هام الى جميع الاعضاء

احنا ملاحظين انو بعد ما كان قسم الحوار من احلى الاقسام واكثرهم صار العالله ما فيه حيوية المواضيع اللى فيه ما بتشجع

انا قررت اعمل موضوع وهو كالتالى
راح احكى مشكلة او موضوع بيعانى منه شعبنا الفلسطينى
واختار عضو وعضو وهادول الاتنين راح يحكى كل اللى بدهم اياه بخصوص الموضوع اللى طرحته
والاعضاء التانية بتفوت بتعلق على الموضوع وعلى اراء العضوين او تنتقدهم بارائهم او تتشكرهم

اختي عاشقة الكوفية انتي ماجبتي شي من عندك

موضوع اخي كاتم الاحزان اكتب ماتشاء في صفحة اشلاء نفس الفكرة هاي

كان بيطرح مشكلة واحنا بنتناقش فيها

بس انتي اللي غيرتيه انو عضوين الي بيتناقشو

وانا بتمنى كاتم يرجع ينزل الموضوع

وبتمنى منك تطرحي موضوع هل انتا مع او ضد

احترامي ليك ِ

لا موضوعى ما بيشبه موضوع كاتم بالمرة

انت ما فهمت الموضوع منيح
هو هدف الموضوع الانتقاد انو الاعضاء ينتقدو اراء العضوين

أوك اعمليه هينا بنشوف

بس حطي الشرط الاول ممنوع تحويل الموضوع لدردشة بلاش يطير

احترامي

اطلع اى موضوع فى الحوار بيتحول لدردشة لانو اسم القسم حوار يعنى ابداء اراء

ههه كلامك صحيح يا عاشقة

بس جااك الي عمله صح ما بدنا نضحك على بعضنا في مواضيع حزفهم صادق فينا

وفي مواضيع ظلم

في كنا بنحولهم دردشة بالمرة

وبنطلع عن الموضوع نهائيا

ههه

صحيح

ان شاءالله ما حد يطلع من نطاق الموضوع واللى بدو يدردش يدردش فى نطاق الموضوع نفسه

اوك

حاليا خدي رأي الاعضاء

وشوفي رأيهم

وبعدين بتحزفي الموضوع هاد وبتنزليه بشكل رسمي بعنوان مناسب

تحياتي

يسلمو عاشقة على الموضوع الحلو تحياتي ليكي

يسلمو على تفاعلكو

انا اخترت شمس الاصيل وكاتم الاحزان

هم ضيوف الحلقة

الموضوع هو

الغيره الزائده اسبابها وحلولها

بتمنى من شمس وكاتم يعطونا رايهم فى هاد المشكلة وخاصة ازا اتفقت الغيرة مع الشك

موضوع رائع يا أخت عاشقة الكوفية

توكلى على الله......

فكرة حلوة يا عاشقة
تسلملنا دماغك queen

هه

يسلمو عاشقة على الفكرة الرائعة

انا راح أبلش بالأاول

كل انسان فينا بيغار على الانسان اللي بيحبوا
الغيرة حلوة وخصوصا على الانسان اللى بيحبوا بس بحدود
بس هاى الغيرة ما توصل لحد الشك
لانو ازا الغيرة وصلت لحد الشك ممكن انو يأدي الي الطلاق او الي فراق الاحبة
سبب الغيرة اكيد الانسان اللي بيحب التانى بيغار عليه كتير
كتير وكمان في اسباب كتيرة
يعنى لما وحدة تشوف زوجها بيحكي جوال بتغار عليه وهوا بيكون بالاساس بيكون بيحكى مع صاحبو
وبتفكروا انو بيحكى مع حدا تاني وهاى بتكون عدم الثقة لانها لو بتكون واثقة من زوجها
اكيد ما راح تفكر هالتفكير وما راح تغار عليه لدرجة الشك فيه
او لما تشوف زوجها قاعد مع قريباتوا او هيك
راح تغار عليه كتير
بس هاد كلو غلط
مو حل انو الوحدة تغار على زوجها لحد الشك
لانو بألاخر راح يأدي الي الطلاق

