كلما زادت معرفتي للنساء زاد حبي للكلاب ...

ورحمه الله وبركاته

... عذرا على مسمى الموضوع ...

لكن هذا الموضوع انتشر بيننا بشكل كبير ،

أحببت أن أنزله لكم واشوف وجهات نظركم بكل صراحة

صورة أقشعر منها جسمي بداية رؤيتي لها

صورة دفعتني للتفكير المطول

ولم أجد ما يشفي غليلي ..

ما السبب .. ماذا حدث .. حتى يكتب ذاك الشاب أو الفتاة بهذا الشكل ؟؟

ومهما كانت أسبابه .. لما التعميم !!

أنسي ذاك الشاب ام االفتاة أن أمه واخته امرأه !!
وهل نسيت تلك الفتاة أن أبيها وأخيها رجل ؟؟

أم وجدوا من العدم

ألهذا وصل بنا للتشبيه والمحاكاة

لو أفترضنا خلاف كبير وفضيع بينه وبين فتاه أو أكثر .

. أيستحق الأمر التعميم على جميع البنات ..؟؟
أيستحق الأمر التعميم على جميع الشباب ... ؟؟

أيستحق ذلك وضع تلك الصوره على سيارته يستقلها بأي مكان

أمام مرأى الجميع ؟؟

ما أود مناقشته مع الجميع

(( الشباب والفتيات تحت أصابع الأتهام في المشاكل الشخصية ))

لماذا نعمم المشاكل على الجميع .. لو كان الخلاف بين رجل وأمرأه ؟؟

بمعنى أصـح حينمآ يشب نزآع بين رجـل ورجـل .. هل يقول وآحد منهـم الرجآل كلـهم

ويضع ما يريد أن

يضعهـ من شتيمـه..

لمآذآ أخذ الجميـع بعض العبآرآت (( الرجآل كلهـم غدآرون ))... (( النسآء خائنات )) !!

أتمنى أن تضعـوا ما تضعـوا من تعليقآت على الصـورهـ

وانا بدوري اعتذر للجميع عن العنوان

هنا للتعليق فمن رأى بنفسه الاستطاعة

فليتفضل كلنا عيون واذان واعية اذا صادفت

مثل هذا الشخص هل تعتقد انه من حقه التعميم ؟؟

هل من حقه اذا انجرح

الانسان ان يضع لافتة بهذا الشكل ..؟؟

وهل الفتاة إذا جرحت من شباب
هل من حقها ان تتحدث أن الشباب خائنون ؟؟؟

دمتــم أحبـتــي بخيـــر ...

معك حق اخي كاتم باتمنى يتصحح هالمفهوم عند كل الناس

لان البنت لما تنجرح من شاب ما بتدرك الا جرحها وبس لذلك هي بتعمم
ونفس الشي الشاب ازا خانته واحدة او تزوجت وسيبته بيعقد الدنيا وبيكره صنف النساء وبرضو بيعمم
وباتمني يكون جيلنا واعي للي بيصير ويتفاهم الامور مش جمل وعبارات وقحة بنرددها واحنا مش عارفين معناها ماعلينا
اخي كاتم يسلموا ايديك عالموضوم المهم وكتير بيلفت انتباهنا لاشياء
احترامي

هنــاء

كلامك كتير حلوو

وياريت ننسى التعميم

ونمسحه من قواميسنا

سعدت بحضورك اختي

انرتي صفحتي بكلامك وبمرورك

لكِ مني كل الاحترام

ودمتِ بسعادة

بالفعل هادا الكلام اصبح متداول بشكل كبير بين الشباب والبنات

بسمع شباب وبنات بيحكوا هاي العبارة والله بحسسوني انهم بحكوا كلام حلو من كتير ما برددوها.

هاي كلها عبارات ناتجة عن مشاكل عاطفية بين الطرفين

لما بنجرح حد فيهم من الطرف الاخر ما بلاقي حل امامه الا الشتائم

ممكن يكون الشخص اللي بردد هاي العبارات بمر في لحظة الم وغضب

برددها كتير لحتى يخفف عن نفسه

لكن لو بفكروا منيح هاي الناس راح يلاقي انه مو كل اصابعك متل بعضها

وما في داعي انه اي حد يردد هيك عبارات لمجرد انه نجرح من حد معين

الجرح كبير وصعب لكن هاي الالفاظ بتقلل من قيمة الطرفين

وياريت نكون اوعى من هيك وما نستخدم هيك شعارات تافه

والله يهدي الجميع

كاتم الاحزان

مشكور لطرحك القيم الهادف

تحياااتي

سيرة الحب

كلامك كتير حلوو ومقنع

أشكر لكِ هذه الحروف التي نثرتيها هنا

واتمنى ان تصل حروفك غلى قلوب وعقول
جميع الشباب والبنات

أنرتي صفحتي بحضورك وكلامك الحلوو

تحياتي واحترامي الك

متل ما حكت هناء
كل واحد بمر بتجربة وبتعرض للخيانة بعممها
بس مابعرف في الوقت الي هالشاب او البنت يصير معهم مابفكرو قبل مايحكو هالجملة
والله بجد عيب كبير
احنا بنظل بشر عنا قلوب وبعدين اكبر خطا شي اسمه التعميم
لانه هيك كتير بصير ظلم
الك كاتم على الموضوع
بتمنى الكل ينتبه قبل ماتطلع منه هالمقولة

حابة اشكرك كتيـــــــــــــير يا كاتم لاختيارك لهيك موضوع

لانه بجد بهاي الايام كتير بنسع متل هيك عبارات والبنات يمكن بيرددوهم اكتر من الشباب

انا كتير بسأل حالي طيب ليش هما بيقوله هيك

يعني ازا شاب من هالشباب خانك او غدر فيكي ليش تعممي , ليش تطلقي لقب الخيانة والغدر

على كل الشباب

هدا السؤال دايما بطرحه بس ما بلاقيله جواب

وللاسف عنا بغزة كل الناس شاطرة بكلمة التعميم

وهلأ حابة اشكرك مرة تانية يا كاتم

وتقبل مروري

رانيا

كلامك صحيح وكلامك كتير حلوو

ان شاء الله ننتبه ونعي مانقول

ولا نعمم على جميع الناس نتيجة التعرض لموقف

لا يعجبك

رانيا

اشكر لكِ هدا الحضور الرائع

انرتي صفحتك

تحياتي ليكِ

والله ياام يزن

كلامك صحيح
وهدا اللي دفعني اني انزل هدا الموضوع
كتير بنسمع هدا الكلام من البنات
انهم الشباب غدارين
الشباب خائنين
الشباب بس بحبوا يتسلوا
والكلام هدا اللي انتوا بتعرفوا فيه اكتر مني
وبينسوا انهم الهم اخوة شباب او ابوهم في يوم من الايام
كان شاب

باتمنى انه ننسى التعميم هدا
لانه بالنهاية كلنا اخوة

تحياتي ليك ياام يزن على حضورك
وعلى كلامك الصريح

» كلما ارتقى اسلوبك ..كلما علت مكانتك
» امارتي يفتح قصر 5 نجوم للكلاب
» كلما حاول قلمي.....
» لماذا كلما أردنا شئ ضاع منا !!
» يربح 650 $ كلما تنفس !