مسلسل نور هل هو هادف او مدمر !

بســم الله الـرحمــن الرحيــم

في احد ايام غزه الحبيبه

استمعت لهمهمة المراهقات وهن يتحدثن بشغف عن شخصية " مهند "

وهن يتنهدن ويتذكرن مواقفه الـ " رومانسية " مع بطلة المسلسل " نور "

لا أنكر فضولي الشديد في أن أشاهد حلقة أو حلقتين من المسلسل المذاع يوميا

على إحدى الفضائيات العربية.. نظرت في عيون الصغيرات والكبيرات اعتذر الصغار والكبار ايضا، بلهف شديد الجميع انتظره وترقب موعد بدئه.
وعندما كانت الطائرات تحوم في سماء الوطن مثل الغربان، كان اه المتجمهرين لحضور المسلسل يصرخ عندما تأتي الزنانات فتضيع القناة ثم يصرخ فرحاً عندما تختفي اصوات الطائرات!!!

انصبت الاه جميعها.. على مكان يلتقي فيه المحبون.. وعن زوجة تخون زوجها وعلى فتاة تنجب وتكبر طفلتها ثم تتزوج والد طفلتها!

والعجب أن المسلسل " تركي " فترى الوجوه كأنها وجوه " عربية " حتى أن التحية الملقاة بين الاشخاص " السلام " وانهم " يصومون رمضان " وربما يؤدون فرض الصلاة..

فتشعر وأنت تتفرج على المسلسل بلهجة عربية مدبلجة وعادات عربية.. كأنك في مجتمع عربي!!

وكأنهم يريدوننا أن نعيش في مثل هذه الظروف الاجرامية من انحلال اخلاقي وفوضى التحلل والسفور.

كأنّ القائمين على دبلجة المسلسل يهدفون لصبّ الأنظار جميعها لمجتمع " عربي " " متحلل " أو بمفهوم خاص " متحضر " هناك خلط شديد بين معنى " متحلل " و " متحضر "

دعوني استكمل جزءا مما شاهدته من انحدار اخلاقي.. عن زوجة تخون زوجها، وعن زوج يخون زوجته، وعن أم تهمل طفلتها، وعن أخرى تجهض جنينها الذي حملت به من الزنا حتى لا يختل جسمها وتصبح بشعة!!!!!

كلها اخلاقيات منحدرة.. يشاهدها رجال ونساء واطفال ومراهقي المسلمين.. فعن أي " نور " تتحدثون؟ والله إنه مسلسل وجب أن نسميه " ظلام " لانه يخرجنا من نور الدين إلى ظلام " التحلل " ..

ابناءكم.. بناتكم ايها الاباء امانة في اعناقكم..

قاطعوا المسلسل السافر الخليع

قاطعوا المحطات التي تنشر الرذيلة

وللاسف.. قد يتابعها الآباء بعد ان ينشدوا لقصصها مدعين أنهم اباء ديمقراطيين متحررين " عفوا " متحللين ..

اللهم اني بلغت

اللهم فاشهد

مسلسل نور هل هو هادف او مدمر ! 975743846

مسلسل نور هل هو هادف او مدمر ! 975743846

مسلسل نور هل هو هادف او مدمر ! 937236295

مشكووور اخي المتمرد
معك حق ولازم ناخذ الحذر لما نكون نحضر المسلسل
وما ناخد من عاداتهم وتقاليدهم
لانها منافية للدين الاسلامي
مشكوور على الموضوع
تقبل مروري
تحياتي الك

مشكور اخى على التنوية بس مسلسل نور هادف جدا
للناس الواعية والفهمانة مش الى بتخدهم المشاعر

مشكور أخي المتمرد علي الموضوع فعلا لازم الواحد ياخد حزره من هيك مسلسلات

تحيــــــاتــي
فتحــــــاويـــة وأفتخـــــر

طرحك ضروري بجد الوضوع محتاج للمناقشه والتوضيح الناس يتحكي عن المسلسل بطريقة غريبه صغار وكبار حتى الامهات والاباء بس الحق كلة على الاهل
بجد المسلسل اسهل طريقه للانحلال والانحراف
تحياتي وتقديري الك يا متمرد asoma