انا راح أحكي مشكلة
وانا بعرف وحدة صار معها هيك
هيا بتحب زوجها كتير كتير
وبتغار عليه كتير
لما زوجها يتأخر بالليل بتعمل معو تحقيق وهوا بيدايق من هادا الاشي
ظلو متحملها
لما تشوفوا بيحكي جوال بتظلها تقول يا تري مع مين عم يحكي
يعني بتغار عليه لدرجة الشك
بس بالأخر ما استفاددت شي
زوجها مل منها ومل من شكها وغيرتها الزايدة عليه
وما تحملها ابد
وأخر شي طلقها وهيا لسا ما الها 6 او 7 شهور متزوجيتوا
يعني خربت بيتها بأيدها
الغيرة الزايدة غلط كبير
الانسان صحيح بيغار على الانسان اللى بيحبو
بس مو لدرجة انو يشك فيه
انا بنصح كل واحد وكل وحدة بيحبو بعض ما يغار غيرة زايدة عن حدها
لانو بألاخر ما راح ييجيب نتيجة راح يخسرو بعض بالاخر
وهادا أكبر غلط
أنا حكيت رأيي بكل صراحة

نا في اعتقادي الغيرة شي موجود اصلا في الانسان من صغره

يعني الانسان فيه طبع الغيرة من هو طفل ما يدرك اللي يسويه بس الشي يكون تلقائي منه..

الغيرة موجودة في الحب وفي العمل وحتى في علاقة الاخوة احيانا تلقى ان في اخ يغار من اخوه لاي سبب كان

وبالنسبة للغيرة في الحب فهذا شي مطلوب يعني لما يحس الانسان ان في احد يغار عليه يحس باحساس جميل..

بس عاد الغيرة الزايدة عن حدها هي اللي تدمر كل شي جميل وممكن تؤدي الى المصائب

والله كلامك مقنع كتيييييير

الغيرة الزايدة مش حتجيب شى غير المشاكل واحيانا الطلاق والفراق

بس شو الحل فى هاد المشكلة

مافي للغيرة حدود محدودة
وهيا بعيدة عن الشك
فالشك ليس دليل على الحب
إنما فقدان الثقة بالنفس والآخرين لكن الغيرة أكبر دليل على المحبة الشديدة ..
أنقل لكم مقتطفات رائعة عن الغيرة ومدى جمالها للكاتب هاني النقشبندي وهي من أجمل ماقرأت من تعابير عن الغيرة :
كلنا نشتكي من الغيرة أن زادت
غيرتنا على من نحب .......
أوغيرته علينا ...
ونشتكي أكثر ... عندما تصبح قيداً
الغيرة كما تُوصف هي دليل حب
الغيرة هي أيضا تملك لمن نحب
ومنذ متى لم تكن الغيرة حباً ..!!
ولم يكن الحب تملكاً .. !!
الغيرة من طبع البشر .. فمن منا لا يغار ؟
قد تعظم أو تصغر ..
لكننا نغار ... لأننا بشر
فالبهيمة وحدها ... لا تغار
كما الغيرة دليل حب وتملك
هي أيضا دليل خوف أن يضيع من نحب
ومن منا لا يخـــــــاف ؟
الغيرة لا علاقة لها بالثقة بالنفس
ولا بعمق الثقة في الطرف الآخر
فالغيرة دليل حب
والحب قمة الثقة بالنفس
لكل شيء ثمن ..
والغيرة ثمن الحب ... وغذاؤه
ولا يأتي حب بلاثمن
ولا يعيش بلا غذاء
لا يجب أن نشتكي قيود الغيرة
فليست مشكلة أن نغار
المشكلة الحقيقية عندما لا نغار
فكم هي حزينة إمرأة لا يغار عليها رجل
وكم هو وحيد رجل لا تغار عليه إمرأة

اختي عاشقة الكوفية الغيرة ما ألها حل والله
والغيرة مش موجودة في الحب وبس
موجودة بكل شي
المسلم بيغار على اخته المسلمة
وبعدين الغيرة انزرعت فينا من احنا واطفال
ومن شب على شئ شاب عليه
واحنا تعودنا على الغيرة من صغرنا
وبالنسبة لرد شمس الاصيل ردها أكثر من رائع
ألف شـكر الها على الرد الجميل
وبانتظار رد احمد كاتم الاحزان ....
احترآآمي
مــ ــلكـ الـ أ ــ حــ س ــاس

