طريقة سلطة غزاوية

مقدمة:

أهل غزة مشهورين بالفلفل .. وأكيد ما في طبخة أو أكلة إلا و في تركيبها الأساسي الفلفل .. و عرفوا على مر العصور بمحبتهم الكبيرة للفلفل وانفتاح شهيتهم لأكل الفلفل مع أي طعام .. وفي ناس إلهم خاطر ياكلوا مع الحلويات فلفل ..

السلطات:
من أنواع السلطات اللي انشهرت في العالم .. مثل السلطة التركية والسلطة المصرية والسلطة الغزاوية .. وأنواع تانية زي سلطة الطحينة وسلطة الملفوف وسلطة المايونيز .. .. وهي توضع على السفرة لفتح الشهية

طريقة عمل الدقة الغزاوية المشهورة ..
الدَقة << بفتح الدال .. ومشتقة من دق يدق دقاً .. دوق دوق دوق طريقة سلطة غزاوية Drv0000

أو بمعنى آخر ..

السلطة الغزاوية

قبل كل اشي بدك زبدية
أكيد ما في بيت فلسطين بيخلى من الزبدية الفخار..

واللي في غزة أكيد كل بيت فيه أقل شي زبديتين تلاتة ..
..
وللناس اللي ما عندها زبدية إحنا مستعدين نبعتلهم على البريد السريع زبدية
بس هما يتحملوا تكاليف النقل

وللي ما بعرفوا شكل الزبدية هي صورتها ..

وكمان مطلوب مدقة خشب..
مدقة حديدة ما بتنفع
مدقة عضم ما بتنفع
مدقة بلاستيك ما بتنفع

..

.. هي صورة المدقة ..

ولما نجمعهم مع بعض الزبدية والمدقة

مكونات الدقة..

أول وأهم عنصر من مكونات الدقة هوة الفلفل..
احنا بنحبها عبارة عن فلفل بطعم السلطة
بنحطش أقل من 10 قرون فلفل ..
طبعاً الفلفل على حسب الرغبة .. مش شرط يعني عشر قرون فلفل.. بس أكيد من دون فلفل ما بتزبط ..

وأكيد من مكونات الدقة البندورة ..
بكفي 3 حبات على الـ 10 قرون الفلفل .. أو برضو على حسب الرغبة

بصلة صغيرة أو نص بصلة وسط أو ربع بصلة كبيرة

معلقة عين جرادة ..

معلقة ملح..

زيت زتون..

جبنة بيضا .. للتزيين .. وممكن نستغني عنها..

زتون حب .. حسب الرغبة..

طريقة التحضير

يقطع الفلفل في الزبدية قطعاً صغيرة بس مش كتير بالسكينة طبعاً..

وبعدين بنحط معلقة الملح ..

وبعدين معلقة عين جرادة

وبنقطع البصلة إرباً إرباً ..

وبنمسك المدقة وبنبدا ندق ..

طريقة سلطة غزاوية Biggrin

وبنستمر في الدق ..

.. دق دق ..

تعبتوا من الدق ..
لسة استمروا .. لحد ما يندق الفلفل والبصل كويس..

هلقيت بنقطع البندورة فوق الفلفل ..

وبنكمل مسيرة الدق ..

وكمان ندق ..

دق لحد ما تندق البندورة كويس مع الفلفل والبصل .. يعني البندورة بدها شوية هدوء في الدق وشوية تفغيص

و حسب الرغبة بنفرك الجبنة البيضا فوق الدقة ..
مش واحد يجيبلي جبنة فيتا ولا جبنة البقرات التلاتة اللي في الكرتون .. ما بتنفع
بتجيب جبنة بيضا بلدية..

وبنحط زيت الزتون ...

منظر الزبدية في الآخر..

وبتتاكل بالخبز طبعاً مش بالمعلقة وولا بالشوكة والسكينة كمان
مع شوية زتون ..
..

طريقة الأكل

بتقسم الرغيف.. وبتبدا الهجوم..
تغرف .. تغرف .. لحد ما تخلص الزبدية .. وتصير تلحوس فيها ..

أنظر الصور

وبالآخر بقولكم ..

بالهنا والشفا ..

ههه
احنا بنحبها عبارة عن فلفل بطعم السلطة
بنحطش أقل من 10 قرون فلفل
بكفي 3 حبات على الـ 10 قرون الفلفل .

مشكور اخي على الطريقة
بس شكلك ناوي تاكلنا فلفل
ربي Question

ههه
هاي احلى شي
يسلمو على سرقة الموضوع

انا من محبين السلطه والفلفل
يعني ما فيه أكله غير امى تحطلى فيها 6 قرون فلفل
وانا مابمزح بتكلم بجد
وفى رمضان ما بركز غير على السلطه
لانو ابوي بيعمل سلطه كثير بتشهى
حتى بعض الجيران بجيبو الزبديه لابوي يعمللهم
queen

ه
شاطىء الذكريات
يعطيك العافيه
وتم تقييم موضوعك بس علشان الفلفل
رشدىا

لك لك لك فلفل ما بحبوووووو بس نغسى آكلووووووو بس حريقةة

او بعدين لشو هالفضايح هى ال 10 قرون والله من ربع القرن بموووووت

يسلمووووووووو كتير الك ع الطريقة بس بتعرف ما بحب الفلفل بس شكل الزبديةةةةة مررررررررررة خطير بالآآآآآ خر

تقبل مروري

انا قريت الموضوع ورحت اشرب مية ساقعة

فما بالك لو اكلت من السلطة
وبعدين هيك عملت السلطة واكلتها لحالك طيب اعزم
خلنا نشوف شغلك كيف

هه

هاد طريقة عملها بالتفصيل الممل

حتى اكلها جايب صورها

هه

يسلموو على الطريقة

يسلمووووا علي الطريقة

Question

اخي وبارك الله فيك زجزاك الله كل خير

هيك السلطات ولا بلاش ؟؟؟
queen

هه

مشكورة اخت شاطئ الذكريات والله سلطة روعة

هي السلطات ولا بلاش

غزاوية

» طريقة عمل سلطة الدجاج والبطاطس
» طريقة عمل سلطة الأرز والخضراوات
» طريقة فلسطينية زكية للشواء طريقة ام اختراع ؟
» نكت غزاوية
» بنت غزاوية