حب رغم بعد المسافات

كيفكم انا ى اطرح عليكم موضوع او مشكلة بالاحرى وبتمنى تعطونى رأيكو وكل واحد يضع نفسه مكان الاشخاص اصحاب القصة
الموضوع في واحد وحده الشب من الضفة والبنت من القطاع تعرفوا علي بعض عن طريق الجوال وصار بينهم قصة حب كبيره والشب حكا لخواته عن البنت وصاروا يحكوا معها دايما وعدها بالزواج والبنت وعدته تنتظره بس البنت خايفه من الاوضاع انه الطرق ماتفتح رغم انها مستعده لو الطرق مافتحت تبقى تستنا ولو فتحت طريق مصر تروح عن طريق مصر والاردن بس اللى قلقها لو فتح معبر مصر الشب مواصفاته مش طلب اهلها ولا1% برأيكم لو انتو مكانهم شو بتعملوا وانتوا حبيتوا بجد بكل احساسكم ومشاعركم
بتسيبوا الموضوع للزمن ولا بتنسحبوا من الموضوع
رغم انه الاتنين مابقدروا يبعدوا عن بعض
مع تحياتى
شهد

حبيبتي شهد هذي القصة قصة صحبيتي بالضبط
بس انا حعطيكي رايي مثل ما حكيت الها بالضبط
انتي بتحكي لو صار وفتحت الطرق انتي عارفة متى بدها تفتح الطريق
بهذي الفترة لو اجى واحد منيح اقبلي فيه كزوج وانسي الي حبيتيه بالاول لانو حرام شرعا ودينا انو
تكوني متزوجة وبتحبي واحد تاني اول شي
ثاني شي انتي حبيبتي هذا الشخص ما شفتي فيه غير جانب واحد الي هوا عجبك طبعا
وسبتي كل الجوانب الاخرى الي حتهمك طبعا بس مو هلا هلا بس انتي بدك واحد يفهمك ويحبك وما بعرف شو في مواصفات اخرى انتي ما بتشوفيها بس غيرك بيشوفها لانو انتي قريبة جدا من الموضوع فما بتشوفي غير الي بدك اياه يعني لما تكون عندك مشكلة مش حتعرفي تحليها زي ما حيحلوها الناس لانهم بشوفوا المشكلة لابعد الحدود فيها وبيجيبوا الحل وانتي هيك هلا مش شايفة كل شي بهذا الشب
اهلنا دائما بيحبوا الخير النا وما بدهم غير راحتنا واهلك بيخافوا عليكي اكثر من روحك
اذا الشب ما في مواصفات اهلك سيبيه وانسيه وخلي اهلك يختارو بس ما بقول الك انو اي واحد يجي من قبل اهلك توافقي عليه لاااااااااااء
انتي برضو لازم يعجبك لازم تكونوا متفاهمين
هذا رايي طويل اسفة بس حبيت اقول الك الي حكيتوا لصحبيتي
واقتنعت انو لو اجى احسن منو وقبلوا اهلها فيه فخلص

دمتي بود

له يا تالا ما بعرف رأيك بيكون هيك

كيف يعني البنت تنساه بعد كل هالحب

ولو اجى غيره تقبل فيه

انتي اول سبب حكيتيه حرام شرعا الواحدة ترتبط بانسان وهيا بتحب غيره

وبما انها البنت بتحبه وطلبت من كل انسان بيحب يكون مكانها

انا من رأيي انها لازم تتمسك فيه

بس بشرط انه تكون واثقة من حبه الها وانه ما يكون عم يتسلى فيها

ولو اتأكدت من حبه

تترك الموضوع للزمن

وانشاء الله ربنا بيقرب بينهم المسافات

انا حاسة فيها كتيـــــــــــــــــــر

بتمنالهم السعادة

شكلك حتخلي البنت تعنس
شو تبقى تستنى فيه وهيه عارفة انو مش حيجي
انتي هلا عارفة متى بيقدر يدخل عن المعبر
اليوم او الشهر الجاي او السنة الجاية او 10 السنين الي اجو
بدك تفضلي ترفضي بالناس الي بيجوا الك
لحتى ما يضيع نصيبك
اذا اجى واحد منيح اقبلي

