النقاب .... هل هو إيمان ... ام هروب

يعطيكم العافية شباب وصبايا احلى منتدى
في شغلة لفتت انتباهي بمجتمعنا
وخاصة من خلال البحث الميداني يلي بتقوم فيه بعض المؤسسات
هلا النقاب ببلدنا كتير انتشر
بس في فئة بتلبسه لانها مقتنعة فيه
وفي فئات تانية بتلبسه لانه حابة تخفي شيء معين
ممكن يكون حقيقتها الغامضة
او عيب عندها
فشو راي احلى اعضاء بهالشغلة

وهل نظرة المجتمع لكل يلي بيلبسه نقاب نفس النظرة ؟

و شو العذر يلي بيكون عند يلي بتلبس النقاب لتخبي شيء معين ؟؟؟

أو تعمل شيء معين ؟؟

هل انت مع النقاب ولا ضده , وخاصة بعد يلي بنسمعه عن المنقبات بالفترة الاخيرة ؟؟؟

و شو هو شعور الشباب بالبلد تجاه المنقبات ؟؟؟

هل فعلا النقاب لا يجذب نظرات الشباب كالفتاة التي لا ترتدي النقاب ؟؟؟

يا ريت يكون في جواب وتفاعل على هالاسئلة .
و Exclamation

كتير الكم
تحياتي
آية

انا بنظري المنقبات اربعة انواع

1- البنات الي بلبسن النقام عن اقتناع وايمان وهذا ناااااااااااااااااااادر

2-البنات الي مجبرات على لبس النقاب من قبل الاهل وهذي الاغلبية

3- البنات الي بلبسن النقاب لكي تحافظ على المكياج وللوقاية من الشمس

4- البنات الي بلبسن النقاب لستر عيب او بتكون ماشية بطريق مش ولا بد ومتخذة النقاب كقناع

وانا من وجه نظري انه بنات اليوم لوثا سمعة النقاب والمنقبات

والله الشب بيستحي وبيكسر نظرته وهي زي_____________ ولا في ذرة حيا عندها

على الموضوع الهادف

دمتي بود

لبس النقااب له اسباب كتيرة

فيه بيلبسوه تدين

وفيه بيلبسوه عشان الشمس

وفيه بيلبسوه عشان يخفوا اشياء معينة في الوجه

او لوجدود اي تشويه في وجوههم

ولكن النقااب يبقى شعاراً للمسلمين

وأصبحت الفتاة التي لا تتنقب تتخد من البنات التي تسيئ

استخدام النقاب حجة لهم

فعندما يطلب من الفتاة ان تلبس النقاب تقول انا لا أؤمن بالبنات اللي بيلبسوه

او هما مش كويسات واخلاقهم مش منيحة

*********

وهل نظرة المجتمع لكل يلي بيلبسه نقاب نفس النظرة ؟

اكيد لاء في بينظروا اله نظرة بانه تدين

وفيه نظرة انه ليس تدين وانما يلبسوه

لاغراض اخرى

و شو العذر يلي بيكون عند يلي بتلبس النقاب لتخبي شيء معين ؟؟؟
يمكن بتخجل من وجود تشوه في وجهها

او اشي متل هيك او تريد ان لا احد يعرفها

لكي تعمل كل ما يجول بخاطرها بكامل حريتها

هل انت مع النقاب ولا ضده , وخاصة بعد يلي بنسمعه عن المنقبات بالفترة الاخيرة ؟؟؟

انا ما بقدر اعارض فكرة النقاب لانه شعار المسلمين

يعني ما بقدر احكي انا مابدي أصلي لانه

في ناس بتصلي وبتسرق او بتقتل لااء الصلاة هاد فرض على المسلمين وكل انسان لازم ينظر لنفسه

قبل ان ينظر لغيره وربنا سبحانه وتعالى راح يحاسبنا

على اعمالنا مش على اعمال غيرنا

و شو هو شعور الشباب بالبلد تجاه المنقبات ؟؟؟
انا ما بنظر للنقاب بانه تدين ولا غير تدين

