المطلقاااااااااات

مسا الخير لاحلى عالمــ

كيفكمــ اليوم

ان شاء الله باحسن حال

انا حابب اطرح موضوع حلو كتير وبدى راي الجميع

لكنــ بدى راى واقعى صريح مو راى ملتقيات ومجاملات مو اى رد من الاخر

الموضوع هو قصة

المطلقات

ليش المجتمع بشكل عام بنبذ المطلقات؟

لماذا تعتبر شي شاذ تعتبر غريبة؟

او انه انتهى وقتها من حياة الزواج

هل المجتمع يتعامل مع هذه الطائفة بلشكل الملائم؟

هل يعطيها حقها؟

وبدى اطرح نقطة

لنفترض انه اخت بنت اوشب من الملتقى مطلقة

ما هو تعاملك معها بالبيت؟

متل باقى اخواتك ولا غير هيك

وهل اذا اتقدم شخص تاني لخطبتها توافق ولا لاء؟

وبدنا تفاعل من كافة الاعضاء

مع خالص التحيات لكافة الاعضاء

ابو المؤيد

سلمت يمينك على هدا الطرح المميز

دائما تتحفنا بمواضيعك الرااقية

شعبنا بصراحة لا تعجبني نظرته للنسااء المطلقاات

لانه ليس كل المطلقات واحد

فقد تكون مطلقة ومظلومة ولا تستحق الطلاق ولكن زوجها
كان ظالماً أو قد تطلقت نتيجة عدم قدرتها على الإنجاب
فهذه يجب أن ينظر لها الناس بعين الشفقة والرأفة
وأن يساندها ويقف معها وألا يتجنبها ويبتعد عنها
وكأنها أصبحت امرأة مفترسة

ولكن ازا كانت مطلقة نتيجة خيانتها لزوجها أو كثرة مشاكلها
أو أنها لا تطيع زوجها فهذه تستحق الطلاق
وتستحق من الناس أن يتجنبوها لكي تكون عبرة لغيرها
وحتى تتعلم من خطأها

فالتعامل مع الطلاق يكون نتيجة معرفة
سبب الطلاق
فإذا كانت مظلومة فيجب أن ننظر لها
بعين الشفقة
وازا كانت ظالمة لزوجها ولنفسها
فيجب التعامل معها بما يليق بها

انا هاي وجهة نظري اخ ابو المؤيد

ومرة اخرى باشكرك على الموضوع الجميل

تحياتي ليك يا عسل
وياريت ما تحرمنا جديدك

مشكور كتير اخ كاتم

بجد انت اعطيت الموضوع كفاية

بس انا مو شايف تفاعل من الاعضاء

ابو المؤيد

بجد طرحك لهيك موضوع راااااااااائع بل وأكثر
عنا بالبلد لو كانت المرأة مطلقة بيحكوا أكيد عملت شي شغلة بتستاهل الله لا يقيم عنها
بس ما بيكونوا عارفين انها ممكن تكون مظلومة
وممكن كتير يكون الحق على زوجها
أو حتى على عائلتها أو عائلة زوجها
لانه بعرف كتير ناس تطلقوا بس لانو الحماة بتغار على ابنها من زوجته
والعالله
ومو الكل بيكون عارف ليه تطلقت المرأة من زوجها لهيك بتكون النظرة بالاعم السيء
مت ما بيقولوا
وما بتصير كل وحدة تطلقت نروح نسالها شو السبب لحتى نحدد نظرتنا منها
لازم يكون في دور لمؤسسات العمل المدني وخاصة قسم الإرشاد النفسي لحتى يوعوا الناس بالنظرة الصائبة للمطلقة
وبنظري حتى لو كانت غلطانة وهي سبب الطلاق مو لازم ننظر لها نظرة سيئة لازم نقومها لو كانت بحاجة لهيك
وتقبل مروري يا أبو المؤيد
و Exclamation

