ماذا يعني صمت الفتاة عند التحرش بها

السـلامـ عليـكمـ ورحمـة الله وبركاتــة

*********

اليوم عندي لكـم موضـوع لطالما تبـادر إلـى اذهان الجميـع وكثُـرت التساؤلات ....

لمـاذا تصمــت الفتــاة عنــد التحــرش بهــا ؟؟؟!!!!
ســؤال
يحتــاج إلـــى إجـــابـــه ....قصـص كثيــرهـ ... تـوضـح صحـة هـذا الأمــر

ومهمـا كـان نـوع التحـرش فـإن الصمـت يكـون سيـد المـوقـف !!!

هـل هــو خـوف أم ضعـف أم رضــا ؟!!!

فتـاة تحـرش بهـا ابـن عمهـا او قريبها فـرفضـت إخبـار أهلهـا بـالأمـر ؟!!!

وأخـرى تـأتيهـا مكـالمـات ورسائـل مـن شخـص لا تعـرفـه فـرفضـت إخبـار أحـد بـالأمـر ؟!!!

وأخرى تحرش بها احد الجيران بنظراته او بالسيارة او ابتسم لها

وغيره وغيره من طرق التحرش التي لا استطيع ان اكتبها لعدم جرئتي

ســؤالـي
هنـــــــــــا

مـا الـذي يـدفـع الفتـاة للصمـت عنـد التحـرش بهـا ؟!!!

هـل هـو الخــــــوف ؟؟؟!!!

أم

الضعــــــــــــــــف ؟؟؟!!!

أم

الـرضـــــــــــــــا ؟؟؟!!!

أرجو التكلم عن الموضوع بشكل عام

وأخذ الموضوع بشكل جدي

دمتـــم أخــوتي سالميـــن

الحمد لله فى مجتمعنا مابتصير قصص التحرش
بعالله مجتمعات تانية عندهم التحرش حاجةعادية
ممكن يكون صمتها ضعف وخوف ورضا
ممكن تكون خايفة تقول لأهلها لانو الموضوع مش سهل
بس انا حاجة مقتنعة بيها انو البنت المحترمة بتفرض على الكل يحترمها
وبالتالى بتحافظ على نفسها انها تتعرض لهيك شغلات
اما البنت الى بتقصد تلفت نظر الشاب بلبسها المغرى اكيد هتكون عرضة للتحرش
فكل بنت لازم تحترس من هيك شغلات تحاول تبعد عن المناطق المختلطة والمزدحمة بالناس
وتلبس لبس محترم وتمشى مشى محترم
يسلمو كاتم على طرحك الرائع
موضوع بيستاهل النقاش
تحياتى ليك

اوك انا حبيت اوضح هالاشي بس

ما تاخدوا كلمة التحرش بمعنى انه يغتصبها او اشي

يعني متلا زي ما حكيت نظرات او ابتسامة

او يبعت الها مسجات او يتصل بيها

او يقعد جنبها بالسيارة ويلصق فيها

كا هاد تحرشات

فاكيد بتحصل في بلدنا كتير

كيف ما بتحصل يا اخت فتحاوية

وشكلك انتي عاشقة الربيع

نورتي الموضوع

وياريت اشوف الك رد تاني

وتفهمي معنى التحرش اللي انا بأقصده

سلامي الك

انا كنت فاهمة الموضوع بطريقة تانية
على العموم مشكور على التوضيح

طيب شو رأيك بعد التوضيح

موضوع مش حابة اتعمق فيه
لانو نادرا لما تلاقى شب مابيعمل هيك
اغلبية الشباب بيعملو هيك وانا شفت بعينى
بس البنت تاخد بالها وتحاول انها ماتتعرض لأى نوع من انواع التحرش
ممكن يكون بداية التحرش بابتسامة لكن بعد هيك هتكون المصيبة
بس كل بنت تخاف على حالها لانو فى زمنا مافيه امان
تبعد عن الشبهات
بدى اترك الفرصة لغيرى يحكو رائيهم لانو موضوع بدو نقاش