زائر

أنا ما اتفرجت على المسلسل

بس فهمت من كلامك انو مسلسل منافى للدين والاخلاق

وبتنمى انو الجميع يبتعدوا عن هاى المسلسات

لانها مدمرة للمجتمع المسلم

مشكور جدا اخى المتمرد على موضوعك

بتمنى الكل يستفيد منه

تقبل خالص شكرى وتقديرى

يسلمو يا متمرد
بجد موضوع مميز وطرح
مميز
بس جميع الاشخاص بيحضرو مسلسل نور
من الفراغ العاطفى
عشان هيك بيحاولو
يملو وقتهم بالمسلسل
تحياتى

انا واحد من الناس القناة حذفتها كلها من الجهاز عشان هذا المسلسل
لانو المسلسلات المدبلجة كلها من غير استثناء فيها مشاهد لايحبذ مشاهدتها
خصوصا للاطفال

أنا راح احكي واقعة حصلت معي عشان تكون عبرة للغير ويخلوا بالهم من اطفالهم
أنا منشط في مخيم صيفي ومجموعتي اللي انا مسئول عنها مجموعة بنات
تخيلوا بنت لم تتجاوز سن 12 بتقولي نفسي انام مع مهند مين يصحله واحد زي مهند
طبعا انا فصلتها على الفور من المخيم لكن ماقدرت اوصل لابوها عشان احكيله

شو رايكم بهيك كلام
هذه طفلة صغيرة كيف الكبار للعلم امها هي اللي بتشجعها تتابع هذا المسلسل

حسبنا الله ونعم الوكيل
لاحول ولا قوة الا بالله

والله الكلام الى انحكى كله مزبوط

بس لاحياة لمن تنادى

انا عن نفسى دفعنى الفضول لاحضر هالمسلسل

لحتى اشوف المسلسل الى شاغل الكل

باى مكان بالجامعة ما بسمع غير سيرة مهند ونور

بس بجد لقيته مسلسل تافه جدا وما اله اى مغزى

هه

شوفوا وين وصل بينا الحال

طفلة مثل هيك بتحكي مثل هالكلام

ربنا يصلح الحال

تسلموا على المرور

مشكوووووووووووور كتير الك على طرحك للموضوع

ليلة الميلاد كتب:: أنا راح احكي واقعة حصلت معي عشان تكون عبرة للغير ويخلوا بالهم من اطفالهم
أنا منشط في مخيم صيفي ومجموعتي اللي انا مسئول عنها مجموعة بنات
تخيلوا بنت لم تتجاوز سن 12 بتقولي نفسي انام مع مهند مين يصحله واحد زي مهند
طبعا انا فصلتها على الفور من المخيم لكن ماقدرت اوصل لابوها عشان احكيله

اتقـــــوا اللـــه
في بناتكم

لاتعليق ؟؟؟؟

مشكور متمرد علي هذا الطرح الضروري

انا عن نفسي ما بحضر هالمسلسل وبتمني من الأهالي مراقبه أولادهم وبناتهم بهيك شي
والله يهدي الجميع

والله هو مسلسل مدمر ما بتاخد منه عبرة كويسة

والاهم من هيك انها غزة كلها ميتى انها تحضرووووا

الف شكر متمرد على الطرح الرائع

تحياتى لك

طرح فعلا مميز

انا بالنسبة الي ماكنت بدي ارد عالموضوع رغم انه مهم جدا بس لانه لو الواحد بدو يحكي بجد ما رح يقدر يوضح قديش هالتفاهة الي بالناس يالي بتابع هيك تفاهة اصلا
الكل بالبيوت بالجامعة بالمدارس (نور ومهند) ولا شو يالله نفسي اروح تركيا عشان اشوف مهند , بدي اتصور معو , بدي واحد زيوو
شو هادا وين اخلاقنا ووين دينا ؟
بعدين والله لو فيه شي واحد مفيد كان بنحكي
انا من كتر مابسمع حكي وخاصة بالجامعة البنات مهووسين باشي اسمو مهند , حكيت بدي اجرب احضرو مرة , استتفهت حالي اني طاوعتهم

انشالله الله بيصلح الحال , وبيهد الجميع
وكمان نصيحة التلفزيون كلو مش لازم والله , انا وحدة من الناس نسي شو هما القنوات الي جواتو