كتير على هيك موضوع راااااااائع بل و اكتر من رائع

اية

شكر الك كتير على مرورك الحلو

وبجد كلماتك بتعبر عن انسان واعى متعلم

اتمنى يكون كل بنات الملتقى متلك

بس انا لهلقيت ما لقيت حدا يرد على اسئلتى اللى كتبتها
تحياتي الك

طيب اخ كاتم

بجد انا كان لي خالة مطلقة والسبب كان لانه زوجها موعاقل كتير وهي مو لانها خالتي لاء
بس هي بجد حلوة
وتطلقت منه
بعد شهر زواج
وبجد كان تعاملنا معها في نوع من الحساسية لمشاعرها وانها ممكن تزعل من أي شيئ
بس هاد مو صح
لازم انسان متل هليك يكون التعامل معه عادي
وصدقني لو انها اختي راح اسارع بتزويجها بس لاحميها من كلام الناس وبالفعل خالتي هلا متزوجة بس شو هالزواج يا عمي
زوجة تانية مع انه عمرها هلا 29 سنة وزوجها عمره 45 سنة !!!!!!!!!! غريبة بس هاي الواقع
هيك الحال اخي وما بنقدر نغير الواقع بيوم وليلة الا اذا اتحدنا ؟؟؟؟

والله موضوع حلووووووو كتير

وتقريبا كاتم حكى الحكي المعقول والمنطقي
يعني على حسب سبب طلاق المرأة المفروض يكون التعامل معها
الا انه بمجتمعنا مجرد ما نسمع كلمة مطلقة بنحاول نبعد وبنحس انها شاذة
والله هاد ظلم للمطلقة
لانه اي حد ممكن ينحط بهيك موقف
والمطلقة ما بتكون ترغب بهالشي اكيد ولا حابة انه يصير معها هيك
وقبل الطلاق كانت امراة متزوجة يعني عادية
الا انه صارت ظروف وجعلتها مطلقة

بالنهاية بدي اطرح سؤال للشباب هون
وخصوصااااااااا الشباب الغير متزوجين
هل بتوافق تتزوج مطلقة
واذا كان لاء ليش؟
شو السبب؟؟؟؟؟؟؟

حسبى الله و نعم الوكيل
يعني خلاص ماعاد فيه دين

رسولنا عليه افضل الصلاة والسلام
كل النساء الي اتزوجهم ماكان فيهم ولا واحده بكر
غير امنا عائشة رضي الله عنها

يعني انتم حتكونوا احسن
من اعظم خلق الله؟؟حسبي الله ونعمه الوكييييييييييل

اخت اية

انا حكيت انه المطلقة وسبب طلاقها
بسبب خيانتها لزوجها
هاد اللي لازم الناس تنظر لها بنظرة استحقاار
حتى تستحقر نفسها وتحس بغلطتها
وتكون عبرة لغيرها
لانه ازا الشعب وقف معها وساندها ودللها
اكيد ازا حصل نصيب واتزوجت تاني راح تكرر غلطتها
وكمان راح تشجع الخيانة الزوجية عند النسااء

بس ازا كانت مظلومة وسبب طلاقها ظلم زوجها فهاد لازم يقف معها
الشعب والناس وما يحسسوها انه كل الناس ضدها
وكل الناس بتكرها
فهمتي قصدي
*********
وبالنسبة لسؤال الاخت رانيا والاخ ملاك الليل
بدي اطرح سؤال للشباب هون
وخصوصااااااااا الشباب الغير متزوجين
هل بتوافق تتزوج مطلقة
واذا كان لاء ليش؟
شو السبب؟؟؟؟؟؟؟

اكيد الرسول عليه الصلاة والسلام قدوتنا
بس بدي اسألك سؤال
بترضي لزوجك يتزوج عليك 11 زوجة
بلاش 11 بترضي يتزوج عليكي وحدة تانية
اكيد لااء

وبالنسبة لسؤالك :
الزواج بالبنت المطلقة ليس بالسهل

بس انا بالنسبة اللي ممكن اتزوجها ازا كانت مظلومة في طلاقها
لانه اكيد البنت المطلقة ازا اتزوجت تاني
راح تكون ملااك وراح تتعلم من الاخطااء خوفاً من أن تطلق مرة تانية
فالبنت المطلقة قد تكون أفضل من ألف بنت بكر ( غير متزوجة )
لانه عاشت تجربة صعبة بحياتها في الزواج الاول
وراح تتعلم من تجربتها وتغير من نفسها

هناك الكثير من المطلقات تم ظلمهم من قبل ازواجهن
وانا متعاطف مع هذه الشريحة من النساء
ولكن بعض من النساء يستاهلوا الطلاق من افعالهن اللى بتشيب لها الولدان
على العموم انا متعاطف جدا مع هذه الشريحة من النساء
ولا انبذها مطلقا
تحياتى يا ابو المؤيد

