هل لبس المرأه يحدد أخلاقها؟؟

لبس الشعوب بأنواعه يعتبر منظر حضاري وتاريخي فأحيانا يتم التعرف على جنسية الشخص وبلده من خلال لبسه .

ولكن بعد ظاهرة الانفتاح والعوامل التي ادة الى جعل الكره الارضيه كقريه واحده تداخلات الحضارات مع بعضها وغيرت ازياء واشكال الملابس .

ولكن...

هل اصبح البس وسيله لتحديد شخصية الانسان واخلاقه ؟

الفتاة تلبس قصير=غير شريفه وتهين سمعت مجتمعها

الفتاة تلبس ضيق=غير شريفه وتهين سمعة مجتمعها

الفتاة لبسها واسع=انها حقا 100%

الفتات لبسها اسلامي=هذه الفتاة آية من الأخلاق

هل هكذا أصبحت الأحكام الآن .. ؟

وهل هي بنظركم صحيحه .. ؟

شكرا الك اخي على طرحك الواقعي000

هو فعلا سار الحكم على البنت بناء على لبسهم وخصوصا بعد الانفتاح 00وانتشار الفضائيات00

انا بدي احكي عن مجتمعنا احنا الفلسطيني00

اليوم الناس ان شافت بنت لابسة مش عباية متلا طالعة في بنطلون وبلوزة بيحكو عنها انها مانها منيحة00وانت بتعرف لسانات الناس00برغم انها البنت متربية منيح وبتعرف الصاح من الغلط بس بتلبس بنطلون الا انهم بيحكمو عليها انها مانها شريفة متلا000

والله انها ممكن تكون اشرف من اللي لابسة عباية00بحكي بصراحة انا بردو بنت00

وبعرف البنات منيح00وكل يوم بشوف اشكال والوان بجامعة00

بس احنا شعب ما بعرف شو مالو بيحكم على الناس على طول من المظهر00ما بيعرف شو جوات الروح وهل ازا كان شريف ويلا هئا00

هاد هو العيب فينا00لازم نغير من حالنا ومن نظراتنا وحكمان على الناس 00

انا بحكي بكل جرأة انو نظرتنا بلحكم على الناس من خلال اللبس غلط مية بلمية

لازم نعرف شو بداخل النفوس وشو نيتها ما بنقدر نحكم من خلال المظهر فقط00

اخي هاي هيا وجهة نظري00

تحياتي

توقعت وحدة من البنات تحكي هيك

سؤال واحد فقط للاخت جرح تاني

الاسلام حلل البنطلون ولا حرمة ؟

يا ريت بدي جاوب صريح

تحياتي

اوكي هلا فيك اخي متمرد00

ايش معنى يعني توقعت وحدة من البنات هيك اجابتها00؟؟؟

يلا راح احكي كل اللي عندي00

شوف يا اخي الاسلام ما حلل البنطلون الاسلام لما اجى فرض على المرأة اللبس الشرعي وهو الوحيد اللي محلل عنا بدين هو العباية 00

وايام الرسول صلى الله عليه وسلم كانت النساء بتلبس عبايات عاملة متل الخيمة مشان تغطي جسمها منيح وما يبين منو اشي00

بس الوضع بعد هيك اتغير وهاد اكبر غلط في الناس 00بدأت تتطلع على الغرب وبدأت المرأة تتحل شوية من المفروض عليها بحجة الحرية الشخصة واحنا بنعرف منيح انو هاد غلط00

هو صاح انو الاسلام اعطانا حرية بس مش بهاد الشكل00

المهم نرجع لموضوعنا00انا لما حكيت رئيي بلبس وبلحكم على الناس مش معنات حكيي اني بشجع لبس البنطلون ابدا00

انا بحكي حكي بيدخل الراس 00هلحين الناس لو شافت وحدة لابسة بنطلون00هو اكيد خطأ انها تعمل هيك بس احنا ما بنقدر انغير هاد الشيئ اهلها موافقين احنا شو دخلنا00

بس البنت بتكون متربية وبتعرف الاخلاق بس لابسة هيك بحجة حرية شخصية او موضة المهم ما النا فيها00ليش الناس هلحين بتنظر الها نظرة استحقار او انها مش شريفة ليش ؟؟