وشو فايدة الحب يا تالا

وين راح

وين الكلام الحلو والمشاعر الي بقلبنا نروح فيها

اصلا هيا شو راح تستفيد لو اتزوجت انسان كويس ومنيح

بس ما بتحبه وقلبها مع غيره

يقطع شرك
انا حكيت انو ما تحبو
يا مجنونة اوك موافقة ابقي حبي فيه طيب
وبعدين انا حكيت يا دبة انو ممكن تقول لاهلها لا
لو ما ارتاحت الو او ما حبتوا
وبعدين يا بنتي اسالي شيخ
اذا وحدة متزوجة بنفع تفكر بواحد تاني
وشو الحكم

ااا يا شهد
والله انا برأيي اذا انه المشكلة مش بالمعبر اصلا لانه حتى لو المعبر اهلك انتي بتحكي انه اهلك
مش رح يقبلوو
وبرأيي طالما انتي واثقة ومتأكدة انه اهلك مش رح يقبلو
ليش اصلا تظلكو بهيك علاقة اذا اخرتها مش زواج
؟؟؟؟؟؟؟؟؟؟؟؟
لازم تكوني واقعية جدا لانه الدنيا الي بتمشيكي مش انتي الي بتمشي الدنيا
بس انا لو مكانك بتركها للزمن واذا الكو نصيب ببعض رح تاخدو بعض بلا ادنى شك
واذا مافي نصيب ما رح تكونو لبعض
وخصوصااااااااااااا بمسائل الزواااااااااااج النصيب اله دوووووووور كبير
تقبلي رأيي
تحياااااااتي

يعنى اصلا من الاول

القصة مو زابطة
ممكن علاقات تنجح هيك بس نادرة
لو كنت مكانها من الاول اول شى هوا بعيد عنى واهلى ماببعدونى عنهم
مع انى مابوافقهم بهاد الشي
وتانى شي مواصفاتو مش ماشية مع اهلى
يعنى مافى شي زابط
وكمان ابصر تفتح الحدود
بالاخر
لو نصيبها راح تاخدو ولو هيا باخر الدنيا
بس انا ماا برضى بهيك علاقة من الاصل يعنى اللى بنصحو لالها
تفكر منيح
وكويس قبل ماتقرر

و تقبلو رايي

شهد شكــرا على طرحك الرائع ..

أول أشي أنا بعتبر الحب بالطريقه دي حب من الدرجه الأولي

يمكن يكون شكلي بس ومش جدي مش عشان المسافات

بس أنا متأكد أنهم مهما كانوا بيتصلوا على بعض على الجوال

لسا مش هيكونوا بيعرفوا بعض كويس

تاني أشي

ممكن الواحد ينحط فى منطقة النص

بين أهلوا والأنسان الى بيحبه

أنا رأي انه مهما كان الأنسان

أنا لازم أروح جهة أهلي

علشان الأنسان ده فى غيره

بس الأهل واحد ومفيش غيرهم ولا نقدر نغيرهم

وجهة نظري ممكن ما تكون صح برأي الجميع

وبشكرك مره تانيه شهد على الموضوع المهم ده ...

