ظلم المرأة بشكل عام والفلسطينية بشكل خاص


ظلم المرأة/الفتاه ظاهرة مو جديدة علينا بمجتمعنا ولا بكل المجتمعات العربية

بزمن آباءنا وأجدادنا وأجداد اجدادنا...... وحيستمر


أنا واحدة من الناس بتمنى ان هالظاهرة تتلاشى اوبتأمل انو عالاقل انها تخف لكن للاسف على نفس المستوى ضايلة


أول شي:: الزوج بيعامل الزوجة كأنها أداه من غير ما يحس بحقوقها الشرعية حتى الضرب والعنف لحد الان موجود

تاني شي:: قتل الفتاه لردع الشرف!!!!..... كتير بنات انظلمو وتزهق روحهم وبعد القتل يؤكد الطبيب الشرعي ان الفتاه عذراء!!
للعلم صارت مرتين بالحارة الي كنت ساكنه فيها بالاول


تالت شي والاهــــــــــــــــــــــــــــم:::وركزولي كمان على كلمة الاهم لانو اغلب البنات بيعانوا منها
تدخل المجتمع بالبنات بطلعتهم من البيت ولبسهم وطريقة حياتهم ومعيشتهم

بتلاقي الجيران وخصوصااااا تجمعات الرجال الي ع راس الشارع او ما شابه

شوف بنت فلات كيف طالعة
شوف بنت فلان كيف لابسة
شوف بنت فلان طلعت باليوم مرتين

هادي اكتر ظاهرة عن جد مؤذية


شباب سؤالي الكم
===============

لو انت امدير ومنشىء الملتقى احمد حمدان واحد من الحارة وقال ان اختك /بنتك ليش بتلبس هيك وليش بتحط ميك اب

او ليش بتخلوها تشتغل او او او او

شو ممكن تكون رده فعلك؟؟
شو حيكون تصرفك معو وردك عليه؟


بنات سؤالي الكم
======================

لو ابوكي/ اخوكي امدير ومنشىء الملتقى احمد حمداني وقلك ممنوع تطلعي بالبس هاد ممنوع الميك اب
لانو رجال الحارة او شباب الحارة اتدخلو
شو ممكن تكون رده فعلك؟؟؟
كيف تصرفك؟؟

يعطيكم الف عافية
منقووول