اخ كاتم

يسلموا دياتك على هالموضوع المثير للجدل والنقاش
عنا بالبلد غالبا بياخدو صمت البنت على هيك مواشيع وشغلات بانه رضا منها
بس هاي مو هي كل الحقيقة
احيانا بتكون عندها الامور بالبيت اصعب من انها تبوح بيلي بيصير معها ممكن لعدم تقبل الاهل
أو عصبيتهم الزايدة عن اللزوم
وبعدين عنا معظم الاهالي بس تحكي لهم بنتهم انه في حد عم بيعاكسها بالمعنى يلي طرحته
بيبدأو يشكوا ببنتهم مو لانهم مو واثقين فيها لاء يمكن لانهم مو واثقين بالمجتمع والناس حواليها
وخاصة بعد القصص يلي عم نسمعها عن تحرش الاقارب
شغلة تانية
بالنسبة لمعاكسات الجوال
بالاغلب الاهل بيقولوا للبنت سكري جوالك لما تصلها هيك معاكسات او بيتصرفوا تصرف ممكن يسبب مشاكل كبيرة بين عائلاتولسخرية القدر
أحيانا بيقولوا انه البنت السبب بهالمشكلة وبيخافوا يتكلموا لتصير فضيحة والبنت تعنس وما تتجوز
بتصير بنظر الناس بدل ما هي مظلومة لاء ظالمة وعليها الحق
فهي بتختصر الطريق وبتسكت تجنبا للمشاكل
بس هاد مو صح ابدا
لو كل وحدة منا عملت هيك راح نصير بغابة
وما راح ناخد حقنا
ابدا
لهيك انا بافضل الصراحة المطلقة بين البنت والاهل بهيك شغلات ولو الاب ما بيتفهم الموضوع منيح ممكن البنت تحكي مع امها والام بتعرف كيف تفهم الاب
تحياتي ليك يا كاتم على موضوعك وتقبل مروري

فتحاوية اصيلة

سعدت بحضورك

تسلمي على مناقشتك للموضوع

ياريت كل عضو بيدخل وبيحكي رايه

يحكي شو الحل لتجنب الوقع في هيك قصص

وهل يجب ان تخبر البنت اهلها بكل صغيرة وكبيرة تحصل معها

اخت ايه

كلامك عين العقل

وكلامك حلوو كتير ومقنع

سعدت بحضورك وبكلامك اللي بيدل على

عقلك الكبير

سعدت بحضورك وبمناقشتك

وحروفي لا تصفك

تحياتي واحترامي لشخصك

الموضوع كتير ر ائع وبجد يستحق النقاش

طبعا هاي الاشياء بتصير كتير
انا بعتبر هاى الفتاه مو ضعيفة ولا رضا لاء
انا بعتبر هاي الحالة بتكون خايفة
لانو لو بدها تروح تحكي لأهلها
راح يصير مشاكل كتيرة وكبيرة
وطبعا البنت بدها تتجنب هاي المشاكل
وما بدها يصير مشاكل بسببها
بس برضوا ما تضلها ساكته للي بيتحركش فيها
انا بفضل انها تحكي لأمها او لأخوها بس يكون اخوها متفاهم ومو عصبي
بدك الصراحة
وانا كمان بفضل انو البنت تكون صريحة مع اهلها يعني
ما تضلها ساكتة للي بيصير معها
لازم تخبر حدا من اهلها حتي يتصرف
هادا لو انو الاهل ما راح يسكتوا وراح يعملوا مشاكل
عن جد هاى مشكلة كبيبرة كتير بمجتمعنا
وفي بنات كتير بيصير معهم هيك موقف بس ما بيرضوا يحكوا لأهلهم
وبحكوا انو ليش نحكي لأهلنا يعني بدنا يصير مشاكل من ورا روسنا
انا لو صارت معى هاى المشلكة اكيد راح أحكي لأاهلي لانو ما لازم
أضلني ساكتة على الي بيصير معي
وكما بالنسبة لمعاكسات الجووال هاى كمان منتشرة كتير عنا
وانا بفضل من كل بنت انو ما ترد على الرقم الغريب
يعني تخلى اخوها او ابوها يرد على الجوال
لأنو لو البنت الي رددت أكيد راح يعلق عليها
وراح يضلوا دايما يتصل فيها ويغلبها بالمعاكسات
انا بفضل انو تتجنب هاى المشاكل كلها وما ترد على الرقم الي ما بتعرفوا
وتخلي حدا من اهلها يرد على الرقم
أنا بفضل انو البنت تكون صريحة مع أهلها

