الجيل القادم حبيـــــــــــــــــــب

موضوع لفت انتباهي واكيد بس تقروا الموضوع هدا راح تتنبهوا لهاي القضية اللي بدي اطرحها

لاحظنا بالفترة الاخيرة انخفاض اسعار شرائح الجوال
والحملات اللي بتنزل معها اشتري جوال ومعو شريحة بسعر خيالي

كمان لاحظنا ظهور كروت فئة 10 شيكل من شركة جوال

كلام حلو واجراء احلى من الشركة
بس اللي لفت انتباهي بشكل كبير
الاطفال بالاعدادية وبالابتدائية
انهم اصبحت نسبة كبيرة منهم يشيلو جوالات
انا بالحارة
بصف سادس معو جوال وطل اليوم مشغلي اغاني حب ولاليسا
اذا احنا الكبار
الجوال ما شلناه الا بعد توجيهي
وكمان لليوم مرات بنغلط باستخدامو
وفي كتير شباب بغلطو مع انهم بسن واعي
والمفروض انهم يميزو بين الصح والغلط
بس انو كمان الاطفال اصبحو يمتلكون جوال
ومش عارف شو
شو اللي بصير
هدا كلو غلط
بكرا والله بصير ابن سادس ولا اولى اعدادي شايل هالجوال وبحكي مع حبيبتو
ولا منزل على فيديو بتفرج عليه
هاي قضية كتير خطيرة حبيت انبهكم الها
كمان في شغلات اكبر من هيك
العمالة راح تنتسر بين الاطفال
كلو غلط اللي بصير

انا طرحت القضية اكيدالها ابعاد
واخطار كبيرة بتهدد مجتمعنا
بتمنى من كل شاب بنت
اذا اخوه طلب جوال تبهو اهاليكم لهاي القضية

لكم مني كل التحية
حازم

لا تحرمونا ردودكم وارائكم

يعد استخدام الأطفال للجوال كارثة أخلاقية، فهو من الناحية الاجتماعية يوسع شبكة علاقات الطفل بصورة مبكرة، والمفروض أن الطفل في هذه السن محكوم بأسرته، وبالتالي امتداده خارج الأسرة يؤدي إلى دخول مؤثرات جديدة في تنشئته قد تضره وتؤثر فيه بالسلب كأن يتلقى عبر الهاتف صورًا ورسائل قد تدفعه إلى بعض الممارسات الخاطئة، وتراوده أفكار تسبق سنه، ما يؤثر في تكوينه الأخلاقي، وبالتالي استخدام الطفل للمحمول يتضمن مجموعة من المخاطر.
ووللأسف بعض الاهالي بيحكوا انو الجولات ضرورية لابنائهم الاطفال لانو بيككون من ناحية الاطمئنان عليهم مش اكتر

لكن هادا اكبر خطأ لان كثرة الاطمئنان على الأطفال من خلال الاتصالات المستمرة يجعلهم في حالة اعتماد دائم على الآخرين، وبالتالي يلغي تفكيرهم ولا يشعرهم بالمسؤولية، وبعد ذلك في مرحلة المراهقة يمكن استغلال االهاتف المحمول استغلالًا سيئًا سواء للولد أو البنت، حيث يتيح له تكوين علاقات غير سوية، وبذلك تكون الأسرة قد قدمت بنفسها أداة الانحراف لأبنائها وتظن أنها بذلك تحميهم منه،

يسلمو كتير اخي

موضوع رائع

ياريت تتقبل تعليقي وردي

تحياتي الك

ملاااااااك

حازم على الموضوع

الخطير

هذا بسبب الاهل وهو تمليك أولادهم هالجوال

بتلاقي الابن كل أصدقائه معاهم جوال

بحكي لوالده لازم يجيب لألو جوال

ولا كان ما بيدرس أو ما بياكل

ويمكن ينتحر كما
queen

ههه

وكذلك الاستخدام الخاطئ للتكنلوجيا في أيدي الاطفال

وشركتنا الحبيبة

بتقدم عروض مغرية للشباب

وتخفيض الاسعار بعد الساعة الثانية ليلاً

ومع ذلك خطر المعاكسات مع ضرب الارقام العشوائية للأسف الشديد

وبتلاقي 10 شرائح جوال في البيت كما

شو بدك أحكي كما

ياااااااا عازف

ربنا يصلح الحال ؟؟؟؟؟؟؟؟؟؟؟؟؟؟

ههه

زالله الجيل القادم بجد كله حبيبة

بتلاقي مع الواحد تلات شرايح يعني تلات جوالات وفي اكتر

والواحد عنده اكتر من ايميل

وطول الوقت قاعدين عالايميلات وملتقيات العشق والحب

يعني ربنا يستر ما تضيع قضيتنا وتندفن مع الي بيدور عالقضية

المفروض يكون توعية وارشادات بس مين بدك توعي

هالوقت هوا يلي بيوعيك مو انتا توعيه هه

تحياتي ليك ومشكور عالموضوع الرائع

.
.
.
.