على العكس لو شافو وحدة لابسة عباية ومتنقبة متلا بيحكمو عليها والله انها منيحة ومافي منها وانها شريفة00

طيب احنا ما بنعرف شو هيا نيتها 00ولا نية اللي لابسة البنطلون00ما بنعرف شو اللي جواتهن00

هيك المقصد اخي الكريم00

مشان اريحك اخي متمرد000انا ما بحب البنطلون والحمد لله بلبس عباية00وبعرف الله منيح وما بعمل اشي بيغضب ربنا00وربنا بيشهد 00

بس كمان احنا لازم نحكي رئينا بكل جرأة وصراحة واللي بشوفو قدامي بحكي00

تحياتي

الحمد لله انو انتي تكوني من البنات تاعات العبايات

مو الي مفصل جسها بالبنطلون مو تحكي انا مسلمة من وين مسلمة

وبالنسبة للعباية لازم ياخت جرح تاني

ما تكون بتفصل الجسم لانو عبايات اليوم ما شاء الله عليها تفصيل اكثر من البنطلون

الله يصلح حال بنات اليوم

شغلات الواحد بيزعل عليها

وبالنسبة للبنت الي بتلبس بنطلون بتكون بنت ناس محترمين لو اهلها محترمين ما بيسمحوا الها تطلع بنطلون هذا الي بعرفه عن الناس المحترمين

يعني زي واحد بيحكي الي عن بنت صايعة ابوها محترم وبيصلي في الجامعة وبتطلع اشكال والوان من وين محترم ابوها لو محرتم ما بيسمح لبنته تطكلع هيك

اتمنى من الكل احترام رايي

أكيد أخي أكيد00

مشانك مش بنت ما بتعرف شو بسير عنا بجامعة 0000

البنت بتطلع من بيت اهلها عادية وما فيها اي مكياج00 ولا بسة عباية والداهية انو اهلها واثقين منها00

بس لما تصل الجامعة بتسير وحدة تانية00 وبتروح تحط على وجها مكياج00ليش طيب ليش؟؟

هيها لابسة عباية ومع ذلك الا انها خانت ثقة اهلها وانا لما اشوف هيك بنات بيعملو قدامي بستحقرهن وبينزلن من عيني00في هاي اللحظة شو بتحكم عليهم يا متمرد؟؟

ارجو انك تكون فهمتني00

ملاحظة ما بقصد كل البنات اللي بيسبسن عبايات00البعض منهن00

نسيت انساك

مشكور على الموضوع
انا هلقيت راح احكى كل ما يجول في صدري وعقلي
احنا في فلسطين الواحد اكيد بيحكم على البنت من منطبق لبسها
ومن منطلق فكره هوا
والله في بنات لابسين بناطلين
عندهم اخلاق ومحترمات
اكتر من الى لابسين عبايات وجلبابات
وبيكون عندها خلق ودين
ومثل ما حكت العضوة امورواس
الي لابسين عبايات
بيطلعم من عند اهلهم هيك
لكن في الجامعة بيكونو عكس هيك
لانهم مو واثقين بحالهم
ويا مهون لو كانت لابسة بنطلون من الاصل
او طالعة من بيت اهلها لابسة بنطلون
العيب مو في اللبس
العيب فينا احنا
لانو احنا بدنا نقلد ونتبع الغرب
من غير ما يكون النا شخصية
او وجهة نظر بهيك شغلة
والسبب كمان في هاى الظاهرة وسائل الاعلام
والفضائيات
الي صارت سلبياتهم اكتر من ايجابياتهم

وانا بشوف الي لابسين بناطيل عندهم دين واخلاق اكتر من الى لابسات عبايات
الا ما ندر
والقليل القليل
وفي بنات طبيعتهم هيك
كل لبسهم بناطيل
بيكونو احيانا جايين من بلاد بره
وهيك طريقة لبسهم
وما بيكونو متاقلمين مع الوضع
لهيك لبسهم هيك
وانا مع المتمرد في كل كلمة حكاها
تحيااااااااااااتى