كاتم الاحزان

عن جد موضع كتير قيم

موضوع كتير رائع وبجد انو بيستحق النقاش

لانو بصراحة هاي الحالة منتشرة حاليا بمجتمعنا

يعطيك الف عافية

احترامي الك

شمس الاصيل

شمس الاصيل

كلامك كتير حلو ومقنع

تسلمي على حضورك الحلو
وعلى ابداء رأيك

نورتي الموضوع بحضور قلمك

تحياتي ليك

موضوع واقعي بستحق التعليق عليه
من رائي بشوف انه صمت البنت بجتمع فيه الحالات التلاتة خوف , وضعف , ورضا بشكل نادر
اول شي بالنسبة للخوف البنت لما تتعرض لاي نوع من التحرش ولاكثر من مرة ممكن تخاف تحكي لاهلها وخصوصا انه طبيعة مجتعنا وعقليته كتير صعبة ونادر لما تلاقي حد بتفهم البنت يعني ممكن يجيبوا بالاخر الحق عالبنت والبنت مالها ذنب واكيد راح يترتب اجراء سلبي على البنت بذنب ما ارتكبته فالبنت بتفضل تسكت وماتحكي لاهلها .
وممكن يكون ضعف يعني تقريبا نفس الخوف ممكن البنت تكون شخصيتها ضعيفة مابتمتلك الجراة انها تصارح اهلها بشو بصير معها وبتفضل الصمت كمان بهاي الحالة .
وبالنسبة للرضا اكيد في بنات كتار بعجبهم حركات الشباب وتحركشهم فيهم واكيد الشباب ما بتحرشوا فيهم من فراغ الا اذا كان في سبب بدفعهم للتحرش والبنات ماشاء الله عنهم بلاش نحكي خلينا ساكتين احسن لاني اوقات بحس انه البنات ارذل من الشباب .
يعني البنت عاجبها اللي بصير وموافقه عليه فالشو البنت تخبر اهلها
والافضل انه البنت تكون خاضعة لرقابة من اهلها وكل بنت شو بصير معها تخبر اهلها فيه حتى لو كان شي تافه ما بستاهل المهم الاهل يكون عندهم علم لانه اولاد الحرام كتار .
ولو كان ابوها او اخوها عقليته صعبة تحكي لامها لاختها لاي حد يعني .
وربنا يهدي بناتنا وشبابنا يارب
بتشكرك خيي كاتم الاحزان لطرحك

تحياتي

مـا الـذي يـدفـع الفتـاة للصمـت عنـد التحـرش بهـا ؟!!!

ممكن ما تحكى الفتاة لاسباب اول شبب الخوف بتكون خايفة انو هاد يسئ لسمعتها او سمعة اهلها

والخوف من مجتمعها اللى ما برحم وما بسيب البنت فى حالها وخوف من اهلها انو يصير فيهم شى من هاد المصيبة
وانا بأيد الصمت فى هيك حالات لانو اللى تكسر ما بتصلح والبنت زى الزجاج ازا انكسر ما بنقدر نرجع مثل اول ممكن نصلحه بس بيضل أثر لانكسار
من وجهة نظرى لو حكت حتخسر اهلها وتخسر سمعتها ..فاضل ساكتة افضل علشانها وعلشان اهلها ولانو اللى راح مات

وكمان شى ممكن تسكت علشان ضعفها يعنى قلة جرائة فيها ما عندها الجرأة لتحكى لاهلها وتواجه مجتمعها للى ما بحرم وكمان شى ممكن يكون صمتها خوف من اهلها يعنى يكون اهلها من النوع العصبى الزايد عن حده فيقتلوها ويحكى انو نظفو عارهم يعنى تموت وهى مش مذنبة ما الها دخل باى شى صار لالها

يسلمو كاتم على الموضوع

سيرة الحب

تسلمي على حضورك الحلوو

وعلى مناقشتك الراائعة

كلامك بصراحة كتير اعجبني

ورأيك كتير حلوو
سعدت بحضورك لهدا الموضوع

وشرفني ردك عليه

تحياتي ليكِ

عاشقة الكوفية

انا شايف من ردك انك كبرتي الموضوع كتير

يا إما ماقرأتي الموضوع كويس

ليه توصل للقتل ومسح العاار ومش شو

القصة مش مستااهلة

حكيت الك المقصود بالتحرش بيها

يعني حدا يعاكسها من الجيران

حدا يبعت ليها مسج او يتصل عليها ويعاكسها على الجوال

او حدا يقعد جنبها بالسيارة ويتحرش بيها وهو قاعد جنبها

يعني زي هيك فهمتي قصدي

يعني مش محتاجة قتل ومسح عاار
وياريت ما حدا يكبر الموضوع ويفهم المقصود بالتحرش كويس

