لإولاد زغار
لمشاغل كتيره
وبتتعب أكتر من الرجل مش بآخر النهار يكمل عليها زوجها
ويحيلها لازم تخلعيلي حذائي وتغسليلي رجلي
يعني لازم نراعي الظروف وكمان ما ننسىا الكرامه تاعت الزوجه
يا جماعه خدو بالكو لو إنو الزوجه فقدت كرامتها من أول عمله متل هيك
ما حتقدر تستردها تاني وراح زوجها يركبها وممكن يطاول الأمر للضرب والسب
ـــــــــــــ
حتى لو إني بموت بزوجي وبحبه كتير
مش معناته اني بدي أركع تحت رجله
يعني بالله تنشوف هوا بدو يرضى إنو يشحلني حذائي ويغسلي رجلي ؟؟
طبعا كرامته ما بتسمحله
كمان انا كرامتي مش سمحالي حتى لو اني بحبه

يعني ...
أنا ان شاء الله لما أتزوج راح أتفق مع زوجي على شغلات انو ممنوع حدن فيها
يقترب ناحيتها .. لازم نبني أنا وهوا سوا برنسبلز امعينات
حتى ما تصل الأمر للمساس بالكبرياء والكرامه
وبضل الأمر بنسبه إلي مذله منو تدليل
أوك التدليل في إلو طرق تانيه بإمكاني إني أدلل زوجي فيها
بس هاد الطريقه مش من ضمنهن

،،،،،،،،،،،،،
ولكن في عندي إجابه تانيه بحاله تختلف تمـاما عن وجهت نظري السباقه
وهيا يلي اتحدثت عنها خيتو دنيا الهوي
هديك الحاله طبعا بتختلف وبضلها خاصه شواي
..
ـــــــــــــــ
أتمنى ليكي أمسيه سعيده
تحيتي لالك عسوله

مش كل الناس واحد

دنيااا الهوي انا معك بكل ال حكيتيه

وجهة نظرك عجبتني كتير

بالنسبه الك امورواس

كمان انا بحترم وجهة نظرك

بس لازم تعرفي انو الركوع ما بيكون الا لله عزوجل

انا شايف انو كرامة الشخص بتكون من كرامة الشخص ال بيحبوو

هالشي لا مزله ولا اشي بالعكس هو احترام متبادل بين الطرفين

الصح الاحترام مش بخلع الحذاء لاء

اي بني ادم يسال حالوو سؤال

ليش انا بحب شخص محبة لاتوصف وفيه شخص بحبو بس مو بقدر محبتي للشخص الاول ليش؟؟

مشكوره علي طرحك نرمين

salamy

منورة يا امورواس

خيتى انا بحترم وجهة نظرك
بس لازم تعرفى شي
ليس من المهانة للمراة مساعدة زوجها وقت مايكون بحاجتها
يعنى انا مابقلك تعالى ارتمى تحت رجليه ليلل نهار
انا قلت مو غلط تساعديه وتيجى على نفسك من اجل اسعاد زوجك
ربنا خلقنا بهالكون لوظيفة مناسبة للمراة وهى انك تكونى زوجة وام
يعنى انك تسعدى زوجك هى من اول الاشياء الى ربنا خلق المراة الها
واذا انتى شايفة انه هاى مزلة للمراة فهاى وجهة نظرك
لكن انا شايفة اذا انتى قدرتى زوجك وقدرتى تعبه هو كمان هيبادلك نفس الشي
وهو اول الناس الى هيغسلك رجليكى ويشلحك الجزمة وقت ماتكونى محتاجة لهشي
لانه انتى مااتكبرتى عليه وبالتاكيد انتى ماراح تعملى هالشغلة الا اذا كان زوجك انسان بيستاهل هالشي وهيقدرلك هالشي يعنى مو ماخد القصة فرض واستعباد بل هى عن طيب خاطر منك
ومو غلط تيجى على نفسك وعلى سعادتك من اجل اسعاد الاخرين
ورسولنا ماغلط لما قال لامرت المراة ان تسجد لزوجها
يعنى هو ادرى الناس كم هى مكانة الزوج ورضاه عن زوجته عند رب العالمين

