رمضان في غزة !@..!..!.!؟؟؟

مضان برعاية شركة الكهرباء

بس ياشباب بتعرفو انو لازم نشكر شركة الكهربا حدا يقلي ليه ؟؟؟؟!!!
لانو احدي الدول احتفلت بمرور مئة عام دون انقطاع للتيار الكهربائي هذا
حفز القائمين علي شركة الكهربا بغزة انهم يسعو للدخول لموسوعة جينيست
للارقام القياسية , حتي يفتخرو بهذا اللقب , لما نحصل علي هاد الرقم
القياسي طبعا جمعيات اصحاب الرفق بالحيوان بتصير تدافع عنا للاسف اصبحنا
نعامل مثل الحيوانات بجد واقع اليم ان
يصبح حديثنا ليل نهار هو كهرباء بينما الوقود القطري والاسرائيلي يوميا
يدخل علي قطاع غزة لصالح من يتم مفاقمة الازمة اكثر واكثر علي ابواب شهر
رمضان حتي تزيد الشحدة علي هالشعب والي بجننك كمان انو بقطعو الكهربا علي
بيون الناس بحجة عدم دفع الفاتورة حسبي الله ونعم الوكيل بعصابة الكهرباء
وكل من له يد في صنع الازمة وافتعالها كائنا من كان

حسبى الله ونعم والوكيل بشركة الكهرب
وكل واحد اله يد فى قطع التيار الكهرب والله ينتقم منهم يارب

حسبي الله ونعم الوكيل فيهم

والله نشفو ريقنا بكهربتهم

ما بتيجي ربع ما بتقطع

ولسة في رمضان ما رح نشوفها خالص

حسبى الله ونعم الوكيل عليهم
اي والله لما صارت تيجى الكهرباء صرنا نعملها حفلة
نشفوا ريقنا فيها الله يارب ينكب كل واحد اله يد فى هالظلم الى عايشينه
مشكور اخى مدير ومنشىء الملتقى احمد حمدان

الحق مش علي شركة الكهرب الحق علي هالشعب الهامل

لو بس يحرقو مقر واحد لشركة الكهرب شوف كيف راح تتصلح الكهرب

بس مشكلة الناس كل واحد بقول انا شو دخلني

يلا يا اكرم

ابدا انت والشعب كله رح يعمل متلك

ولو الشعب ما عمل شو اسوي

ه

لاما بصيرلك شي

ماانت حمساوي ما تقلق يعني هه

المشكلة مش فى الشركة
المشكلة بدايتها اسرائيل
ونهايتها حماس وفتح

الشمس الساطعة كتب:

لاما بصيرلك شي

ماانت حمساوي ما تقلق يعني هه

ايش دخل حماس بشركة الكهرب

ه

ماحنا عارفين انه حماس مالها دخل بس الوضع السيئ الى احنا فيه سببه اسرائيل ومن ثم حماس وفتح وذلك بسبب انقسامهم وعدم اتفاقهم
بعدين صحيح ياكرم
اي والله لوصرصور مات حيقولوا حماس السبب
ه

كيف حماس ما الها دخل

ما كانت الكهربا عدلة وزي البشر وبعدين

انا بعيني شوفت لما بيجو تبعون الكهرب يقطعو الكهرب بيجيبو الشرطة معهم وبيجو قبل بساعة

وعند لمايجيبوه ما بدورو علينا وبعد بساعتين لما يفكرو يجيبوه

والله انك صادقة انا بنفسى عانيت من قصة قطع الكهربا
وخاصة انهم بيجوا وبيقطعوا علينا من العمود قال عشان مابندفع
ماحنا كنا فى عهد فتح ما بندفع وتراكم علينا وهلقيت جايين يدفعونا بعد ماتراكم علينا الدفع
وبعدين هو بخصموا علينا من الراتب
وبعدين هو احنا بنشوفها الكهرباء عشان ندفع
الله يسامحهم كانوا يقطعوا علينا وانا بدرس للامتحانات وكل امتحانتى كانت ورا بعض وفوق كل هادا وها كان البنزين غالى ومقطوع يعنى حتى البديل ما لقيناه يعنى بجد معاناتنا من الكهربا معاناة شديدة

