مين أبونا هالختيار

سمعنا بال خمسة وستين ----- انو الثورة شعلت نار
انطلقت طلقة، طلقة حرة ---- فجرها الفكر المغوار
لبس الجعبة وحط الشارة ---- وحيا اخوانه الثوار
زحف وحمل سلاحه ونيشن ---- واعطى كلمة سر'الدار'
وراح الزلم يجروا المدفع ----- مثل النسر الحط وطار
وعملوا قواعد بالاحراش ----- بجبل القدسي وجبل النار
وهبت ثورة تعلن ثورة ----- ثورة من نور ومن نار
حمل الراية مهندس ثورة ---- بوقتنا نادولوا الختيار
وقالوا أبونا قائد ثورة ---- وتحيا يا رمز الأحرار
وكانت كلمة'عزم وحزم'---- وكانوا ابطال المشوار
أعلنتوا عن حركة امة ---- وشعلة ثورة وانتصار
وصاح الشعب الحر بغزة ---- وبرام الله وجبل النار
كل الأمة براية وحدة ----- من يمين ومن يسار
راية وحدة باسم ثورة---- ثوار من كل الأقطار
من جماعة وشيوعية --- ومن قومية ومن يسار
تجمعن راية وطنية وقضيتهن مركزية ---- القدس عاصمةالأوطان
وصرخ المارد قاد الصرخة ----- نحنا الثوار الأبرار
لا وصاية علينا ابدا ----- ولا بنتدخل بأيا شأن
احنا ثورة للتحرير ---- لا تبعية ولا احسان
صورة ثائر صورة حر ----- لا احتواء من الأخوان
صورة اخلاص الانسان ---- صورة عملاق الأزمان
لابس كفية وعقاله ---- حامل بسلاحه الايمان
قالوا الثائر اسموا ثائر ----- من غزة تبركن بركان
حمل العلم وهندس ثورة ---- كون مجموعة شبان
ورحل بقلمه..رحل بعلمه ----- رحل بعلمه وبالنسيان
اسس حاضر مع رفقاته ---- وحضن الأمة بالاحضان
رفض الذل واسس ثورة ---- وكيب بقلمه اول بيان
بيان الثورة بالدم ---- كان شعاره باول بيان
ثورة ثورة حتى النصر ---- عزيمة فتح بكل مكان
وانطلقت ثورة صواريخ ----- من لبنان ومن عمان
صرخ الشعب العربي كله ---- بالروح بنحمي الاغوار
وسطع برسموا صورة اسموا --- مين ..مين!! ابونا هالختيار
وقال العالم كله بوقتا ---- نحني الهامة لأبو عمار
ومثلو مجموعة الاسود ---- اللي قادوا وشادوا الاسوار
من احمد موسى اللي استشهد --- تا يحمي الدار من العار
وابو جهاد الحامي الثورة ---- والحامل كل الاسرار
وابو اياد الرافض يركع ---- الصانع مصنع من الاحرار
كلهن صاحوا بجملة وحدة -- ما بنتخلى يا صهيون عن شبر بأرض الثوار
يا ابو عمار الصانع ثورة --- واستشهدت بأرض الدار
يرحم دمك يا ابونا ----- انثي يا رمز الأحرار
وصرنا اليوم بثورة عمرا---- شعلة ونرجس من نوار
الأخت بتحمل دمعة وحرقة ---- بتحمل رشاشا بالدار
لتدافع عن شرف الأمة ----- الي نسيت حالها لها المقدار
بنت الفتح الصارت ثورة ----- وانطلقت تحمي الاسوار
بيكفيكي شرف وحرية ---- وكوفية ابو عمار
ثوري..ثوري.. بعزم وقوة ---- ما بنتراجع مهما صار

يسلموو دياتك وسح لسانك