يسلمووووو نسيت انساك علي هذا الطرح الحلو
انا من رائي اللبس ما بيحدد أخلاق البنت بكل الاوقات , كتير بنات بيكونوا محجبات بس للأسف بيكون هالحجاب ستار لشي تاني مش أكتر , بنظري تصرفات الانسان هيا الي بتحكم عليه اكتر من اللبس
وأكيد البيئه اللي بيعيشها الانسان بتحدد نوع اللبس بالنسبه لإلو
يعني المظاهر ما بتدل علي أخلاق الإنسان
وكتير ممكن نلاقي محجبات وبيكون الدافع من وراه عادات مو دافع اخلاقي او ديني

"وجهه نظر مش أكتر "

جرح تاني

يسلمو ع المرور الرائع

المتمرد

يسلمو ع مشاركتك

هناء

نورتي الصفحه

جرح تاني الحكم بكون عليهن انهن اصلا حرام يوروحن الجامعه

ولا يطلعن من البيت

[size=18]يسلمووووووو نسيت على السؤال

اكيد ما لبس الفتاة اللى بحد شخصيتها فى بنات كتييييييييير بلبسن بناطيل بس بكونن احسن من اللى منقبات وحنا بنشوف هاد بالواقع مش قصة انها بتلبس بنطلون يعنى مش كويسة هاى بس تعود هى اتعودت على هاى اللبس وتعودت كمان على الاخلاق [/size]

يسمنو عاشقة

ع المرور الرائع

تحياتي

مشكور كتير خيي نسيت انساك على الموضوع الاجتماعى الهادف والقيم

وما عندى كلام احكيه

انا مع وجهة نظر البنات بكل كلمة حكيوها

اخى المتمرد انته مو موجود بين البنات مشان تعرفهم منيح او اكتر منا ,مع احترامي الشديد لرايك

وطريقة البس مو وسيلة للحكم فيها على البنات

وبظن اني الزى الشرعي الاسلامي الحقيقي مو موجود عنا نهائي

يعنى شو فايدة العباية او الجلباب اللى بكون محدد لجسم المراة وهادا النوع اللى منتشر عنا

والله يهدي جميع البنات

تحياااتى للجميع

اصلا البنت لو لبست بنطلون او عباية او تنورة او اي اشي را يحكو عنها
وبعدين البنت مش بلبسها
وبعدين انتو مفتيين طابين تحللو وتحرمو باللبس
اوك البنطلون حرام اخي متمرد
اوك رضينا حرام والبدي والبرمودة والشعر الطويل والقصات تعونكو هاي والاضافر مش تشبه بالنساء
زي ما فينا فيكووووو
ولا انا غلطانة
وبعدين ما تحكمو على البنت بالمظهر الخارجي
ويسلمووووووووووووووووو نسيت على الموضوع
وما تطلع بالبرمودة
وروح قص شعرك اوك بعدين احكي على العالم
queen

هه

اصبح البس وسيله لتحديد شخصية الانسان واخلاقه ؟
لا طبعا اللبس لا يجدد شخصية الانسان
الفتاة مو بلبسها باخلاقها
بس والله لبس الجلباب او العباة افضل للبنت صحيح في بنات بلبسوا بناطيل واخلاقهم منيحة بس واللهلماتكون البنت بلبس الاسلام افضل الها
والله الجامعة الايام هادي بتقرف البنات محسبات نفسهم بتركيا ولا بمصر بلبسوا اشكال والوان وجينز بس والله المحترمة وين ماكانت بتشرف اهلها
وصحيح في منقبات بحطوا ميك اب بس والله على الاقل اللمنقبة ماتبعمل زي غيرها
بيجوا من الساعة 6 الصبح بحطن بالجامعة مك اب ولما يروحن الساعة4 بروحون بينمسحن المك اب طيب الي بدها تحط تحط من دارابوها احسن ماابوها يشوفها ويفضحوه الناس لانه الفضيحة لابوها مو قللية ولانه كمان لما البنت تطلع بعلم اهلها افضل ماتصدم اهلها بس والله اللبس مابحدد شخصية البنت وكمان الشابباب بنطبق عليهم هالحكي