تقبلي مروري
مـــأثمان

كتير لمروركم الرائع

بس كنت حابه اضيف شى
انا هلا اجونى خطاب والشب مواصفاته رائعة وابى ماكان بالقبل موافق على فكره الزواج وهلأ موافق باستطاعتى ارفض بس خايفه اندم من جهة لانه مواصفات الشب نادر متلاقى متلها هالايام من جهة تانيه مش حابه اترك اللى بحبه لانى متعلقة فيه وخايفة ماتفتح المعابر بعدين حكولى الناس لو فتحت معابر مصر مابتقدرى تدخلى الضفة لانى اليهود هيرحلونى ومابقدر ادخل الا عن طريق ايرز طيب ايرز من سابع المستحيلات تفتح والوضع هيك شو بدو يكون العمل بهاى اللحظه
ياريت الشباب كمان يعطونى رأيهم
وبتمنى من مدير ومنشىء الملتقى جـ،ـاك يفيدنى ومن ابو اسيل لو فى امكانيه
و Exclamation

الكم

والله الحب دا وهم كبييييير اوي

الحل كل واحد ينسي التاني ويريح نفسو ويرتاح بئي من وجع الدماغ هيك

شهد حبيبتي
لو اهلك موافقين على هذا الشب الي متقدم الك اوك اقبلي
وشوفيه واذا فيه اي شي مش عاجبك احكي لاهلك
يعني اعملي خطوة لقدام حتى تشوفي فين حتوصلي
وربنا يوفقك يا رب
هذي نصيحتي شوفي العريس الي هلا متقدم الك واهلك موافقين

أخت شهد انا حابب احكي رايي واللي بشوفه كويس إلك

بس هدا رايي يمكن تقبليه او لأ ....

اول شي انتي غلطانة لانك حبيتي واحد عن طريق الجوال ...
تاني شي غلطانة لانك حبيتي واحد من غير ماتشوفيه ..
تالت شي غلطانة لأنك حبيتي واحد وانتي مابتعرفي مين اهله وكيف سمعته

فأنا نصيحة مني ... انك تبعدي عنه .. صح بتحبيه وصح ساكن قلبك
بس خلص كل شي قسمة ونصيب .. وإمك وأبوكي أهم من حبيبك

وإزا هما رافضين خلص ... ماتخسري اهلك عشانه ....
وكمان إزا بدك تتزوجيه راح تسكني انتي واياه بعيدين عن اهلك
وما راح تشوفي اهلك هدا ازا وصلتي ....
يعني راح تصير مشاكل كتيرة .. عشان هيك انا بحكيلك حاولي تنسيه
من حياتك ...

هدا كان رأيي ....

وربنا يسعدك ويوفقك بحياتك

شهد انا بدى اقوللك كلمة لو انتم مكتوبين لبعض واجتمع الكون كله علشا ن يفرقكم مش راح يقد ورا ولو مش مكتوبين هيك القسمة والنصيب تقبلى مرورى

كتير لارائكم

و Exclamation

الك الله اكبر بتمنى الله يسهل الامور ولو بدها تنحل تنحل بسهوله
ولوكان من نصيبى الله يقربنا من بعض

القصة كلها انو هاد الشى غلط

يعنى فرضا مافتح المعبر شو راح تضلى تستنية

ولما يجى شو راح تقولى لاهلك هاد شخص تعرفت عليه عن طريق الجوووال

ولا شو ضمنك انوو الشخص هاد شخص صادق بتعرفى كل الشباب بيحبو يتسلووو

ولما تصل القصة للجد فص ملح وداب

وبعدين بتخافى بكرا لو حصل نصيب يصير يعايرك على الطريقة يلى اتعرفتى عليه فيها

القصة كلها مو داخلة عقلى يعنى انتى اول مايجيكى شخص مناسب وافقى وتوكلى على الله

لانو هاد زواج مو لعبة

والخيرة فيما اختارة الله

زائر

ابترجع للقصه والنصيب

اله نصيب بخدها

ماله نصيب لاحوه وله

وتحياتى

القدر هو اللي بيحدد الزواج

بس هي غلطت من الاول انها حبت واحد عن طريق الجوال

هاد الحب ما بيجوز

لانه القدر حيفرقهم وعمره ما حيجمعهم

مفيش حاجة اسمها حب

يسلموو

» اترجااك...يا بعيد المسافات
» قصة عشق تمنعها ..... المسافات...بقلمي المتواضع....والى حبي*رامي*