ودي اموت اليوم وأعيش باكر...!!!!!!!!!

ودِّي أموت .. اليوم ... وأعيش باكر
وأشوف مِنهو .. بعد موتي فقدني ..!
ومِنهو حَمَلني لِين .. ذِيك .. " المقابر "
وأشكر أنا .. كِل من كَرَمني ودِفنِّي
وبَشوف .. يرثيني أنا كَم [ شاعر ] ..؟
ومِنهو تركني .. وما كِتَب شَي عنِّي
شِخصٍ تعنَّى لي .. مع إنَّه .. مسافر
وشخصٍ قِريبٍ .. وآنا مَيِّت / طعنِّي
وشخصٍ يمثِّل دمعِتَه .. ما هو قادر !
وشخصٍ تِطيح دموعه كِل ما ذكرني
ومِنهو مِن أهلي فـ العَزا كان حاضر
ومِنهو دعى لي في " صلاته " ورحمني
ومِنهو بنى [ بإسمي ] سبيل ومنابر
ومِنهو يفز قلبـه .. إلا مِن لمحني
ومِنهو عشاني : طول الأيام ساهر ..!
ومِنهو ثلاث أيام .. راح وتركني ..؟
ومِنهو يرتِّب .. غرفتي .. / والدفاتر
وإن شاف ( صوره ) لي مات وحضنِّي
يالله عسى .. ما تغفى كل المشاعر
ويالله عسى .. ما ينصِدِم يوم ظنِّي
خايف يروح العُمر .. وأكون خاسر
وإن طار طيري .. ما يفيد / التمنِّي
وخايف يجيني وقت : أكسِر خواطر
إن دارت الدنيا .. وزماني كسرني
ومدام هذي الدنيا .. صارت مظاهر
وكِل مَن على كيفه .. وجَوَّه يغني
[ صحيح مُسلم .. لكن : الهَم كافر
كل ما بغيت أضحك يهددني حزني ]
الضيق وافـي .. والحزن حيل وافر
والجرح أكثر شي .. شفتـه يحبني
عايش وميِّت بين .. ماضي وحاضر
والصبر [ مفتاح الفرج ] ضاع منِّي
قل وش تبي وتتركني يا حزني آمر
مسكين فرحي / تصدِّق إنَّ وحشني !!
( شاعر ) ولكنِّي .. ماني بـ شاعر
ودِّي أموت اليوم .... وأرتاح منِّي !

[size=18]تحياتي....لولوة[/size]

انت عامله زي الخط مشفتنيش وانا ميت.......................

جزا الله الشدائد كل خير ................علمتني عدوي من صديقي

تحياتي لك

وعن جد مسكين فرحي وانا كمان وحشني وكتير
.
.
.
.
.

دعواتي للجميع بالسلامة

اختي صفا

اشكرك على مرورك الطيب
دمتى بود اختي العزيزة

» تصبح على خير يا [ جرح ] .. والوعد باكر ...!!
» {..أبــي هالدنيا تصفالي وأعيش بدنيتي مرتاح ...
» غدا عندما اموت : اهداااااء الى البرنسيسة
» دعني اموت فحسب
» ياريت اموت وارتاح