.
دمت بود

ههه

شو هاد الجيل اللى طالع جديد
queen

فعلا قضية خطير هادي الجولات الي سار كل صغير وكبير معه جوال
يلا مش بعيد اول ما يسير يتكلم الطفل يحكي بدي جوال
بس كل اللوم طبعا بيجي عالاهل والي بيلبوا كل المطالب لاولادهم سواء كان صح او خطأ
وبيكون كمان بدون رقابة من الاهل
لا والابلى من هيك يتلاقي الولد من اول ما يسير بالاعدادية بيفكر حاله كبر وما في حدا زيه ولا حدا بيطول راسه
بعدين هيا القصة مش بس على قد الجولات
ماسار عندك النت والتلفزيون و غير الموضة والتقليد الاعمى باللبس وبكل شيء يعني قص ما الها نهاية وغيره
والله الجيل الي جاي الله يستر منه
يسلمو اخي عازف على موضوعك القيم
وتقبل مروري بكل الاحترام

ه والله بجد جيل حبيب وانا اليوم لاحظت هادي الشي اجانا اخي الي بصف رابع بيحكيلي انواليوم الابلة ضربت ولد من صحابه بحيلو ليش بيحكيلي كاتب اسم و واسم بنت من الي بلصف يعني اسمه يحب هاي البنت
يعني هادا مثل بسيط من ولد عمره لم يتجاوز العشر سنوات
مشكور اخي علي الطرح الرائع
بجد والله مشكلة وبدها الاهل يكونو واعيين ويفهمو اولادهم من هم صغار
شكا علي الطرح
دمت بود
تحياتي,,,,,,,,,

وشو فيها الموبايل ؟؟ حتي للاطفال نورمال جدااااااااا
الموبايل ما بيبوظش اخلاق حد هم اللي بيكون عندهم استعدادات واخلاقهم بتكون بايظة من الاول
احنا سايبن الحاجات التانية اللي بتبوظ اخلاقهم وجايين نمسك في الوبايل
في حامات تانية اهم ياريت نفكر فيها

بصراحة طرح رائع اوي
يسلمووو اليك يا عازف
دمت متألق

ملاك من جنة الحب
يسلمو على المرور المميز
تعليق علمي حلو ومفيد
عزيزتي
كتير على المرور
تحيتي
حازم

هه

السيف الاصيل
مبين عليك بتسمع لراديو مرح كتير

حبيب قلبي
ربي يسعدك
منورني والله كلام حلو
ومعك حق
ليش بالذات سعر المكالمة ما بيرخص الا بعد نصف الليل
للاسف السبب معروف
ربنا يستر من هيك قصص

تحيتي ليك يا مدير

حازم

الجاسر

مشكور على راسي ردك
كلام حلو
يسلمو يا مان
...
..
..
.
حازم

قصة وطن ضايع على المرور
يا عسل منورة والله
........
.....
...
..
.
تحيتي
حازم
..
.

كلام صحيح والاخطار كبيرة راح تكون اكيد

اذا الجيل بدون جوال بعمله اشياء شو بدي احكي صار الواحد عادي عنده كل حاجه مع النت والايميل والجوال

شو باقي يعني خلص مافي شي يخليه يدرس كل يومه اكيد لعب بالجوال او على النت

يسلمووووووووو عازف ياريت الجميع ينتبه

كل التقدير والاحترام

براءة قلب
يسلمو على المرور الحلو والقيم من انسانة مبدعة
كلي احترام اما ردك المييز

اسلام
اختي
هدا شي من اشياء
بكرا تعوقعي يرن جوالك ويرد عليكي ولد بصف رابع ولا خامس ولا باولى اعدادي يحكيلك بحبك
ه
شي طبيعي
لانو لو ضرب اي رقم ممكن تصدف معو ويطلع رقم بنت
يسلمو على المرور