اها فهمت قصدك يا كاتم

والله يعين كل وحدة بيظلمها الزمن وبتصير مطلقة
Exclamation

الك

مجتمعنا مع انو مجتمع دينى ومتسامح بس انو فكرة للمطلقات بتختلف Laughing

ا عندهم المطلقة عبء صارت اطلقت اكيد هى مش منيحة علشان هيك اطلقت ما بيدرو يوجهو سبب الطلاق لزوج دايما بيحملو المراة كل شى مع انو احيانا بتكون المراة انظلمت فى حياتى وبالاخر تطلق وكمان انو الناس تجيب بسيرتها انو مش منيح يعنى سيرة المطلقة بتصير الناس تحكى فيها وتزود على الطبخة الملح

بعتبر مجتمعنا انو المطلقة شى شاذ فريدة لانهم حكمو عليها انها وحدة مشمنيحة زوجها طلقها لانو اخلاقها مش منيحة علشان هيك بيعتبرها شى غريب
ومجتمعنا ما بعطى حق المراة وخاصة لما تتطلق لازم تتنازل عن مهرها وعن حضانتها للاولاد ازا كان بينهم ولاد يعنى شو ذنبها هى انو نصيبها ما حالفها ....زالمطلقة بالاخر بتكون انسانة الها مشاعر بتحس يعنى ليش تتعاقب على شى ما الها ذنب فيه على شى القدر هواللى صنعه هى ما صنعة قدرها بايدها هاد قدر الله كتبه عليها ولا يسير عليها

يسلمو عالموضوع

مشكورين كل من شاركوا بالرد

بس انا لحتى الان ما لقيت عضو

يجاوبنى على اسئلتى المطلوبة

مع كامل احترامى للجميع

ليش المجتمع بشكل عام بنبذ المطلقات؟
لأنه بيفكر انه الطلاق ما إجا من فراغ

فلازم يكون هناك سبب أدى إلى الطلاق
فبيصير عنده نوع من الخوف من هذه الفتاة او الزواج بها ..

لماذا تعتبر شي شاذ تعتبر غريبة؟
هاد النظرة بالنسبة للمجتمع الجاهل
البنت المطلقة بنت عادية ولكن النصيب
الذي قدره الله لها لم يكون حليفها
فهدا نصيبها في الدنيا فيجب ان نغير من نظرتنا تجاه هذه الفتاة ولا اعرف لماذا يعتبرها المجتمع بأنها شاذة ..
لو اعتبر كل شخص بان هذه المطلقة هي اخته لما فكر كما يفكر .

او انه انتهى وقتها من حياة الزواج
لا بالعالله الحياة ما بتتوقف
وكتير مطلقات بيتزوجوا عاادي
هدا بيرجع الى سبب طلاقها والى
اخلاقها ... وبيرجع للي كاتبه الها ربنا

هل المجتمع يتعامل مع هذه الطائفة بلشكل الملائم؟
بالتأكيد لااء ... المجتمع نظرته للمطلقة نظرة سلبية لانه بيعتبرها شيئ شااذ
لا ينظر لها كالبنت الغير متزوجة
فيحرمها من العطف والحنان
وكمان لما يكون مكتوب بالهوية تبعتها
الحالة الاجتماعية : مطلقة هاد بحد ذاته
بيأثر على نفسيتها كتير المفروض المجتمع يصبح اكتر وعي في التعامل مع المطلقات

هل يعطيها حقها؟
مش كل المطلقات ياخدون حقهم
والمطلقة اللي بتاخد حقها ما بتاخده كله

وبدى اطرح نقطة

لنفترض انه اخت بنت اوشب من الملتقى مطلقة

ما هو تعاملك معها بالبيت؟
متل باقى اخواتك ولا غير هيك
راح اتعامل معها عادي وماراح
تتغير علاقتي معها
الا ازا كانت هيا السبب في الطلاق
راح ازعل منها وعلاقتي راح تتغير معها حخعتى تحس بغلطتها
وتحاول تتغير وازا اتغيرت علاقتي وعلاقة الناس راح تتغير

وهل اذا اتقدم شخص تاني لخطبتها توافق ولا لاء؟

انا مش ولي امرها هدا بيرجع لبويا وللبنت نفسها
ازا بتوافق او لا

يسلموو