ربنا يهدينا
ويموت مهند ونفتك من قصته

مشكور المتمرد على الموضوع

والله باسمع عن هذه المسلسل حاجات رهيبه والله هذه المسلسل غير
يدمر بنات كثير فى المستقبل مش عارف ليش العالم متمسكين فيه الى
الدرجه هدى اعوذ بالله

تسلمي اخت رورو

كلامك صحيح مية مية

بس احنا بننظر لمنظور قريب

لازم ننظر للامور من بعيد

يعني زي برنامج ستار اكاديمي

الي قام بعمل هذا البرنامج واحد يهودي

ليش طيب عمله هل هي محبة فينا

وابراز مواهب عربية

ولكن الي بده يشاهد هالبرنامج

بيشوف كيف اخلاق شباب وبنات العرب

كيف في بيت واحد

نفكر مع بعض

وليش مهند ونور

ومشاهد فاضحة

وبدنا نعتبر اكتر نقرا قصة الاخ ليلة الميلاد

الاخ بيشتغل في مخيم صيفي شوفوا شو البنت بتحكي عن مهند

الغرب بيحارب فينا من امور احنا لا نلقى لها بال

المشكلة احنا ما بنتعلم من الغلط

وكتير بنات عندنا في المنتدى خاصة

بيحكوا الي عن مهند

بحس انها بتحكي عن خطيبها

وصور مهند صورة شخصية وعلى الاميل

والله انا اي شخص بيحكي معي على الاميل بطلب منه بسرعة يغير صورتهم

ربنا يصلح الحال

تحياتي

مشكور المتمرد على الموضوع المميز
يمكن الناس اعجبت بالمسلسل كتير لأنو مسلسل اجتماعي وفي بعض العادات متل عاداتنا متل ما حكيت الصوم ورد التحية وفي كتير امور لكن طبعا بيرجع الامر الى التربية والاخلاق
والواحد انو ما ياخد الاشياء السلبية اللي بالمسلسل وكتير في اشياء بيكون مبالغ فيها
وكل شي بالدنيا له ايجابيات وسلبيات والانسان منا لازم ياخد الايجابي منو
يعطيك الف عافية
تقبل مروري
بنت العاصفة فتح

ههه

ضحكتيني انت كتير

يعني انت بتتفرجي عليه

عشان تسمعي رد السلام تاعهم وتشوفيهم كيف بيصوموا

معنى كلامك انو نانسي عجرم وهيف بيصوموا ولا مش مسلمين بدك تحكي

سيبك يا بنت الناس حكيت الكوا انظروا من منظور بعيد

بيكفي الصور البايخة الي في المحلات

بس ها هم بنات اليوم

شب وسيم وان شاء الله يكون صايع المه يكون وسيم

هيك بتكون حياتك حلوة ولا شو رايك

اااااااااااااااااااااااه

بطلنا ندور على الشب العصامي

يمكن حدا بده يسال شو يعني عصامي اسال ابوك وا امك يمكن بيعرف

اصلا بنات اليوم الاغلب وقليل من رحم ربي

لا تخاف على سمعتها

تحياتي

عفوا انت شو قصدك متمرد

شو يعني نحنا ما بنخاف على سمعتنا ؟؟؟

ياريت توضح اوكي

هههههه
ضحكتني اللي بيسمعك بيحكي انك شب عصامي

يسلمو اخي موضوعك هادف جدا

ان شاء الله الكل ياخد العبرة

دمت موفق

تقبل مروري
حنين العمر

ــــــــــــــــ

مسلسل نور هل هو هادف او مدمر ! 94a229e265

بنت العاصفة اول شي يا ريت تغيري اسمك

لانو الاسم ما بيدل على توقيعك

لازم الاسم يكون ملائم للصور اوك

تاني شي انا عصامي والحمد لله

وقصدي على السمعة يعني بنات اليوم غير عن بنات زمان

بنات الموضة

بنات يعني ما في شب الا وبيطلع فيها وهي بتقلد في اللبس تاعها

يعني لما تلبسي لبس اسلامي بتكون محترمة

واي بنت بتلبس لبس محزق وغير شكل

ما بتخاف على سمعتها

لان الناس شغلتهم الوحيدة يحكوا عن الناس

ان شاء الله فهمتي