تحياتى الك خيتى
وا الك صايع بس جنتل
احترم وجهة نظر الجميع

يافتى
تحسسنيش هتذبح القط من اول ليلة
عاد الى متلك هيك هو الى بيخلى امورواس تتمسك برايها وتاخد فكرة انه هاى مذلة واهانة
لانك متقصد الاهانة باسلوب القهر للمراة
انا من مايدين المراة تعمل هالشي عشان جوزها
بس اذا جوزى متلك هيك
ولا عمره يحلم افكله زرار قميص مو اغسله رجليه
بالزوق والانسانية والمحبة بعطيه عيونى ومابقصر
بالغصب الله معه دار اهلى اشرفلى وعلى شو هالعلقة معه
تحياتى لرايك الخاص والى مابحبذ تعمله نصيحة اخت لاخوها

[size=18]أنا الى وجهة نظر فى الموضوع

يعنى رح أكون حل وسط بين الرأيين
أنا بأيد امورواس انو للمرأة كرامة وكبرياء
لازم للرجال ما يتعداها ولازم انو يعرفها
يعنى مش رح يتعب لو خلعها لحالو وبعدين رح ياخدها عادة
ويكون ما صدق يا حبيبى على هالورطة
وبعدين حب المرأة لزوجها ماببين من قصة خلع المرأة لحذائه
ولكن فى اشياء كثير بدلل يعنى مثلا لو كان تعبان على عينى وراسى
رح أشلحه الحذاء لكان اسمحيلى مش كل يوم الرجل تعبان
وبالنهاية التدليل بصير بحاجات كثير
وفهمكم كفاية وبعدين أنا بحترم كل وجهات النظر
فتى القمر دنيا الهوى صايع بس حنتل أمورواس
كثير لك نرمين على الموضوع الحلو[/size]

قصتكم فارطة يا حبايب

وانا عك امورواس

قال اشلحو جزمتوو قال
لابضل عند امي اريح

وفش غير هالطريقة عشان ادللو
الله الغني عن كل الدلال الي هيك
وانشالله عنو ما تدلل

قال اشلحو الجزمة واغسلو رجليه
لونه ريض اه بختلفش معكم
بس وهو زي القردددد ليش ملوش ايدين

اكيد تدليل
مش مزلة خالص

بشكر الجميع على مروركم وشكلو الموضوع اعجبكم كتيير
انا بدي اقول رأيي انا لو منى بعملها لان الوحدة لو كانت بتحب زوجها وبتحترمه بتعمل اي شي وهاد طبعا اذا كان هاد الاحترام متبادل ما رح تفرق مع الزوجة اما اذا في خناق اكيد يروح يخلع جزمته ويغسل جرابينه لحاله

تدليل وليس بمذلة

فتى القمر
خليك بحالك

اريج محموووووووووود منورة والله
بس بختلف معك

والله رسولنا قال تدليل مش مذلة
ولازم ما نعارض هالشى
بس عن نفسى ما بتصور انى هعملها
مشكورة نرمين على الطرح

لاما بتعتبر مذلة

ما علموكو باب الحارة ام عصام وابو عصام ه

يسلمو لالك

هه
معك حق عاشقة
بس هية كانت تشلحه سباطه متلهم يعنى
ما بتذكر هالشى

سالت اخويه بما انه فش تفاعل للشباب كتير

قلي عحسب طلب الراجل لهيك شي

ازا بيطلبه بقلة ذوق وشخط ونطر بكون بهيم

وازا بيطلبها بدلال او بيلمحفهيا حتشوف انه بيستاهل تشلحه

بس انا عرايي انه مذلة

وقلت لاخويه اخرس queen

هه

هه
متل ما قال اخوكي والله انه بيفهم

هه
بالنسبة الى مذلة

مثل ما حكي اخوها للمين اشكي

علي حسب الاسلوب يلا بيطلب فيه الطلب

بس بالنهاية احنا بنعتربه مذلة

يسلموا علي الطرح

نفس كلام اخ لمين اشكى

ايوة هيك

اخي بيفهم

كلكم مع رايه

ه

كلهم مع رايه الا انتى
queen

ههه

» هل التواضع الزايد مذلة ؟؟؟؟
» الى كل فتاااااة هل دمعة الرجل في الحب مذلة
» حذاء غاندي !
» فوائد الزوجة النكدية
» ماقيمة حلم سندريلا .. الذي حققه حذاء..