إستفسار ضرورى

أنا بدى أحول من تخصصى الفصل الجاى ونفسى أحول إرشاد نفسى بس الكل بحكيلى إبعدى عنه أحسلك وبنصحونى أحول تعليم أساسى بحكولى إنو الإرشاد ما فى إله مجال بالمرة بهالبلد

مزبوط كلامهم اي شى بيضل احسن من الارشاد لانه بالوظيفه ما بياخده الا وحدة لكل مدرسه وكمان بس فى مدارس الحكومه مش الوكاله نصيحتي روحي معلم صف لانه الوكاله محتاجه اكتير والسنه بدها تاخد 300 مدرس لانحا خلت صف تالت مرحله
وعقلك في راسك تعرفي خلاصك

وليش تشوف الموضوع من زاوية وحدة ,,؟؟؟؟

بعدين حكاية الشغل بالمدارس ع بعض التخصصات في مجال تستوعب اكثر من مدرس بنفس التخصص بالمدرسة .. بس ما اله مكان تاني غير التدريس زي الرياضيات والعربي والاجتماعيات وغيره من التخصصات ..

بس مجالنا مفتوح بشكل كبير,,, خاصة بعد الحرب علي غزة ,,,

وجميع مؤسسات المجتمع المدني والمؤسسات الدولية اصبحت تعمل علي برامج الدعم النفسي بالاضافة الي برنامج الرئيسي يلي هو الاغاثة باشكالها ..

يعني اصبحنا جزء من هااي المؤسسات بشغلها .. اذن مجالنا كان وما زال مفتوح وبشكل اكبر من تخصصات اخرى وعن تحدى ؟؟؟!!!

وبحكي هالكلام من ثقة ومو من فراغ لاني مطلع علي شغل المؤسسات ...
ومن سنة ثانية وانا لساتني طالب بشتغل مشاريع لحتي اللحظة وانا ع وشك اكون خلصت ...

وبالاول وبالاخر كل شخص اله وجه نظر بتخصصه ...

تحياتي الك يا عسل وبالتوفيق ..

القرار قرارك ...

تخصص الارشاد النفسي رائع جدا انا خلصت ارشاد نفسي

انا ارشاد وبنصحك انو الارشاد كتير حلو واذاذ الك نصيب تتوظفي راح تتوظفي كل شي وراء النصيب بعدين حتي لو ما توظفتي بيكفي تنجحي بحياتك مع خالص تحياتي وحبي وبعدين الله يوفقق