همسة عتاب حائز على وسام الابداع
عدد الرسائل : 4452 العمر : 33 التخصص : تعليم المرحلة الاساسية الاسم الحقيقي : افكر السكن- المدينة : قلعة الجنوب بلدي : احترام قوانين الملتقى : المهنة : المرح يجمعنا : تاريخ التسجيل : 14/09/2008
| موضوع: الله يخليكو الثلاثاء أكتوبر 27, 2009 12:45 pm | |
| تذكير بمساهمة فاتح الموضوع :هادي قصيدة كتبتها بقلمي يوم ما كنت بالتوجيهي
الله يخليكو الغونا شوية من المنهج ......... منهجنا كتير وما في ولا شوية حنية من العربي والجغرافيا للثقافة العلمية إحنا إولادكو وبدنا نخلص من هالسنة يلي زي المية يعني بدكو عباقرة ولا دكاترة ولا علماء ذرة نووية سيبوكو منا وروحوا للفروع العلمية إحنا مساكين , قضايا معاصرة ولغة انجليزية وماشيين شوية شوية الله يخليكو الغونا شوية من المنهج , منهجنا كتير وما في ولا شوية حنية بيكفي قتال ومعاندة قوية أحسن يعني لما نتمني مصيبة من اسرائيل علي غزة أو الضفة الغربية علشان نتريح من وحدة أو ووحدتين مش قضية حسوا فينا بنروح من المدرسة علي الدروس الخصوصية مش عيب في بعض المدرسين إصحاب الكفاءة العلمية لاء , عيب في عقولنا يلي وشتوها ضجة إقتتالات داخلية هذا علي الساحة السياسية وبالنسبة لعقولنا علي الساحة البيتية فهية مليانة عدس وملوخية الله يخليكوا الغونا شوية من المنهج يلي راح يموتنا قبل امتحاناتنا النهائية يا إصحاب القرار يلي في غزة وكمان بالضفة الغربية عملنا كتير بس مش راضيين تلغونا ولا وحدة علي الأقلية وكل يون ع النت بنفتح وزارة التربية والتعليم العالي في الضفة الغربية يحرام مساكين بنستنا في خبر يفرح عقولنا المليانة معلومات مش زي المية يعني بتعاندوا في بعض واحنا تحت الرجلين ما النا غير رب البشرية لا دعاء خلينا ولا حتي أغنية دعينا وقلنا يا رب ارحمنا من هالايدين المتوحشة يلي بدها عباقرة علمية محدش سمعنا فضطرينا نغنيلهم أغنية قلنا فيها للوزيرة لميس العلمي يلي ع الراس والعين مرفوعة بقيمة كتير عالية وقوية
ليه تصحيني في وسط الجنة بنار نار ودموع كنت ارحمني وسيبني شوية أعيش أعيش مخدوع جباااااااااااااااااااااااااااار بس ما ردوا علينا وراحو قطعوا رواتب الموظفين بحجة انتمائاتهم السياسية يا كبار يلي بتفهمو حماس ولا فتح ولا شعبية بدنا نخلص السنة قبل ما نموت جلطة قلبية يا لميس العلمي يا وزيرة التربية والتعليم في الضفة وعزة الأبية يعني بدك نقول مصائب قوم عند قوم فوائده ونتمني مصيبة من اسرائيل علي غزة أو الضفة الغربية ؟؟ طب مصايب اسرائيل مش بتخلص , شو بدك ايانا نعمل , نموت يعني ذبحة صدرية حرام عليكو مرضتونا ويلي معوش جلطه معاه نزلة معوية الله يخليكوا الغونا شوية من موادنا الادبية أي شي بس نحس براحة نفسية وخاصة في ساعة الصفر الأخرانية من الصبح لليل واحنا بنقرا للامتحانات النصفية يا عيني علينا كيف بدنا نخلص في النهائية اسرائيل قاطعة الكهربا والمية وانشالله تقطع نفس كل واحد ما عندوا احساس بطلاب الثانوية قالو ما في بنزين + مافي سيارات =رسوب أكيد هالسنة يلي مش منتهية بتعلمونا كتير حجات عن الديمقراطية , بس وين تطبيقها عل الأرض الواقعية قالو القرار مش من غزة , القرار بيجي من الضفة الغربية قلنا لو ما في حدود سياسية كان زحفنا للضفة الغربية بس حتي لو ما في هالحدود , يظهر انو الكبار في مؤتمراتهم الدولية والصغار لازم يدرسوا ميشان ينجحوا في امتحاناتهم النهائية تعب القلم وهوة يكتب الله يخليكوا الغونا شوية من منهاج الثانوية في الأخر مش همضي اسمي وهكون مجهولة الهوية بالنسبة للكبار علي الأقلية لحسن يسقطوني في امتحاناتي النهائية ويقولوا قرصة دان للي بدو يعارض الشرعية أو حتي مناهج الثانوية وقبل ما اختم أحب أوصللكوا تحية إخواتي في الابتدائية والاعدادية يلي جون كنج مش راحمهم من امتحناتهم التمييزية وبيقولولكوا امتحانات صعبة للابتدائية والاعداديو والثانوية والنتيجة :- جيل فاشل مش هيخدم بلده خدمه قوية
| |
|