النقاب ليس دليلا على ما بداخل الفتاة

فهناك من تلبس النقاب ولكنها لا تصلي او سلوكها واخلاقها مش منيحة

وهناك من تلبس النقاب واخلاقها عالية

فالنقاب ليس دليلا على سلوك واخلاق الفتاة

ولكن الاغلب محترماات

هل فعلا النقاب لا يجذب نظرات الشباب كالفتاة التي لا ترتدي النقاب ؟؟؟
لا احيانا المنقبة بتجذب نظرات الشباب اكتر من الغير منقبة خاصة ازا كان النقاب مفصل تفصيل

او الجلباب مفصل على جسمها ولكنها ترتدي النقاب
يعني تدين نص كوم

اخت ايــة

موضوعك كتير مميز

سلمت يمينك اختي على هدا الطرح

دمتِ لنا مميزة

الكم ولمروركم اخ كاتم واخ تايجر

دمتم للمنتدى بارائكم الفذة

نورتوني

اول شى يسلمو اية على الموضوع

وانا ما بقدر احدد لالك ازا كان النقاب هروب ولا ايمان لانو هاد بيعود لمتنقبة
بس حابة احكيلك شى
أغلبية المنقابات صارن يلبسو النقاب بس لالفات النظر يعنى بتلاقى المنقبة مركزة كل الميك اب على عيونه بس لالفات النظر
مع احترامى لكل المنقبات بسكمان فى منقابات محترمات النقاب اللى لبساته

يسلمو

أول شى يسلمو اختى أيه على الموضع الرائع والمميز

في بنات بيلبسوا النقاب للتدين

وفي بنات بيلبسوا لأشياء تانية ووما بيحبوا حدا يعرفهم

وفي بنات بيلبسوا النقاب علشان الشمس وعلشان تحافظ على

بشرتها

وفى بنات بيلبسوا النقاب لانو أهليهم هيك بدهم

وفي بنات بيكونوا مخطوبين وخطيبها ما بدو اياها تطلع بوجها

فبتلبس نقاب

يعني لأسباب كتيرة بيلبسوا النقاب

وبعدين الحين في منقبات ماشاءالله عليهم بنشوفهن كتير ماشيين بالسوق وبغير مكان

يعني بتكون طارشة حالها مكياج وعينها من تحت النقاب ما شاءالله عليهم شى أخضر وشي

أزرق والكحلة طبعا لازم تبين والتطقيس من الشباب اكيد

لانها هي الي بتكون عرضت حالها لهيك شي يعني هاي بتكون لابسة النقاب مو للتدين

بتكون لابساه علشان تحط مكياج كتير تحت النقاب

وطبعا المتدينة غير بتكون نقابها مرتب والجلباب واسع عليها هادى البنت الي بتكون

لابسة النقاب عن تددين

وبصراحة الايام هاي صاروا نادرين الي يلبسوا النقاب للتدين

صاروا يستخدموا لاشياء مش كويسة

مع احترامي للمنقابات الي لايبسن النقاب للتدين بس

يسلمو مرة تانية أختي على موضوعك الرائع والجميل

احترامي الك

شمس الاصيل

الكم عاشقة الكوفية وشمس الاصيل على مروركم واثرائكم لموضوعي بكلماتكم الراقية

[size=24]

حبيت اضيف شغلة

واخد رايكم فيها كمان

هلا وخاصة بالمناطق الريفية من القطاع عم يستخدموا النقاب لشغلة خطيرة جدا

وحبيت انوه لالها

عم بيتم استخدامه لترويج المخدرات والعقاقير متل الترمال .. الكوكايين ...البانجو ..... الخ

و ما بعرف اذا في لمتل هيك موضوع متابعة من الداخلية اما لأ

بس بجد تم التعرف على اكثر من فتاة منقبة بمتل هيك مناطق تروج المخدرات والعقاقير للشباب والصبايا بهيك مناطق وخاصة بالمناطق يلي بتكون قريبة من الحدود

البنت بتكون ما بتطلع بنقاب بس لوقت طلعة الشغل متل ما بيسموها بتلبسه

بجد صار الوضع عنا ــــــــــــــــــ

الله يعين
best wishes to my beloving gaza
[/size]