لمادا تصمت البنت عند معاكستها؟

لنو البنت بدهاش تفضح حالها

اقتباس :

[font]t=Tahoma]. ما الذي يدفع الفتاة الى الصمت عند معاكستها ؟؟؟؟؟؟[/font]

هل هو الخوف ؟؟؟

هل هو الضعف ؟؟؟

ام هو الرضا ؟؟؟
[/center]

أول شي خيتو لميا مشكورة كتير ع الطرح المميز والأروع أيضاً أنه تم طرحه من طرف فتاة وليس شاباً وأنني أري في ذلكـ تحول كبير ونور بلش بالبزوغ من ثنايا المحظور والممنوع وبدت تترسم حدود جديدة لأشيا كتيرة ....
نرجع لموضوعنا , من وجهة نظري بعتقد أنو التلاتة سواا وياللى بيحدد هالشي طبيعة البنت ذاتها ياللى بتتعرض لهالشي وأخلاقها وأشيا كتيرة كتير وأكيد بتعرفوا عن شو بحكي .... بس ما فينا نحكم بهالشي ع الكل لأنو ياللى ببرر سكوت قلة من فتيات اليوم هو الشعور بالرضا للأسف في ظنهم أنهم هيكـ أصبحوا كبار في نظر حالهم وأنهم صاروا قادرين ع تحمل مسئولياتهم وكمان قادرين ع مواجهة أي شي من باب أنهم شافوا كتير وأنهم بهالشي ما راح يخسروا شي ........... للأسف هالعدد بدأ بالزيادة الملحوظة في الأونة الأخيرة ما بعرف شو السبب بس بتمني ألاقي جواب عندكم بحكم أنكم بتختلطوا في جميع الأصناف ( إجتماعيين زيادة مع بني جنسكم ) .....
في مجموعة مو بقليلة كمان بتسكت خوفاً ع هالشي مو لأن الشاب حجتو أقوي بالعكس عند الناس ياللى بتفهم الفتاة حجتها أكبر بكتير .... , لكن الخوف ياللى هون مو خوف من الشاب ذاتو وأنما الخوف من عاقبةهالشي مجتمعياً لأنو متل ما بتعرفو مجتمعنا ما شاء الله عنه ( ثقافة غمض عينكـ وطول لسانكـ ) , من وجهة نظر تانية الخوف من الأهل ذاتهم لأنو كتير من الأهالي ما بتفهموا هالشي هاد علي أنو أضطهاد ... بالعكس بيعتبروه قصور من عند البنت نفسها وإلا ما كان هالشي حصل ( بالأول والأخير راح يلوموها ) .....
بالنسبة لموضوع الضعف , ما بينفع نحكي فيه لأنه هاد نتيجة عادات وقيم صارت مترسخة عند البنت نفسها مهما كانت طريقة التربية , نادراً ما تجد بنت عندها الجرأة المناسبة لتقوم بشي وتكمل فيه لحتي النهاية مو لأنهم ما عندهم الجرأة لهالشي أبداً , لكن منشان المحيطـ ياللي حواليها محسسها بأنها شي قليل مهما طلعت ( البنت للطبيخ لو وصلت المريخ ) بيرجع السبب ثقافة مجتمعية بالصورة الأولي ومن الصعب أنو نغير في ثقافة مجتمع في حين أنو نحنا الشباب عم بنكمل هالمسيرة بالسير علي خطى ياللى سبقونا دون تغيير أقل شي من ياللى عانيناه من هالشي ...............
ما عم بطلب تمرد أنا كل يالى بطلبوو حطو لمساتكم الأخيرة لتوقيف المعاناة ياللى دفعتوها قبل هيكـ لحتي ما يدفعها أبنائكم وبعد هيكـ أحفادكم ......


ختاماً/ بحب أختم بمقولة مشهورة للفرنسي لويس برودوم:
" إن الأقوياء لا يظهرون لنا في مظهر القوة إلا لأنا قد قبلنا الخضوع لهم , وجثونا أمامهم ؛ ولكن إذا نهضنا جميعاً نلنا حريتنا ونجونا من أسرهم "
مع فائق الإحترام والتقدير تقبلوا مروري
S.A.E.N