وعادي يعني متلا حدا من الجيران شافك وعاكسك او ابتسم الك
في بنات مش راح يحكوا لاهاليهم
هل هدا خوف أم ضعف أم رضا

او ازا حدا من اقاربك اتصل على رقمك وعاكسك
شو السبب من عدم حكي الفتاة لأهلها

هدا كان المقصود بموضوعي

بانتظار ردودكم

أسفة كاتم بس شكلى فوتت المواضيع ببعض انا قصدت شى تانى

بس حابة اجاوبك على سؤالك

الفتاة بتسكت على هيك شغلات خوف من اهلها لانو فى اهالى بيحكو من وجهة نظرهم اكيد البنت ما عطياه وجه منيح علشان هيك بيعاكسها وبكلامها
فلتحفظ سمعتها اضلساكتة
بس لو استمرت هاد الشغلات لازم تحكى لو شو ما صار

لانو مش حلوة لما البنت وين ما تروح واحد بيعاالله فيها الناس حتصير تحكى وتزيد توابل على الاكلة من دون ما تفهم القصة
فلازم البنت تتوجه لواحد فهمان وواعى يقدر يفهمها
ويحكى مع الشب
وكمان شى بدى احكيلك اياه بابا كان يحكيلنا ازا واحد عاكسنا ما نهتم لالنا ولا نغلط عليه ولا شى انضل ماشين ولا كأنا شفنا شى او سمعنا شى لانو الشب لما يعاالله بيكون هدفه انو البنت ترد عليه او تشتمه علشان يحكى معها اما لو طنشته ما راح يصير شى

