لو كنت غاضب من شخص وقابلك بابتسامة ماذا تفعل؟؟؟؟؟؟؟؟؟

حبيت اخذ رايكم بموضوع في بعض مواقف حياتنا

قد لا تخلو حياتنا من الخلافات الشخصية

ولو في وجهات النظر فقد يختلف حتى العلماء !

ولكن السؤال الذي يطرح نفسه !
لو أساء إليك شخص ما فغضبت منه غضبا شديداً
وأصبحت مهيأ نفسياً لمعاقبة هذا الشخص متى سمحت لك الفرصة

ولكنك فوجئت بأن هذا الشخص لا يعلم بأنه قد أساء إليك او انة نسي ذلك الموقف ولايعلم انك مازلت تفكر بة لتنتقم منة؟

وأنك غاضب منه ؟

بل قابلك بابتسامة بريئة وضمك إلى صدره !

فماذا تفعل حينها ؟

والله الموقف كتير صعب
وبصراحة انا لما أزعل من شخص
خلص بيطلع من قلبي وبأكرهه
بس بعد فترة قلبي بحن
لأني ما بحب الزعل
فإذا ابتسم اللي خلص راح انسى
وبتسم إله
بس هدا بيرجع للموقف اللي عمله معي
إذا كان الموقف بيستحق اني اسامحه راح اسامحه
بس إزا ما بيستحق راح اعاتبه وراح احاول ابعد عنه
هدا ازا ما فكرت انتقم منه

بنت الختيار
موضوعك كتير حلو والموقف كتير صعب
تسلمي ع الموضوع المميز
دائما مميزة في انتقائك وطرحك
دمتِ هكذا
تحياتي ليكِ

والله موقف فعلا صعب
وانا بجد لما اى حد يعمل فيا موقف وادايق كتير
بلكد زى شريحة الجوال
وبكون لا يمكن الوصول حاليا
وساعات بحس حالى مو طايقة حالى ولا الشخص الى عمل فيا الموقف
البايخ والفصل البايخ
وحصلت معى فعلا وكانت من اخويا
بس ازا اجى واعتزر لالى وضحكلى
والله بحن وبعيط عليه وعلى حالى
وبصالحه
وعلى حسب نوعية الموقف
يعنى في تفاوت بالدرجات
في المواقف
بنت الختيار
يسلمو على الموضوع الرائع
تحيــــــــــــــتاتى

أحمد .... قلب أدمته الجراح

مشكورين عل الاعتراف اللذيذ متلكو

تقبلوا فائق احترامي

بالنسبة الي ... اذا صار معي موقف متل هيك ( وهو فعلا بصير وكتير )

اذا كان شخص عزيز كتير على قلبي وعمل معي زي هيك مواقف بسير اكل في حالي اكل

وبسير اهري في نفسي بس والله ولا حاجة من هاد الشعور بطلعه برة ولو حتى بكلمة

ما بحب اجرح الناس اللي بحبهم حتى ولو جرحوني

واذا قابلوني بابتسامة ممكن اتجاوب معاهم ... بس هادا والله كله برة برة

بيعرفوش شو المخبى جوا

أخخخخخخخخخخخخخخخخخخخخخخخخخخخ

(هاد اذا كانو كتير كتير قراب مني )

.............

(اما اذا كان اي حدا تاني )

الله لا يوريكم شو بسوي فيه .... والله بتشفى فيه

حتى ولو قابلني بابتسامة

بس مع مرور الوقت ممكن اسامح

وهاد كله حسب الموقف

واذا لقيت حالي بجد مخنوقة بروح لاقرب شخص الي بالبيت (اختي )

وبحكيلها كل اشي