ههه

صحيح كلامك ياعاصي



ياشمس انا سألت شخص بيشتغل بالشركة قال

الشركة جاهزة بس مشكلت السولار بالقطارة بيدخل

بيدخل كل يوم ما يقارب 500 الف لتر ما عدا السبت والجمعة

والمحطة بدها كل يوم 600 الف لتر

غير في ايام كتير ما بيفوت فيها بالمرة

فالشركة بتضطر تشغل مولد او مولدين من اصل 4

غير هيك السحب في غزة زاد عن قبل كتير بسبب زيادة عدد السكان والمكيفات الي اجتاحت البلد

حل المشكلة انو يدخل عن طريق معبر رفح

اما انو يضل اتكالنا عاليهود فصعب جدا تنحل الكهرب


^______^

من ناحية استهلاك الكهرباء فهدا صحيح يااكرم السحب زاد كتتير خصوصا من المحلات التجارية اذا احنا عنا فى شارعنا فى اقل من شهر افتتحوا اكتر من عشرين محل وطبعا كلهم مزودين بالمكيفات واجهزة تانية طبيعى حيزداد السحب بالاضافة الى سحب البيوت والمعروف انو غزة عندها كثافة سكانية كبيرة

من ناحية استهلاك الكهرباء فهدا صحيح يااكرم السحب زاد كتير خصوصا من المحلات التجارية اذا احنا عنا فى شارعنا فى اقل من شهر افتتحوا اكتر من عشرين محل وطبعا كلهم مزودين بالمكيفات واجهزة تانية طبيعى حيزداد السحب بالاضافة الى سحب البيوت والمعروف انو غزة عندها كثافة سكانية كبيرة

اها بس احنا عرفنا كمان انه فات السولار القطري وبفوت سولار من اسرائيل

يعني مش حجة اونقول حجة المفلس

هما قاصدين شي من قطعهم بس شو هو بالزبط ما بعرف

بس كمان الهم دور لتشتغل المواتير ويبيعوو نسبة بنزين باسعار حلوة لانو الحكومة ماخدة ضريبتها

يعني الها هدف الحكومة برضو مش بس شركة الكهرب

بس ماتنسى ياشموسة انو اول ناس بشغلو الكهرباء عليهم هم المستشفيات عشان المرضى فاحنا لازم نراعى هاد الشى بتعرفى انو احنا خانيونس المفروض الكهرباء ماتنقطع علينا خالص لانه كهربتنا من اسرائيل

بس بياخدوا منا وببعتوا لغزة لانه غزة كهربتها من مولد

وبالنسبة للسولار الى بيجى دعم مابيكفى لانه الناس بتسحب كهربا كتير

فىالنهاية الله يكون بعون الشعب

فى من كلام كرم ياشموسة
صحيح شو مصلحة الحكومة تقطع الكهرباء وخاصة انه مش من مصلحتها تخسر شعبها لانهم حيقومو ضدها

ماشي انا معكم شومصلحة الحكومة والشعب حيقوم عليها

هادا الكلام 100 المية لانه اي حكومة لو عملت هيك رح يقوم شعبها عليها

بس اللي عنا بسير بالزبط انه حكومتنا عارفة انه شو ما عمله فينا ما في حدا حيسترجي يعمل شي ضدهم

لانهم اول باول شغالين وبعاقبو اي حدبعمل شي ضدهم وصاحيين الهم

بس انامش ضد الحكومة لانه بعرف انه هيا برضو عليها ضغطبس هيا من واجبها تساعد الشعب وما تقف ضده

وما تحكيلي هيا مش ضده

لا هى مش واقفة ضد الشعب ياعسوله
ياحبيبتى هى بس الحكاية انها مش قادرة توفر لشعبها العيشة الى كانت عايشها من قبل فى عهد فتح
بصراحة هى قادرة تعيش شعبها احلى عيشة بكلمة وحدة
انها تعترف باسرائيل وهى رافضة الشى هادا
بتعرفى لو بتعترف باسرائيل الحكومات العربية قبل الاجنبية راح تدعمها
بس هاد انا ما بايدها عليها
نعيش الذل ولا نعترف باسرائيل