روميسااااااااااااااااااااااااااااااااااااء.........
منورة يا عسل

انا عندي تعليقين
الاول على الرد
كبف ما ببوظ الاخلاق الجوال يعد وسيلة اتصال مباشرة اول اشي
ويعتبر وحدة تخزين خاصة بخزن فيها الطفل اي شي هوا عايزو
يعني لو الطفل فكر بكلمات الاغاني تبعت اليسا الجديدة
عبالي حبيبي
والبسلك الابيض
ههه راح يحاول يطبق هاي الكلمات
ويشوفلو بنت تشاركو هاي المشاعر

اها التعليق التاني
على شكرك
بتشكريني وبتحكيلي طرح رائع اوي
مع انك انتقدتي الموضوع
عموما كل الاحترام لمرورك
ويسلمو على النقد
بعجبني عضو ينتقد مواضيعي
هيك النقاشولا بلاش

عاشقة الحرية
منورة والله اطلالة مميزة
كل الاحترام لمرورك
تحيتي
حازم

انا بعرف اطفال في سنة خامسة ورابعة ابتدائي وشايلين موبايلات
عمري ما شفتهم مشغلين اغاني من الاساس او شفتهم حاطين عليه اي حاجة
هما كل اللي بيحطوه جامس فقط
وخدينوا كانه لعبة مش اكتر

ه
روميساء احترامي الك
الكلام هدا بمصر
عنا لا
حبيبة وما بحطو الا لاليسا
ورومانسيين خالص

والله عنا بالحارة ولد بصف خامس شايل الجوال ومشغل اغاني طول اليوم
اذا هيك بالابتدائية
كيف لما يصل الاعدادية
كل تفكيرهم راح يكون بالحب

نقطة تانية اهم واخطر

هاي طرقة مربحة كتير مع الجواسيس والعملاء
والله خدلك هالجوال
هدية الك
بس قلي هدا وين بروح وهدا وين بييجي
اتمنى تكوني فهمتي قصدي يا روميساء

تحيتي الك

المرح حياتي

نفسي يمسك معي الخط

وعادل غريب

كلاموووووووو لذيذ جداً

والمواضيع رائعة جداً

والحوارات مميزة

هناك مذيعين آخرين أنجبتهم المرح

لكنهم خرجوا منها

مثل / وائل الشيوخي

محمود أقنيبي

أسف على الخروج عن الموضوع

'طرح رائع وقضية تستحق الوقوف عندها

بصراحة اخي عازف عنا بالبيت اخواتي الشباب ما حملوا الموبايل الا بالصف الاول الثانوي ونحنا الصباي بعد التوجيهي هلا بالحارة واولاد اعمامي عم بيحملوا الجوال وهم بالصف الرابع والسادس والخامس مع العلم انه ابائهم من النوع المحافظ جدا
اما بالنسبة لموضوع شركة جوال والتخفيض فهي يعطيها العافية عكروت 10شيكل بس كلنا بنعرف انه شركة مساهمة عامة يعني اي حد بيحب يستثمر امواله ممكن يكون اله حصص واسهم فيها و الله اعلم مين هي اليد الخفية التي تميتل اكتر من تلتين شركة جوال
وكل هاد الحملات والعروض تابعة لسياسة موحدة ومدروسة لجعل الجيل القدام من الشعب الفلسطيني جيل حبيـــ] "first class" متل ما بيقولوا هاد بالاضافة لعصر العولمة والتنتشار التكنولوجيا يلي بتوجه جيلنا نحو البلوتوث والاميلات والبلاك بيري وغيرها ....
بالاضافة لامتحانات الوكالة التعسيرية والسياسة المتبعة في تصعيب الامتحانات فبيصير الطفل بيقولك " كده كده انا مو ناجح بالامتحان لادور على شغلة تانية تخليني راجل قد حالي بالدنيا " فبيتجه من وجهة نظره للجوال والاميلات على اساس انها بتخليه رجال وبتكثر عنا عمالة الاطفال وهلم ....
وبالاخر بتلاقي الجيل يلي بيهتم بفلسطين وقضيتها صار بالستينات ومو قادر يقف على رجليه والجيل الشب الفتي صار عم يكتب فلسطين ويرسمها برسالة s.m.s ويبعتها بالبلوتوث
بس لو انت كاب وابوك وابي وابوها وابوه ونحنا وعيناهم ووقفنا وقلنا لا وكنا حازمين مع اولادنا
ممكن نلاقي فلسطين ونرجعها بدل ما نبحث عنها على الفيس بوك
وتقبل مروري حازم ويسلموا