عنجد الغيرة ما الها حل بس حلها الوحيد انو الواحد على قد ما بيقدر يتحكم فيها

كلامك صح عاشقة

وين الاخ كاتم ليجى يحكى فى الموضوع

عاشقة الكوفية

يسلمو ع الموضوع المميز والفكرة الرائعة

بدي أحكي رايي في الغيرة
*************

اول شي اللي بده يحب لازم يغار على حبيبته

وإزا ما فيه غيرة ما فيه طعم للحب

لأنه الغيرة هي نكهة الحب وهيا اللي بتعمل طعم وشكل ولون للحب

بس الغيرة إزا زادت عن حدها راح تعمل مشاكل كتيرة

لأنه الغيرة إزا زادت عن حدها مش راح تصبح غيرة راح تصبح شك

من حقها البنت تغار على حبيبها
او الزوجة تغار على زوجها

بس الغيرة لها حدود ويجب ألا تزيد عن حدودها

وإزا كانت الغيرة موجودة والثقة موجودة راح يكون الحب او الحياة الزوجية

ناجحة ،،

بس فيه نوع من الغيرة انا بصراحة سمعت فيه كتير

وبيعمل مشاكل كتيرة

وحالات طلاق صارت بسبب هدا النوع كتيرة جدا

وهي غيرة الام من زوجة ابنها

في حالة لما تشوف الام ابنها بيحب زوجته

وبيساعدها بتصير الام تغار منها

وبتخاف تسرق حب ابنها إلها

فالغيرة هاد بتعمل مشاكل كتيرة

الغيرة موضوع كبير

وبيحتاج لكلام كتير

بس بيكفي اللي حكيته

وانا رايي تجاه الغيرة

انه البنت لازم تغار على حبيبها
او زوجها

وكذلك الشاب لازم يغار على زوجته او حبيبته

بس لازم تكون الثقة موجودة بين الطرفين

والغيرة لازم تكون بحدود

حتى ما تصير مشاكل

ويخسروا بعض

ومتل ما حكت شمس الاصيل في القصة
كيف الغيرة عملت مشاكل وكان اخرتها
الطلاق والفراق

لانه هاد البنت كان عندها غيرة جنونية على زوجة

وهاد الغيرة ولدت الشك

وازا وجد الشك فالحياة والحب لن يستمرا

هدا رايي

ومرة اخرة

باتشكرك عاشقة ع الموضوع الحلو كتير

ا عاشقة على هاموضوع الرائع

وا للجميع ابديتو اراء مميزة وصحيحة عن الغيرة
لكن جميعكو ذكر قصة الغيرة الى ماالازم تقلب لشك لكن ماسالتو شو هو السبب ا لى يخليها تقلب لشك
الغيرة فطرة من رب العالمين وموجودة بالكل مافى شك بهالموضوع
لكن اذا تحولت لشك هنا لازم يكون سبب خلاها تتحول لشك
ليه مايكون الشخص الى بتغار عليه لحد انك شكيت فيه هو السبب تصرفاته وافعاله هى الى دفعت للشك
بتهيألى لازم اذا حسيت انه حبيبك او حبيبتك بيشك فيك لازم تنظر لنفسك انت شو عملت لخليته يشك فيك
لانه لازم هناك سبب للشك والا بيكون الى بيشك مريض نفسي وساعتها لازمه علاج

ممنوع
يا ريت كل موضوع يكون لوحده
كل مشكلة تطروحها بموضوع لحالو

حتى الاعضاء يشاركوكو وما يبحثو على مشكلة بين السطور

يتم طرح المشكلة في موضوع لوحدها
وبتتناقشو فيها براحتكم
وكل شخص يورينا ابداع افكاره في الموضوع الواحد

بدون زعل
سلام

لا هاد الموضوع كل الاعضاء حيشاركو فيه

بس اتين اتنين

شو اكمل ولا لاء

عاشقة انتي فكرتك حلوة كثير

بس انتي هيك بتحطي عضوين بس

انتي لو خليتي انك انتي تحطي المشكلة

وكل الاعضاء يتناقشوا فيها بيكون احسن

وامكن اعضاء بنظلموا

يعني تقريبا زي موضوع اكتب ماتشاء في صفحة اشلاء

احترامي

» الى جميع الاعضاء
» عااااااااااااااااااااااجل الى جميع الاعضاء
» اريد رائي جميع الاعضاء بلا استثناء الموضوع مهم جدا جدا جدا!!!!
» عاجل الى جميع الاعضاء ارجوكم
» طلب ضرورى ومستعجل من جميع الاعضاء