الجواز الفلسطيني و الاجنبي

مرحبا , يعطيكوا العافية شباب

حابب اطرح موضوع و حابب اعرف رايكم فيه

هلآ كتير من شبابنا الفلسطيني لما يمر به من ظروف و ماسي على كل الاصعدة من امور سياسية
و اجتماعية
و مستقبل مجهول
وبطالة

يسعى كل واحد منهم الى الهجرة الى البلاد الاوربية لما توفره هاي البلاد من رفاهية و حرية و شغل و ايضا و الاهم من ذلك حرية التنقل بالجواز الاوربي او الكندي او الامريكي الى اي مكان يخطر في باله و ما بيعاني كما يعاني اي فلسطيني على معبر رفح و بالمطارات خاصة مطار القاهرة و الترحيل و المعابر الاخرى

و لما يفكر يشتغل في اي بلد عربي راتبه راح يكون اضعاف الراتب الي بياخده اي واحد عربي بدون جنسية اجنبية

طبعا اغلب الشباب يطمح الى الجنسية الاجنبية

لكن بدون ان يفقد هويته الفلسطينة مع انه في ناس مستعدة تبيع القدس من شان تهج!!!!!!!!!!!!!!!!!!!!!!!!!

هاي ظاهرة منتشرة حاليا بين شبابنا
الان

لو تم عرض جواز اوربي او كندي بتاخده ؟

ممكن تفكر تقدم طلب هجرة لاي بلد اوربي و تجري وراه ؟؟

هل راح يأثر هادا الشي على اولادك و الاجيال القادمة ؟

هل راح تقضي كل حياتك في البلد الجديد؟ او تكتفي فقط بالحصول على الجواز الاوربي و تعيش في اي بلد عربي او في بلدك ؟
( بس انك ضمنت جواز شو ما صار تلاقي سبير )

اتمنى مشاركتكم و تفاعلكم مع الموضوع
مع تحياتي

نسيت انساك

لو تم عرض جواز اوربي او كندي بتاخده ؟

لا طبعا لا اوافق , جوازي الفلسطيني ولا بديل عنه .

ممكن تفكر تقدم طلب هجرة لاي بلد اوربي و تجري وراه ؟؟

نولدت بغزة وبموت بغزة .

لكن ما عندي مانع لو بطلع برة غزة ترفيه عن النفس ولكن هجرة نووووووووووو.

هل راح يأثر هادا الشي على اولادك و الاجيال القادمة ؟

انا ما راح اهاجر لذلك ما راح يصير اي تغير على تربية الاولاد , ولكن بعتقد لو تم الهجرة للخارج اكيد باثر على تربية الابناء وحياتهم وممكن يكون التاثير سلبي مو ايجابي.

هل راح تقضي كل حياتك في البلد الجديد؟ او تكتفي فقط بالحصول على الجواز الاوربي و تعيش في اي بلد عربي او في بلدك ؟
( بس انك ضمنت جواز شو ما صار تلاقي سبير )

سبق وحكيت يا نسيت انساك بطلع من بلدي تغير جو لكن هجرة مستحيل .

كلامك سليم يا انسان عادي واكيد كل الشباب بتفكر بالهجرة وقت ما تتوفر لهم اي فرصة لذلك وانا معهم بهادا الشي لانه حياتنا ومستقبلنا بغزة صعب للغاية ولكن انهم يهاجروا دون رجعة ما بايد هادا الشي نهائي .

مشكور نسيت انساك على الطرح القيم

يعطيك العافية

تحياتي

لو تم عرض جواز اوربي او كندي بتاخده ؟

اعوذ بالله

ممكن تفكر تقدم طلب هجرة لاي بلد اوربي و تجري وراه ؟؟

انا ان شاء الله راح اموت على ارض فلسطين ارض الرباط

هل راح يأثر هادا الشي على اولادك و الاجيال القادمة ؟

ممكن يأثر بس راح اربيهم على حب فلسطين وعشق ترابها

هل راح تقضي كل حياتك في البلد الجديد؟ او تكتفي فقط بالحصول على الجواز الاوربي و تعيش في اي بلد عربي او في بلدك ؟
( بس انك ضمنت جواز شو ما صار تلاقي سبير )

انا حكيت ما راح اطلع من فلسطين

تسلم يا انسان على الطرح المميز

تحياتي

لو تم عرض جواز اوربي او كندي بتاخده ؟

لا لانى ما ببيع وطنى وبفرط بهويتى وجنسيتى

ممكن تفكر تقدم طلب هجرة لاي بلد اوربي و تجري وراه ؟؟

لا بس انا نفسى اسافر لانى بدى اشوف ماما مش اكتر لو هى هين مش حفكر فى السفر

هل راح يأثر هادا الشي على اولادك و الاجيال القادمة ؟

اكيد حياثر بس انشاءالله نحاول نربيهم على الاخلاص لفلسطين والاحترام للبلد هاى

هل راح تقضي كل حياتك في البلد الجديد؟ او تكتفي فقط بالحصول على الجواز الاوربي و تعيش في اي بلد عربي او في بلدك ؟

لا اصلا ما بحب الغربة بحبي الاستقرار

سيرة الحب

المتمرد

عاشقة الكوفيه

يسمنو الجميع ع المرور الرائع

تحيااااتي