يسلمو على الموضوع

بتمنى انو جوابى يكون وصل؟

ايوه هيك ردك صار احلى queen

ههه

عاشقة الكوفية

تاسلمي ع الحضور الحلوو

نورتي الموضوع بتواجدك وبنقاشك الحلوو

ربي يسعدك ويوفقك ويحميكِ

تحياتي واحترامي ليكِ

موضوع حلو يا كاتم الاحزان

وصمت الفتاة دليل على بعد من الأهل

فلو كانت ذات علاقة صراحة و حوار بين اهلها لما

صمتت فهي بالنهاية ضحية فلم الخوف و الضعف

تحيتي

اولا
شكر خاص للاخ كاتم الاحزان
فعلا موضوع يستحق النقاش
كلنا نعلم ما معنا كلمة تحرش ونعرف حدودها العليا والدنيا فلو قسمنا التحرش الى ثلاث انواع يتكون التالي
تحرش دون لمس
وترحرش باللمس
وتحرش ما بعد اللمس وهذا ليس بموضوعنا
مقدمه بسيطة حابب اوضحها طبعا لما نحكي كلمة تحرش او تمر على مسمع من احد على طول بيخطر على باللك انوا شاب تحرش في بنت
ركزوا على الجملة هذة
شاب تحرش في بنت وليس بنت تحرشت في شاب
عملية التحرش عند البنت او عند الفتاه لا تاتي لها الى اذا تعدت سن العاشرة قد تكون في هذة المرحلة ناضجة جسديا وليس فكريا
اذا مفهوم التحرش لدى فتاه تبلغ من السن عشرة اعوام حتى ثلاثة عشر غير واضح وفي هذا السن يزداد نموها وتصبح في خجل من ان تحكي للاهل بشيء
بعد المرحلة هذة يتكون عندها النوعين الثانيين هوة الخوف او الرضا
الرضا بعد عدت محاولات من التحرش تصبح الفتاه ( ونعلم انها وصلت سن المراهقة وهي بحاجة لان تكتشف هذا العالم فتعتبر عملية اللمس او الابتسامة او الغمزة او النظرة مجرد امور عابرة تمر مع مرور الزمن وهنا الغلط لانه لا يوجد توعية من الاهل وخاصة الام
بعد الكبر تحس البنت انها اصبحت تعرف الكثير فتعرف متى ترفض ومتى تقبل بالتحرش وعند رفضها ويصبح حاجز الخوف من الاهل لانها تريد اخبارهم ولاكن الاسئلة الكثيرة من الاهل تمنعها يعني
انتي من امتى بحكيلك هيك
او من امتى بتكلم معك او شو عملك او شو سوالك
وخوفها من تكبير المشكلة
وفي اغلب الاحيان تتهم البنت بانها هي السبب في هذة المشكلة
لو رجعنا الي اول جملة الشب هوة الذي يتحرش بالبنت
يعني البنت ما الها ذنب لانوا لو سابها لحالها كان ما صار شي اسموا تحرش
ولكن الاهل دائما يلموون البنت ويقفون ضدها في هذة المشاكل
فتبدا البنت باخذ قرار عدم الافصاح للاهل بذلك وتبدا تحاول تجنب وضوح او وقوع اي مشكلة كي لا يعلم بها الاهل
لان البنت في مجتمعنا بعد 17 عام تصبح جاهزة للزواج
اختصارا للحديث
البنت غير ملامه في ذلك ولكن الاهل وخاصة الام هي الملامه الاول والاخير
لان البنت بعد سن العاشرة تحتاج الى توعية وارشاد وليس بنهي وامر فقط دون معرفة السبب
ومراقبة البنت في هذة المرحلة ضرورية جدا لان مميزات العصر كثيرة منها المجلات والتلفاز والانترنت والجوال وغيرها كثير فاصبحت معرفة المعلومات والكمية الهائلة منها تصل الى اي شخص بسرع فيجب على الاهل ايضا ضخ كمية موازية من هذة المعلومات لتصحيحها
وليس بجملة هذا حرام او هذا حلال
والوقوف عن هذا الحد
ممكن اي شخص يقرا الموضوع هذا وخصوصا من البنات وقد مرت بهذة التجربة ولكن لا تبلغ بها احد
ولكن سوالي للبنات لو الشخص الي تحرش فيكي وقف امامك في يوم من الايام وما اخذ جزائوا بتقدري اتحطي عينك بعينوا
بتمنى من كل بنت انها اتعاقب اي شب على هذة الغلط
مش انتي اتروحي اتلمي بنات الحارة وتضربي
لا احكي للي اكبر منك اخبرتهم بالحياة بعرفوا يتصرفوا
تحياتي للجميع
واتمنى ستر الله على جميع البنات
هذا ردي على موضوعك يا كاتم الاحزان
و مرة اخرى

مسالخير يا اعضاء منتدى جامعة الاقصى

ويسلكو كتير اخ كاتم على طرحك للموضوع
الجريىء والشيق في نفس الوقت
نحن يا اخ كاتم نعيش في مجتمع
على الغالب عاداته وتقاليده
صعبة
خلينى احكى بالعامية
يعنى احنا كل شخص فينا بيحكى كلام مثالى
وبيغنى على ليلاه
لانه اكيد ما حد الا مر بهاد الموقف
طيب احنا ليه نلوم البنت
ليه ما نلوم الشب الى بيتحرش فيها
وين الوازع الدينى
وين الله
طيب هوا شو الدافع ورا تحرشه في البنت
اكيد في شي خلاه يعمل هيك ويتحرش بالبنت
يعنى هوا ملام
ولو جينا للبنت الى صار معها هاد الموقف
يمكن خوف بضلها ساكتة او يمكن تحكى هاد صار بالغلط
او عفوا
واحنا كل واحد اله وجهة نظرو في هاد الموضوع
يا جماعة ما تنسوا احنا في مجتمع تحكمه العادات والتقاليد
ومتعصب ومتشدد على الاغلب
يعنى البنت لو كان في لغة حوار وتفاهم بينها وبين امها او اهلها
كان ما ضلت ساكتة على هاد الشي
وبضلها خايفة وكاتمة في نفسها
خوفا من الى راح يصير بعد هيك
انا بلوم الاهالى في هاد الشي
لانهم مو محددين ثقف زمنى للعلاقة بينهم وبين ابنائهم
لو ضليت احكى من هين للصبح ما راح كفى وما راح تعطى الموضوع حقه
يسلمو يا اخ كاتم على الموضوع
وبجد انت من المميزين في الملتقى
دمت بود
مع تحياتى انا
قلب ادمته الجراح