حبل الكذب طويلولا كيف

تحية طيبة،،

حبل الكذب طويل..
لماذا؟
في البداية دعونا ننظر الى هذا الحوار الذي مر به الجميع:

الشخص: كم هذا؟
البائع: بنختلفش.
الشخص: الله يجيب الي فيه الخير، بس كم؟
البائع: ما تخاف، انتا ازا عجبك خليني الفلك اياه. ومبروك.
الشخص: آه عجبني، بس لازم أعرف السعر مشان أشوف اذا بقدر والا لأ.
البائع : لأ أكيد انا بزبطك، إنتا زبون محل - الزيارة الأولى للمحل -
الشخص: أوكي والله ع راسي
البائع: هاد إنباع بـ 150 شيكل وانا بحسبلك اياه بـ 140 شيكل، وعلي بـ 130
الشخص: لأ كثير هيك انا ما معي هالمبلغ
البائع: والله نهايته 140، يعني محرم علي هالـ 10 شيكل مربح؟
الشخص: لا الله يسامحك، بس ما بتقدر اقل من هيك؟
البائع: انتا كم بدك تدفع؟
الشخص: 120 شيكل ما معي غيرهم
البائع: لا والله هيك صعب يا عمي
الشخص: طيب مشيها هالمرة، ورح أصير زبون محل
البائع: والله هيك ببيع بخسارة، يعني صعب. أنا آسف
الشخص: طيب كم بدك تعطيني اياه؟
البائع: 135 نهايته ولا شيكل أقل.
الشخص: محمود، معك 15 شيكل؟ .... إعطيني اياهم..
البائع: وهي محمود ساعدك
الشخص: إتفضل هي 135 شيكل
البائع: ألف مبروك

بالصدفة هذا الشخص يدخل الى المحل الذي بجانبه، ويسأل عن السلعة نفسها فيسمع :
البائع: هاد راح بـ 30 وبحسبلك اياه من نهايته بـ20 شيكل، أقسم بالله ما حدا أخده أقل من 25
بشرف البنات الصغار وبشرف خواتي وبعرض امي وبشرف مرتي وطلاق من مرتي ثلاث اذا ما هو علي بـ 25 شيكل.


يا حرام....
كلهم يبيعون بخسارة لأجل شخص مر من الطريق...
ما هذا الكذب؟ وما هذه التفاهة التي وصلنا اليها؟؟
ألكي تبيع بشيكل، تضع شرفك على كفك وتشحد عليه؟؟؟

اترك لكم المجال لنقاش شورايكم بالكذب هادا

حبل الكذب جرار
يعنى اله نهاية
اما بالنسبة للبيصير
احنا بندفع وبنشتري اذا كان كذاب فهادا حسابة عند الله
تحياتى