سيرة الحب

حفيده الكوفيه

يسلمو ع لمرور الرائع

ام السان طويل

ام غدير

يسمنو ع المرور

الرائع

تحياتي

اللبس ما بحدد اخلاق البنت

لا مش معاك بهيك شغله

البنت المحترمه ما بتلبس

بنطلون

بتلبس طبعا العباية او الجلباب

او الحجات المحتشمه

ويسلمو ع الطرح الرائع

لا خطا اعتقادك كان زمان البنت لبسها ما بحدد اخلاقها

ويا متمرد مش انو بتلبس بنطلون يعنى هى مش منيحة وابوها ما عرف يربيها انا بعرف وحدة ابوها شيخ فى المسجد وبتلبس بنطلون وهى كتييييييييييييير البنت محترمة يعنى ما دخل اخلاقها وبس يكون لبس البنطلون مقبول ومش مفصل
والقصة مش قصة بنطلون وعباية القصة انو يكون اللبس محترم ومش فاضح هى اللى بعرفه

لو سمحتوا انا بدي اعطي رأيي لو البنت لبست لبس محترم متل الجلباب يعني ومش اي جلباب

جلباب يكون محترم هاد بتكون محترمة من دون السؤال عنها وكمان اشي ولا ولد او شب من

الشارع مستعد يتطلع فيها لانها محترمة وهاد بتكون مثل المراية بتعالله صورة اهلها بالاحترام

................................................................................................

أما ادا البنت لبست بنطلون وبلوزة بادي والله الكل حيطلع فيها وأول اشي راح تعالله صورة مش

منيحة عن أهلها للناس والناس والله حكيهم كثير يعني بيحكو كثير والاهل مش دارين

اما بالنسبة لقصة انوا البنت تطلع من عند أهلها محترمة وجلباب ولما تصل الجامعة بتطير الجلباب

وبيبقى البنطلون هاد البنت لسا لتطلع من عند اهلها ببنطلون اشرف ألها على الاقل بيكون شوية

ثقة ابوها ببيكون بيثق فيها

t7eaty

eben altanoya

والله يا ابن الثانوية الشباب بطلعوا حتى على اللمنقبات ما بسيبو حد اللى لابسة جلباب واللى مش لابسة

والثقة مش بالملابس

صدق سارق الاحزان

لما قال اللبس ما بحدد الاخلاق
ما في بنات بلبسوا عبايات وما بتكون اخلاقهم منيحة
يعني مو اللبس اللي بحدد
وهي انا بلبس بناطيل
عادي يعني
ومش اني بلبس بناطيل اني مش محترمة

والكلام هادا اللي انتا كاتبوا يا كان زمان ما بيصح
هيك يعني بتسئ سمعتهن

ويعني قصدك اللي بلبسوا بناطيل مش محترمات
طيب هيني بلبس بناطيل يعني مش محترمة

لو سمحت صحح كلامك

والله انا مش عارف ليش الشباب لهاى الدرجة بحقدوا على البنت اللى بتطلع بالبنطلون

ما بعرف شو بدي احكي

غير يسلمو ع المرور

بس من الاخر

الاهل هي الي لازم يكون الها دور بهيك شغله

وكل واحد ع دينو الله يعينو

احتراماتي لكل

ساحر

والله اما مش عارف شو اقول يعني

بس الظاهر يابنات بدكيانا ندخل بالدين من الاخر يعني

البنطلون حرام للمرأة يعني اتصوري لوين الرسول قال صلى الله غليه وسلم صوت المرأة عورة

كيف الي بتطلع ببنطلون وبلوزة والله مابدها حكي هاد وادا بدكن تجادلن هلا بسأل شيخ وبخليه

يشرحلي وبجيب الشرح الكن

يعني زي مابقولوا كل هاد اللبس بيرجع للعائلة حسب الترباية

تحياتي

» سؤال يحدد طريق تفكيرك
» تاريخ ميلادك يحدد شخصيتك ... هل هذا صحيح ؟؟؟ ادخلوا لتتأكدوا)
» اختبار يحدد نسبة ادمانك على الانترنت ؟؟
» تاريخ ميلادك يحدد طريقتك في الشراء
» تاريخ ميلادك يحدد شخصيتك ... هل هذا صحيح ؟؟؟ ادخلوا لتتأكدوا)